ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি য়ুনিয়ন বজেত ২০২০২বু ভিজন অমসুং এক্সন ওরিয়েন্তেদতা য়ুম্ফম ওইবা অমনি হায়খ্রে।

লোক সভাদা য়ুনিয়ন বজেত পুথোক্লবা মতুং মহাক্কী ৱারোলদা প্রধান মন্ত্রীনা হায়খি, “বজেত্তা অনৌবা রিফোর্মশিং লাউথোকখিবা অদুনা ইকোনোমী হেঙ্গৎহন্নবা, লৈবাক অসিগী মীপুম খুদিংমকপু ফাইনেন্সিয়েল্লী এমপৱার ওইহন্নবা অমসুং দিকেদ অসিদা ইকোনোমীগী ফাউন্দেসন চেৎশিলহন্নবা থবক তৌরগনি।”

এমপ্লোইমেন্ত জেনরেসন্দা মিৎয়েং:

প্রধান মন্ত্রীনা হায়খি মদুদি বজেত ২০২০না এগ্রিকলচর, ইনফ্রাস্ত্রকচর, তেক্সতাইল অমসুং তেক্নোলোজীগুম্বা মরুওইবা এমপ্লোইমেন্ত জেনরেত তৌরিবা সেক্তর পুম্বদা মিৎয়েং থম্লি।

মহাক্না হায়খি, “লৌমীশিংগী শেন্থোক শরুক অনি ওইহনবগী হোৎনবগা লোয়ননা এক্সন পোইন্ত ১৬ শেমগৎলে মদুনা রুরেল সেক্তরদা এম্প্লোইমেন্ত হেঙ্গৎহন্নবা থবক তৌরগনি।”

মহাক্না হায়খি, “বজেত্তা এগ্রিকলচর সেক্তরগীদমক ইন্তিগ্রেতেদ এপ্রোচ এদোপ্ত তৌরে, মসিনা ত্রেদিস্নেল মেথদকা লোয়ননা হোর্তিকলচর, ফিসরিজ, এনিমেল হজবেন্দরীদা ভেল্যু এদিসন হেঙ্গৎলগনি অমদি এম্প্লোইমেন্তসু হেঙ্গৎলগনি।”

“ব্লু ইকোনোমীদা হোৎনরিবশিং অসিনা ফিশ প্রোসেসিং অমসুং মার্কেতিংদা নহাশিংগীদমক অহেনবা থবক ফংহন্নবা তঞ্জা পুরক্লগনি।”

তেক্সতাইল সেক্তর

প্রধান মন্ত্রীনা হায়খি মদুদি তেক্নিকেল তেক্সতাইলদা অনৌবা মেছিনশিংগী ৱারেপ অমা লৌরে।

মহাক্না হায়খি মদুদি ভারত্তা মীনা শাবা ফাইবর পুথোক্নবগীদমক মদুগী রো মেতরিয়েলগী দ্যুতী স্ত্রকচরদা রিফোর্ম তৌরে। রিফোর্ম অসি মমাংগী দিকেদ ৩দগী দিমান্দ তৌদুনা লাকপনি।

হেল্থ সেক্তর

প্রধান মন্ত্রীনা হায়খি, “আয়ুশ্মান ভারত য়োজনানা লৈবাক্কী হেল্থ সেক্তরদা অনৌবা এক্সপান্সন পীরে। সেক্তর অসিদা হ্যুমেন রিসোর্স- দাক্তর, নর্স, এতেনদেন্তকা লোয়ননা মেদিকেল দিবাইস মেন্যুফেকচরিংগী স্কোপ য়াম্না লৈরে। মসি হেঙ্গৎহন্নবগীদমক সরকারনা অনৌবা ৱারেপ লৌরে।”

তেক্নোলোজী সেক্তর

প্রধান মন্ত্রীনা হায়খি মদুদি তেক্নোলোজীগী লমদা এমপ্লোইমেন্ত জেনরেসন হেঙ্গৎহন্নবগীদমক বজেত অসিদা ঐখোয়না অখন্নবা কয়া অমা হোৎনরি। “অনৌবা স্মার্ত সিতীশিং, ইলেক্ত্রোনিক মেনুফেকচরিং, দাতা সেন্তর পার্কশিং, বাইও তেক্নোলোজী অমসুং ক্বান্তম তেক্নোলোজীগুম্বা লমশিংগীদমক পোলিসী ইনিসিয়েতিব কয়া লৌখৎলে। মসিগা লোয়ননা ভারত গ্লোবেল ভেল্যু চেনগী মপুম ওইবা শরুক অমা ওইরক্নবগী মায়কৈদা খোংফম চেৎনা মাংলোমদা চংশিল্লি।”

মহাক্না হায়খি, “বজেত্তা নহাশিংগীদমক স্কিল দিবেলপমেন্তকী ওইনসু অনৌবা অমসুং ইনোবেতিব ওইবা ইনিসিয়েতিব লাওথোকখ্রে। খুদম ওইনা দিগ্রী কোর্সশিংদা এপ্রেনতিসেশিপ, লোকেল বোদীশিংদা ইন্তর্নশিপ অমসুং ওনলাইন দিগ্রী কোর্সশিংগী সিস্তেম।”

এক্সপোর্ত অমসুং এম.এস.এম.ই. সেক্তরনা এমপ্লোইমেন্ত জেনরেসনবু দ্রাইব তৌরি হায়রদুনা মহাক্না হায়খি মদুদি  বজেত্তা অপিকপা ইন্তরপ্রাইজশিংগী ফাইনান্সিংগীদমক অনৌবা ইনিসিয়েতিব কয়াসু পায়খৎলে।

ইনফ্রাস্ত্রকচর

মোদর্ন ইন্দিয়াগীদমক্তা মোদর্ন ইনফ্রাস্ত্রকচর অসি য়াম্না মরু ওই অমসুং অসিসু অচৌবা ইমপ্লোইমেন্ত জেনরেতরনি অমনি হায়না মহাক্না হায়খি।

মহাক্না হায়খি, “লুপা লাখ কোতি ১০০ চংনা প্রোজেক্ত ৬৫০০ পায়খৎপনা এমপ্লোইমেন্তকী খুদোংচাবা য়াম্না চাউনা হেঙ্গৎহল্লগনি। নেস্নেল লোজিস্তিক পোলিসীনসু ললোন ইতিক, করোবার অমসুং এমপ্লোইমেন্ত, সেক্তর অহুম অসিদা কানরগনি।”

মহাক্না হায়খি, “লৈবাক অসিদা এয়ার্পোর্ত ১০০ শেমগৎনবা পান্দম্না মীচম প্রজাশিংবু অনৌবা অৱাংবা অমদা পুখৎলগনি, ভারতকী তুরিজম সেক্তরদা অনৌবা লেংহন্নবা পাঙ্গল পীরগনি।”

ইনবেস্তমেন্ত

প্রধান মন্ত্রীনা হায়খি মদুদি এমপ্লোইমেন্তকীদমক ইনবেস্তমেন্ত অসি খ্বাইদগী চাউবা দ্রাইবরনি অদুনা মায়কৈ অসিদা পুৱারী ওইরবা খোংথাং খরা লৌখৎলে।

“বোন্দ মার্কেত চেৎশিলহন্নবগীদমক অমসুং ইনফ্রাস্ত্রকচরগী লোং তর্ম ফাইনান্সিংগীদমক থৌরাং তৌরে। দিবিদেন্ত দিস্ত্রিব্যুসন তেক্স লৌথোকখিবনা মরম ওইরগা কম্পেনীশিংগী খুত্তা লুপা কোতি লিশিং ২৫ লাক্লগনি মদুনা মখা তানা ইনবেস্ত তৌবদা মতেং ওইরগনি।”

মহাক্না হায়খি, “মপাল লৈবাক্কী ইনবেস্তমেন্তপু ভারত্তা পুক্নিং চিংশিন্নবগীদমক তোঙান তোঙানবা তেক্স কন্সেসন্স পীরি।”

“মদুগা মান্ননা স্তার্ত অপ্স অমসুং রিএল স্তেত্সকীদমকসু তেক্স বেনিফিতশিং পীরে।” হায়না মহাক্না হায়খি।

তেক্সেসন্দা থাজবা থম্বদা মিৎয়েং

প্রধান মন্ত্রীনা হায়খি মদুদি হৌজিক ঐখোয় ইনকম তেক্সকী প্রোবিজন্দা চীন্দাননা খৎনরম্বদগী থাজবগী খোংচৎ অমা চৎপা হৌরে।

মহাক্না হায়খি, “এম.এস.এম.ই.গা শম্নরিবা অপিকপা ইন্তরপ্রিনরশিংদা ঐখোয়গী সরকারনা মতম পুম্নমক্তা থাজবা থম্লি। হৌজিক্তি লুপা কোতি ৫ ফাওবগী তর্নওবরদা ওদিৎকী মথৌ তাররোই।”

মহাক্না হায়খি, “মমাংদদি মসিগী লিমিৎ অসি লুপা কোতি ১ ফাওবা ওইরম্মি, অদুবু হৌজিক মসি লুপা কোতি ৫দা হেঙ্গৎলে।”

সরকারগী থবকশিংগীদমক য়ুনিফাইদ এগজাম

মহাক্না হায়খি, “ঙসিদি সরকারগী থবক্কীদমক নহাশিংনা তোঙান তোঙানবা পরিক্ষা কয়া পীবা তাই। সিস্তেম অসি হোংদোক্লগা হৌজিক্তি নেস্নেল রিক্রুইতমেন্ত এজেন্সীগী থোংদা লৌবা ওনলাইন কমন এগজামগী খুত্থাংদা এপোইন্তমেন্ত তৌরগনি।”

মিনিমম গবর্নমেন্ত মেক্সিমম গবর্নান্স

প্রধান মন্ত্রীনা হায়খি মদুদি ফেসলেস অপিল, সিমপ্লিফাইদ দাইরেক্ত তেক্স, পি.এস.য়ু.শিংদী দিসইনবেস্তমেন্ত লিংখৎনবা হোৎনরিবশিং, য়ুনিফাইদ প্রোক্যুরমেন্ত সিস্তেম, ওতো এনরোলমেন্ত অসিনচিংবা খোংথাংশিংনা মিনিমম গবর্নমেন্ত মেক্সিমম গবর্নান্সতা মিৎয়েং থম্লি।

ইজ ওফ দুয়িং অমসুং ইজ ওফ লিবিং

তুংদা প্রধান মন্ত্রীনা হায়খি মদুদি গ্রাম পঞ্চায়ৎ লাখ অমদা আঙ্গনৱাদী, স্কুল, হেল্থ অমসুং ৱেলনেস সেন্তর অমদি পুলিস স্তেসনবু ব্রোদবেন্দগা শম্নহনবা অসি পুৱারী ওইরবা হৌরকপা অমা ওইগনি।

মসিনা ইজ ওফ দুয়িং অমসুং ইজ ওফ লিবিংদা মতেং ওইরগনি হায়না মহাক্না হায়খি।

মহাক্না হায়খি, “মসিনা মনুং হুঞ্জিনবা খুঙ্গং কয়াবু ব্রোদবেন্দগী থোংদসু শম্নহল্লগনি।”

য়ুনিয়ন বজেত ২০২০না অসিনা ইনকম অমসুং ইনবেস্তমেন্ত হেঙ্গৎহনগনি, দিমান্দ অমসুং কঞ্জুমম্পসন হেঙ্গৎহনগনি, ফাইনান্সিয়েল সিস্তেম অমসুং ক্রেদিৎ ফ্লোদা অনৌবা পাঙ্গল থৌনা পুরক্লগনি হায়না মহাক্না ফোংদোকখি।