ভারতকী প্রধানমন্ত্রী
য়ুএসকী স্তেত সেক্রেতরী রেক্স দব্লিয়ু তিল্লর্সন্না ঙসি নুমিৎ য়ুংবা মতুংদা প্রধানমন্ত্রী শ্রী নরেন্দ্র মোদীগা উনখ্রে।
প্রধানমন্ত্রীনা সেক্রেতরী তিল্লর্সনবু মানা পাইরিবা ফম অসিদা ভারত্তা লাকপদা তরাম্না ওকখি। প্রধানমন্ত্রীনা চহি অসিগী জুন থাদা রাষ্ট্রপতি ত্রম্পকা লোইননা কান্নরবা অমসুং তুং কোইনা চৎকদবা ৱারি ৱাতাইগী মতুংদা লৈবাক অনিগী ওইবা স্ত্রাতেজিক পার্তনর্শিপ চেৎশিনহনখিবা অদুবু শিংথাবগা লোইননা নীংশিংখি।
প্রধানমন্ত্রীনা সেক্রেতরী তিল্লর্সন্না ফোংদোকখিবা নাকল অনিগী ওইবা শরুক য়ামিন্নবগী মচাকশিং, খোংজেল অমসুং পাক চাওবা অদুবু হেনগৎহন্নবগী মাইকৈদা খোং থাংজিন্নবগী ৱাফম অদুদা য়ানীংবা ফোংদোকখি। ইন্দিয়া-য়ুএস পার্তনরশিপ অসি লৈবাক অনি অসিগী কান্ননবা খক নত্তে লমদম অসোমগী অমসুং মালেমগী তংদু লৈতানবা অমসুং ৱাৎত-পাদনবগী ওইথোকপা য়াবশিং অদুদা কান্নবা ইথিল পীরি হায়না মখোয়না য়ানখি।
রাষ্ট্রপতি ত্রম্পকী অনৌবা খা এসিয়াগী পোলিসী অদুগী মতাংদা, প্রধানমন্ত্রীনা অফগানিস্তান্দা ইং-তপ্পা অমসুং তংদু লৈতাবা পুরক্নবা হোৎনবদা, তেরোরিজম, তেরোরিস্তকী ইনফ্রাস্ত্রকচর, শোই-ঙাম্লোইদবা চংজফম অমসুং মতেং মুথৎপগী লমদা মান্নবা ৱাখল্লোন অদু পনখি। v
মসিগী মতাংদা, সেক্রেতরী তিল্লর্সন্না লমদম অসোমদা হন্দক্তা চৎখিবা মহাক্কী খোংচৎ অদুগী মতাংদা প্রধানমন্ত্রীদা তমখি। মখোয়না মখা তানা মওং পুম্নমক্তা তেরোরিজম থেংননবা অমসুং লমদম অসোমগী তংদু-লৈতাবা অমসুং ঙাকশেল হেনগৎহন্নবগীদমক তেংবাং পীনবা হেনগৎহন্নবগী মতাংদা খন্ন-নানখি।
মসিগী মমাংদা সেক্রেতরী তিল্লর্সন্না এক্সতর্নেল এফিয়র্স মন্ত্রী সুশ্মা স্বরাজ অমসুং নেস্নেল সেক্যুরিতী এদভাইজর অজিৎ দোৱলগসু কুপথনা খন্ন-নৈনখি।
Mr. Rex Tillerson, U.S. Secretary of State met Prime Minister @narendramodi. @StateDept pic.twitter.com/vISIt6G8sq
— PMO India (@PMOIndia) October 25, 2017
