ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ুনেসকোগী কেতেগরি-২ সেন্তর (সি২সি) অমগুম্না হাইদ্রবাদতা ইন্তরনেস্নেল ত্রেনিং সেন্তর ফোর ওপরেস্নেল ওসিনোগ্রাফি লিংখৎপদা অয়াবা পিখ্রে ।
য়ান্নচে অসিগী পান্দম অসি ইন্দিয়ান অমসুং আটলান্টিক মহাসাগরগা শম্নরিবা অফ্রিকাগী লৈবাকশিং, য়ুনেসকোগী ফ্রেমৱার্ক্কী মখাদা লৈবা ইথৎ লৈবাক মচাশিং, ইন্দিয়ান ওসিন রিম (আইওআর)গী লৈবাকশিংদা চাওখৎ থৌরাংগী মায়কৈদা ত্রেনিং সেন্তর অমা লিংখৎপনি । ওপরেস্নেল ওসিনোগ্রাফি অসি তোঙান তোঙানবা সেক্তরশিং, মমিং ওইনা পল্লবদা ঙামী, দিজাস্তর মেনেজমেন্ত, শিপ্পিং, হিথাংফমশিং, সমুদ্র মপালদা লৈবা রাজ্যশিং, ইশিং লান্মী, কোস্ত গার্দ, এনভাইরোনমেন্ত, মখোয়গী দে-তু-দে ওপরেসনশিং চৎথনবগীদমক সমুদ্র মপালদগী লাপ্না লৈবা ইন্দস্ত্রীশিংদা ইনফোর্মেসন ফংহন্নবগী মায়কৈদা পথাপ-নাইবা ওসিনোগ্রাফিক স্তদিশিংগী থৌশিল অমনি ।
সেন্তর অসিনা য়ুনেসকোগী থবক্কী ইম্পেক্ত অমসুং মওং মতৌ হেঙ্গৎহন্দুনা য়ুনেসকো অমসুং মসিগী ইন্তরগবর্নমেন্তেল ওসিনোগ্রাফি কম্মিসন (আইওসি)দা কেপাসিতী বিলদিং অমসুং ত্রেনিং, নোলেজ পিথোক পিশন তৌবা অমসুং ইনফোর্মেসন একচেঞ্জ তৌবগী লমশিংদা মতেং ফংহনগনি ।
য়ুনেসকোগী কেতেগরি-২ সেন্তর লিংখৎপনা ভারত মহাসাগরদা মকোক থোংবা লৈবাক অমগুম ভারতপু উহনবগী খুদোংচাবা অমা ফংহল্লগনি । মসিনা খা এসিয়াগী লৈবাক অমসুং ভারত মহাসাগরগা শম্নরিবা অফ্রিকাগী লৈবাকশিং য়াওনা ভারত মহাসাগরগী লৈবাকশিংগী মরক্তা কোওপরেসন থম্বা অমসুং মরি ফগৎহনবদশু ভারতপু মতেং পাংলগনি । সেন্তর অসি লিংখৎপনা মেরাইন অমসুং কোস্তেল সস্তেনেবিলিতী ইশুশিং ফংহন্নবা তেক্নিকেল অমসুং মেনেজমেন্ত কেপাসিতী শেমগৎপদা মালেম শিনবা থুবদা মথৌ তারিবা অদু ফংহল্লগি অমসুং মেরাইন নেচরেল হজার্দশিংদা ইফিসিয়েন্তলি রিয়েক্ত তৌনবা রিজন অসুবু শেম শারগনি । সেন্তর রেস্পোনসিবিলতী অদুদা মেরাইন সাইন্তিফিক রিসার্স কেপাসিতী শেমগৎপদা স্তেনেবল দিবেলপমেন্ত গোল-১৪ (এসদিজি ১৪) ফংহনবদা সেন্তর অসিনা শরুক য়াহল্লগনি মদুনা স্মোল আইলেন্দ দিবেলপ্পিং স্তেতশিং, চাওখৎপা ৱাৎলিবা লৈবাকশিংদা মতেং পিনবা ৱাফমশিংদুশু মপুং ফাহল্লগনি ।
সি২সি অসিনা ছাত্রশিং অমসুং অতোপ্পা শরুকয়ারিবশিংগী হৈশিংবা হেঙ্গৎহন্নবা থৌশিল তৌরি মদুনা ভারতকী মনুং অমসুং মপান্দা থবক ফংহনবগী খুদোংচাবা হেঙ্গৎহল্লগনি । সি২সি লিংখৎপা অসিনা ভারত্তা এমপ্লোইমেন্ত জেনরেসন্দা মাংজিল থাহন্দুনা চাওখৎপা হেঙ্গৎহনবদশু অশা তৌরি । সেন্তর অসি হৌজিক্কী ওইনা ইন্দিয়ান সেন্তর ফোর ওসিন ইনফোর্মেসন সর্বিসেস (আইএনসিওআইএস), হাইদ্রবাদতা ফংলিবা স্তেত-ওফ-দি-আর্তকী খুদোংচাবশিং অদুগা লোয়ননা মথৌ পাংথোক্লি । হৌজিক ফাওবদা, ভারত্তগী ৫৭৬ অমসুং অতোপ্পা লৈবাক ৩৪দগী ১০৫ য়াওনা অপুনবা বিগ্যানিক ৬৮১ হেনবনা সেন্তর অসিদা ওপরেস্নেল ওসিনোগ্রাফীগী তোঙান তোঙানবা এস্পেক্তশিংদা ত্রেন তৌখ্রে । অতোপ্পা বিলদিং অমসুং ত্রেনিং হোস্তেলগুম্বা ইনফ্রাস্ত্রকচরগী খুদোংচাবশিং হৌদোক্লে । মসিনা ৱার্ল্দ ক্লাসকী খংহৈরবশিং কৌদুনা অশাংবা মতমগী কোর্সশিংদা (থা ৩দগী ৯ ফাওবা) তমগদবা হিরম ময়াম অমা পাংথোক্নবশু মীৎয়েং থম্লি ।
