ভারতকী প্রধানমন্ত্রী

অফ্রিকাদা ব্রিক্স :

৪শুবা ইন্দস্ত্রিয়েল রিভোলুসন্দা পুন্না চাউখৎমিন্ননবা অমসুং নুংঙাইবা শরুক য়ামিন্ননবা মতেং পীনবা

সান্দতোন কনভেন্সন সেন্তর

জোহনীসর্বগ, খা অফ্রিকা , জুলাই ২৫–২৭, ২০১৮
 

1. প্রিয়েম্বল

   ১. ঐখোয়, ব্রাজিল,রুসিয়া,  ভারত, চাইনা অমসুং খা অফ্রিকাগী সরকারগী মকোকশিং ওইনা জোহনীসর্বগ জুলাই ২৫–২৭ ফাওবা পাংথোকপা ১০সুবা ব্রিক্স মীফমদা উনরে । ব্রিক্সগী পুৱারিদা , ১০সুবা ব্রিক্স মীফম অসি অনৌবা খোঙথাং অমা ওইনা মীফম অসি ” অফ্রিকাদা ব্রিক্স : ৪শুবা ইন্দস্ত্রিয়েল রিভোলুসন্দা পুন্না চাউখৎমিন্ননবা অমসুং নুংঙাইবা শরুক য়ামিন্ননবা মতেং পীনবা ‘ হায়বা পান্দম অসিদা পাংথোক্লে “  ।     

2. ২. নেলসন মন্দেলাগী চহি ১০০ সুবা মপোক কুমওন থৌরমদা ঐখোয় উনরি অমসুং ঐখোয়না মহাক্কী থাজবশিং, ৱাখল্লোনশিং অমসুং মীওইবা খুন্নাইগী তৌরম্বা থবকশিং মশক খঙলে অমসুং মালেমগী ওইনা গনতন্ত্রগীদমক মহাক্না হোৎনখিবশিং অমসুং মালেমদা শান্তি পুরক্নবা তৌখিবা থবকশিং খঙলে ।

• . তেক্নোলোজিদা য়ুম্ফম ওইদুনা  উদোক চাউখৎহন্দুনা পুন্না চাউখৎমিন্নবা অমসুং নুংঙাইমিন্নবদা মীৎয়েং থমদুনা ঐখোয়না খা অফ্রিকাদা   জোহনীসর্বগ মীফম পাংনবা ৱারেপ লৌরে ।

৪. ঐখোয়না, লৈবাকশিং অমসুং সরকারশিংগী  মকোকশিং ওইনা, হৌখিবা চহি ১০ অসিদা ব্রিক্সগী মাইপাকপশিং লোয়ননা শান্তি ,পুন্না হিংমিন্নবা অমসুং চাউখৎপা অমসুং নুংঙাইবা পুরক্নবা ব্রিক্সশিংগী মরক্তা মতেং পীনবা অসিদা অসিদা অপেনবা পোক্লে ।

৫. অমনা অমবু ইকায়খুম্নবা, মনিং তম্নবা হিংনবা, গনতন্ত্র, অপুনবা অমসুং মতেং পীনবা হেনগৎপা হায়বা ৱাখল্লোনশিং অসিদা ঐখোয়না অমুক হন্না থাজবা থমলি । ঐখোয়না মখা তানা ব্রিক্সগী মীফমশিং পাংথোকপগা লোয়ননা শান্তি, অচুম্বা মালেমগী চৎনবী, তুংকোইনা চৎনগদবা মওংদা চাউখৎপা অমসুং পুন্না চাউখৎমিন্নবা হায়বা অসিগী খুৎথাংদা ঐখোয়গী মীয়ামদা কান্নবা ফংহন্নবা ঐখোয়গী লৈনরিবা মরুপ অমুক হন্না চেৎশীহনবা হায়না ঐখোয়না য়ানরে । য়ুম্বী মখোঙ অহুমদা য়ুমফম ওইদুনা শেল–থুম, শান্তি,ঙাকশেন অমসুং মীগা–মীগা উনবগী হীরমদা মতেং পীনবা হেনগৎপা হায়না য়ানরে ।

• . শান্তি লৈবা অমসুং তংদু-লৈতাবা মালেম অমা পুরক্নবা, য়ুনাইতেদ নেসনগী মরুওইবা থৌদাং শৌগৎনবা, য়ু এন চারতর অমসুং মালেমগী আইনশিং ইকায়খুম্নবা, গনতন্ত্র য়োকখৎপা অমসুং আইনগী কাংলোন ঙাক্নবা ঐখোয়না অমুক হন্না ৱারেপ লৌরে । মালেমগী ওইনা মরম চাবা অমসুং চাং মান্নবা রাজনিতি অমসুং শেল-থুমগী কাংলোন অমা পুরক্নবা লোয়ননা ২০৩০ দা তুকোইনা চৎনগদবা চাউখৎ-থৌরাংগী পান্দমশিং ফংনবা পুন্না থবক তৌমিন্ননবা অমসুং লৈবাকশিংগী মরক্ত মতেং পীনবগী থবক হেনগৎনবা ঐখোয়গী থাজবশিং চেৎশীনহন্নবা ঐখোয়না থাজবা পীরি ।
• . মালেমগী লৈবাকশিংগী মরক্ত লৈনরিবা মরি অমসুং মরি অদুগী নিয়ম ঙাক্নবগী কাংলোনশিং ফগৎনবা , গনতন্ত্রিক ওইবা ,  মরম চাবা, ফজবা অমসুং মালেমগী শক্তি চাং চানা য়েন্থোকপগী মতাংদা ঐখোয় পুন্না থবক তৌমিন্ননবা ঐখোয়না অমুক হন্না ৱারেপ লৌরে ।

৮. মালেমগী লৈবাকশিংগী মরক্ত লৈনরিবা মরি অমসুং মালেমগী থৌদোক ৱাথোকশিংদা য়ুনাইতেদ নেসন্সনা লৌরিবা মরুওইবা থৌদাং, য়ুনাইতেদ নেসন্সগী চারতর ঙাকপা, মালেমগী আইনশিং ইকায়খুম্নবা, গনতন্ত্র য়োকখৎপা, মালেমগী লৈনরিবা মরিশিংগী নিয়ম ইনবা,ঙাকশেলগী শিংনরকপশিং থেংনবদা ঐখোয়না শৌগৎপা হায়না ঐখোয়না অমুক হন্না ৱারেপ লৌরে ।

৯. জোহনীসর্বগ মীফম মনুংদা ব্রিক্স-অফ্রিকা আউতরিচ অমসুং সেকেন্দ ব্রিক্স প্লস অসি ইমরজিং মার্কেদস এন্দ দিবলপ্পিং কন্ত্রিজস (ই এম দি সি) পাংথোকপদা ঐখোয়না তরাম্না ওক্লি ।

১০. মিনিস্তরশিংগী মীফমদা তাখিবা ৱারেপশিং  ঐখোয়না অপেনবা পোকই অমসুং লেমহৌরিবা মীফমশিং ব্রিক্স ২০১৮ গী মতম মতমগী পাংথোক্কদবা থৌরমশিংদা পাংথোক্লগনি ।

II. মালেমগী লৈবাকশিংগী মরক্ত লৈনরিবা মরি কনখৎহনবা, মালেমগী লৈঙাক শেমদোকপা অমসুং পুন্না মায়োক্নরিবা অৱাবশিং থেংনমিন্নবা

১১. মালেমগী শান্তি অমসুং ঙাকশেলগী থৌদাং লৌনবা, মালেমগী চাউখৎপা পুরক্নবা অমসুং মীওইবগী হক ঙাক্নবা মালেমগী লৈবাকশিংগী লুপ অমা  ওইরিবা য়ুনাইতেদ নেসন্সদা ঐখোয়গী থাজবা অমুক হন্না ঐখোয়না থম্লি ।

• . য়ুনাইতেদ নেসন্সগী ৱাখল্লোনশিংদা ঐখোয়গী থাজবা ঐখোয়না অমুক্কা চেৎনা থম্লি অমসুং য়ুনাইতেদ নেসন্স অসি মালেমগী লৈবাকশিংগী সরকারশিংগী লুপ অমা  ওইনা মালেমগী শান্তি থম্নবা, চাউখৎনবা, মীওইবগী হক ঙাক্নবা অমসুং মরুওইবা নিংতম্বশিং লৈহন্নবা লৌরিবা থৌদাং অসিদা ঐখোয়না শৌগৎলি ।

১৩.    মালেমগী শিংনরকপশিং মখোয়না নিংথিনা থেংননবা মালেমগী লুপশিং মপাঙ্গল কনখৎহন্নবা ঐখোয়না অমুক হন্না ৱারেপ লৌরি ।

১৪. মালেমগী লৈবাকশিংগী পান্দমশিং ফংনবা লমদম লমদম্না লৌরিবা থৌদাংশিং মপাঙ্গল কনখৎহনবগী তঙাইফদবশিং অদু ঐখোয়না খঙলে ।

• . য়ু এন চারতরদা য়াওরিবা মালেমগী ওইনা অপুনবা ঙাক–শেনগী থৌরাং অমা লৈরিবা অসিদা ঐখোয়গী থাজবা অমুক হন্না পীরি । য়ু এন চারতরগা লোয়ননা মালেমগী আইনদা য়ুম্ফম ওইরগা মালেমগী সিস্তেম অমা শেমগৎপগী মরুওইবা অদু ঐখোয়না খঙই , মসিনা মালেমগী ওইনা মতেং পীনবদা অমসুং তংদু লৈতাবা পুরকপদা মতেং ওইগনি । মরুওইনা শান্তি অমসুং ঙাক–শেনগী লমদা য়ু এনদা অফ্রিকাগী লৈবাকশিংগী মীহূৎশিং মরাং কাইনা য়াওহন্নবা মতম কয়াগী মমাংদগী তক্নদুনা লাকখিবা অদু ঐখোয়না খঙজিল্লে ।
• . ঐখোয়গী অপুনবগী পাঙ্গলনা মালেমগী ওইনা শিংনরকপশিং থেংনবা, মীওইবা খুন্নাইগী কান্নবশিং চাং মান্ননা য়েন্ননবা মালেমগী লৈবাকশিংগী ওইবা ফজবা অমসুং অচুম্বা মালেমগী কাংলোন শেম্বদা ঐখোয়গী থাজবা পীরি । য়ু এন চারতরগী ৱাংমদা ফোর্স শীজিন্নবদা অথিংবা থম্লে অমসুং অহেনবা পাম্বৈশিং শীজিন্নবা য়াওদে । ঐখোয়না শান্তি অমসুং ঙাকশেনগী ম ওংদা থাজবা থম্লি অমসুং লৈবাক অমত্তনা অতোপ্পগী ঙাকশেনগী থবক্ত অকায়বা পীনবা মখোয়গী ঙাকশেনগী থবক কনখৎহল্লোইদবনি ।

১৭. ঐখোয়না ২০০৫ ৱাল্ড সম্মিৎগী ফল নিংশিংলি অমসুং য়ু এন অমসুং মসিগী সেকুরিতি কাউন্সিল শেমদোকপগী তঙাইফদবা, চাউখৎলক্লিবা লৈবাকশিং শরুক য়াবা হেনগৎহনদুনা মসিনা মালেমগী শিংনরকপশিং মতিক থেংননবা অমুক হন্না ৱারেপ লৌরে । মালেমগী থৌদোক ৱাথোকশিংদা ব্রাজিল, ভারত অমসুং খা অফ্রিকাগী থৌদাংগী মরুওইবশিং অদু  চাইনা অমসুং রুসিয়ানা অমুক হন্না খঙলে অমসুং য়ু এনদা মখোয়না অচৌবা থৌদাং লৌনবা থৌরাং তৌরিবা অদু শৌগৎকনি ।

• . মসিগী ৱারেপশিং অসি থবক ওইনা পাংথোক্নবা য়ুনাইতেদ নেসন্স অসি হেন্ন ফজনা থবক তৌহন্নবগী মরুওইবা অদু ঐখোয়না খঙলে । য়ু এনগী লৈঙাক অমসুং বজেৎ, য়ু এনগী মেম্বরশিংগী লিচৎ অমসুং লুপ অসি মপাঙ্গল কনখৎহন্নবগী মতাংদা ব্রিক্স লৈবাকশিংগী মরক্তা মখা তানা মতেং পীবা পুক্নিং থৌগৎকনি ।
• . মখোয়গী লৈবাকশিংগী মরক্ত লৈনরিবা মিসনশিংগী খুৎথাংদা মখোয়না পামজবা হিরমশিংদা ব্রিক্স মেম্বরশিংনা মখা তানা মতেং পীনবা ঐখোয়না শৌগৎলি ।
• . ২০৩০ ফাওবগী মনুংদা লায়রবা মপুং ফানা মুথৎনবা চাংমান্নবা, হিরম খুদিংমক কোনশিনবা, তুংকোইনা চৎনগদবা, শেল–থুম, খুন্নাই অমসুং অকোয়বগী ফিবম শেমগৎনবা স্তেনেবল দিবলপমেন্ত গোল ২০৩০ গী এজেন্দাশিং মপুং ফানা থবক ওইনা পায়খৎপা হায়না ঐখোয়না অমুক হন্না থাজবা পীরে । মসিগী মেম্বর লৈবাকশিংদা ২০৩০ এজেন্দা থবক ওইনা পায়খৎনবা য়ু এনগী দিবলপমেন্ত সিস্তেম শেমদোক্নবা, য়ু এন য়াওনা হায় লেবেল পোলিতিকেল ফোরম ওন স্তেনেবল দিবলপমেন্ত (ঐচ এল পি এফ)গী মরুওইবা থৌদাং ঐখোয়না শৌগৎনবা ঐখোয়না ৱাশক লৌরে । চাউখৎলবা লৈবাকশিংনা মখোয়গী ওফিসিয়েল দিবলপমেন্ত এসিস্তেন্দ (ও দি এ ) চাউখৎলক্লিবা লৈবাকশিংদা মতম চানা পীনবা ঐখোয়না তকশিল্লি ।
• . নোংজু–নুংশা হোংলকপদগী মতাংদা , পেরিস এগ্রিমেন্তগী মখাদা পায়খৎকদবা থবকশিং শেম শাবা লোইশিল্লকপদা ঐখোয়না তরাম্না ওক্লি  অমসুং য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেন্জ (য়ু এন এফ সি সি সি ) দা মসিগী মতাংদা য়ানবা পুরক্নবা ২০১৮ গী দিশেম্বরদা পোলেন্দগী কাতোৱিসতা পাংথোক্কদৌরিবা য়ু এন সি সি সি সি ও পি ২৪ গী ২৪শুবা মীফমদা মখা তানা খন্নবা ঐখোয়না পাম্লি । য়ু এন এফ সি সি সিগী প্রিন্সিপালশিংগী মখাদা লৈবাকশিংনা পেরিস এগ্রিমেন্ত থবক ওইনা মপুং ফানা পায়খৎনবা ঐখোয়না খঙহল্লি , মসিদা পুন্না অমসুং তোঙান–তোঙান লৌনগদবা থৌদাংশিং, চাউখৎলবা লৈবাকশিংনা চাউখৎলক্লিবা লৈবাকশিংদা শেল–থুম, তেক্নোলোজি অমসুং ত্রেনিংগী মতেং পীনবা তকশিনবা য়াওরি ।

• . মালেমগী তুংকোইনা চৎনগদবা চাউখৎ–থৌরাংগী পান্দম শৌগৎতুনা মহৌশাগী অকোয়বগী ফিবম শোকহন্দবা ইনর্জি শীজিন্নবা ব্রিক্সগী মতেং পীনবা হেনগৎহনবা হায়না ঐখোয়না ৱারেপ লৌরে । মালেমগী ওইনা ইনর্জি ফংনহনব, অহোংবা ইনর্জি ফংহনবা, পোলুসন হন্থহনবা অমসুং মহৌশাগী ফিবম ঙাকপদা ঐখোয়না মখা তানা চংশিল্লি । রিনিউয়েবল অমসুং কার্বোন য়াম্না য়াওদবা ইনর্জি শীজিন্ননবা , ইনর্জিদা শেল থাদবা, ইনর্জিগী উদোক অমসুং য়োনফম শেমগৎপা অমসুং ঐখোয়গী দরকার ওইবা ইনর্জি ফংনবা  ব্রিক্সশিংগী মরক্তা মতেং পীনবা হায়না ঐখোয়না অচেৎপা ফিরেপ অমুক্কা লৌরে ।ত্রান্সপোর্টতেসন, হিত্তিং অমসুং উদোকতা  ইনর্জি শীজিন্নবগী মওং হোংদোকপগী তঙাইদবা অদু ঐখোয়না খঙলে ।
• . ইনর্জি লিক্না শীজিন্নবগী মরুওইবা অমসুং ইনর্জি লিক্না শীজিন্নবগী পুন্সি মহিং অমা মীয়ামদা খঙহন্দুনা ইনর্জি ফংহনবা, উদোকশিংগী মরক্তা চাংদম্নবা, মৈখু থাদোকপা হন্থহনবা, শেল–থুম ফগৎহনবা, থবক পীবা অমসুং অতৈ হীরমশিং হৌদোকপগী মরুওইবা অদু ঐখোয়না খঙলে ।

২৪. হৌজিক চৎথরিবা মীফম অসিদা ব্রিক্স ইনর্জি রিছাস কোওপেরেসন প্লেতফোর্ম লিংখৎনবা অমসুং মসিগী তার্ম ওফ রিফরেন্স শেম্নবা ব্রিক্সগী ইনর্জি মিনিস্তরশিংনা য়ানখিবা  অদু ঐখোয়না খঙলে ।

• . ২০১৬ দা ভারতনা হৌদোরকখিবা ব্রিক্স এগ্রিকলচরেল রিছাস প্লেতফোর্ম(এ আর পি ) লিংখৎপদা ঐখোয়না য়ারে । মালেমগী ওইনা রিছাস, দিবলপমেন্ত অমসুং অনৌবা পুথোকপগী মরুওইবা অদু ঐখোয়না থাগৎলি । নোংজু–নুংশাগী শিংনরকপশিং থেংননবা অপুনবগী ওইনা লৌউ–শিংউ অমসুং চিন্জাক্কা মরি লৈনবা থবকশিং ফগৎহন্নবা ব্রিক্স লৈবাকশিংগী মরক্তা এগ্রিকলচরগী রিছাস নেতৱার্ক ফগৎহনবগী তঙাইফদবা অদু ঐখোয়না খঙলে । এ আর পিগী পান্দমশিং থবক ওইনা পায়খৎনবা মখা তাবা থবকশিং লৌখৎপগী তঙাইফবা অদু ঐখোয়না খঙলে । এগ্রিকলচর রিছাস প্লেতফোর্ম এন্দ বেসিক এগ্রিকলচর ইনফোরমেসন একচেন্জ সিস্তেম (বি এ আই ই এস )গী মনুংদা ব্রিক্সশিংগী মরক্তা মতেং পীনবা হেনগৎহনবা হায়না ঐখোয়না থাজবা পীরি ।
• . ‘স্তেনেবল কনজুমসন এন্দ প্রদক্সন (এস সি পি ) দা য়ুম্ফম ওইদুনা ব্রিক্সশিংগী মরক্তা সার্কুলর ইকনোমিদা মতেং পীনবা হেনগৎহনবা ‘ হায়বা পানদমদা পাংথোকখিবা ৪শুবা ব্রিক্স ইনভাইরোনমেন্ত মিনিস্তরশিংগী মীফম্ন লৌখিবা ৱারেপশিং ঐখোয়না খঙলে । ঐখোয়না খঙলে মদুদি সার্কুলার ইকনোমিনা ফত্ত–হাওদি পুথোকপা হন্থহনগনি, অকোয়বগী ফিবম শোকহন্দবা থৌরাংশিং পায়খৎকনি, শেল–থুমগী ফিবম ফগৎনবা  অমসুং থবক পীবা ঙম্নবা ঐখোয়গী শেল–থুমশিং মখল কয়া থোক্না খায়দোকপা য়াওরি ।
• . ব্রিক্স ইনভাইরোনমেন্ত মিনিস্তরশিংগী মীফমদা লৌখিবা ৱারেপশিং ঐখোয়না খঙলে, মসিদা য়াওরিবা ৱারেপশিংদি, অকোয়গী ফিবম শোকহন্দবা তেক্নলোজি প্লেতফোর্মশিং থবক ওইনা পায়খৎপা, তুরেলশিং শেংদোকপগী থৌরম অমসুং সহরগী অকোয়বগী ফিবম তুংকোইনা চৎনবা শেমগৎপা য়াওরি । ব্রিক্স ইনভাইরোন্তেল্লি সাউন্দ তেক্নোলোজি (বেষ্ট) কোওপেরসন প্লেতফোর্ম লিংখৎনবা পায়খৎলিবা থবক ঐখোয়না খঙলে , মসি থবক ওইনা পাংথোকপা য়াবা অমসুং মহৈ চাগদবা ওইগদবনি অমসুং মসিদা বিঞ্জ্যানগী লুপশিং, মীয়ামগী লুপশিং অমসুং শেল–থুমগী লুপশিং য়াওগদবনি ।

২৮.তুংকোইনা চৎনগদবা চাউখৎ–থৌরাংগী থবকশিংদা ঈশিং শীজিন্নবা, ঈচাউ ঙাকথোকপা, ইকং লাকশিনবা, ঈশিং ফংহনবা, ঈশিং মোৎহন্দবা, ঈশিং অমসুং নোংজু–নুংশাগী ফিবম, ঈশিং মোৎপা ঙাকথোকপা, তুরেল অমসুং পাৎকী মহৌশাগী খল হান্নবগী ফিবমদা হনজিনহনবা, অকোয়বগী ফিবম ঙাকশেনবা অমসুং ঈশিং ফজনা শীজিন্নবা য়াওনা ঈশিংগী লমদা মতেং পীনবা হেনগৎনবা লৌখিবা ৱারেপশিং ঐখোয়না তরাম্না ওক্লি ।

• . বুফেল্লো সহরদা দিজাষ্টর মেনেজমেন্তগী লুচিংবশিংগী ব্রিক্সগী মীফম অদু ঐখোয়না খঙলে , মীফম অদুদা এক্সন প্লান ২০১৮-১৯ চৎনবা হৌখি অমসুং মসিগী হিরম অসিদ ঐখোয় মশেল মতেং পীনবা হেনগৎনবা পান্দমদা ব্রিক্স তাক্স ফোর্সগী অহানবা মীফম পাংথোকখি ।
• . মহৌশাগী অকোয়বগী ফিবম ঙাকতুনা থম্বা, তুংকোইনা চৎনবা শীজিন্নবা, মহৌশাগী লনশিংগী কান্নবা লৌমীন্নবা, মালেমগী ওইনা মহৌশাগী অকোয়বগী ফিবম ঙাকতুনা থম্নবা মতেং  পীনবা অমসুং শা-উচেকশিং হায়বদি মুৎখিকদৌরবা জাৎশিং য়াওনা ঐখোয়গী নেসনেল পার্কশিংগী ওথোরিতিশিংগী মরক্তা মতেং পীনবা অসিগী মতাংদা ব্রিক্স লৈবাকশিংগী মরক্ত মতেং পীনবা হেনগৎহনবদা ঐখোয়না অচেৎপা ফিরেপ লৌরে ।

৩১.ব্রিক্স লৈবাকশিংগী মরক্তা ওসিন ইকনোমিদা মতেং পীননবা লৈরিবা য়াম্লবা খুদোংচাবশিং ঐখোয়না খঙলে, মসিদা য়াওরিবশিংদি, সমুদ্রগী লমদা চৎথোক-চৎশিন তৌবা, জহাজ শাবা, সমুদ্রদগী থাও পুথোকপা, তুংকোইনা চৎনগদবা মওংদা সমুদ্রগী লনশিং শীজিন্নবা, সমুদ্র অমসুং মপানগী তুরিজম,  শেল-থুম অমসুং ইনসুরেন্স অমসুং কোস্তেল ইন্দস্ত্রিয়েল জোন দিবলপমেন্তনি ।

• . অপুনবা মীশিংগা মরি লৈননা ২০১৪ দা মরি লৈনবা মিনিস্তরশিংনা য়ানখিবা মীশিংগী ৱাফম ২০১৫-২০২০দা ব্রিক্সগী মরক্ত মতেং পীনবগী পান্দম অদু   মখা চৎথবা হায়না ঐখোয়না থাজবা পীরে,মরমদি ব্রিক্স লৈবাকশিংদা অপুনবা মীশিংগী চহিগী মওং অসিদা অহোংবা কয়া লাকপা অমসুং নুপা-নুপী থোং মান্নদবা, নুপীশিংগী হক ,নহারোলশিং শেমগৎপা, থবক পীবা, সহর শেমগৎপা , য়ুম হোংবা অমসুং অহল ওইরকপগী ৱাফম কয়া অসিগী ওইরকপনি ।
• . ব্রিক্স লৈবাক খর য়াওনা মফম খরদা লেপ্তনা তেরোরিস্ত এতেকশিং চৎথবা অসি ঐখোয়না য়ানিংদে । কনাগুম্বশিংনা মফমশিংদা চৎথবা মখল খুদিংমক্কী তেরোরিজমগী থবকশিং ঐখোয়না য়ানিংদবা ফোংদোক্লি । মালেমগী আইনগী মখাদা য়ু এনা তেরোরিজমগী মায়োকতা থবক পায়খৎনবা ঐখোয়না তকশিল্লি অমসুং তেরোরিজম মপুংফানা লাকশিন্নবা অপুনবা থৌরাং অমা মথৌ তাই হায়না ঐখোয়না থাজৈ । তেরোরিস্ত নেতৱার্কশিংদা শেল থাদবা থিংনবা অমসুং মখোয়গী লৈবাকশিংদা তেরোরিস্তশিংগী থবক তৌবা থিংনবা লৈবাক খুদিংমক্না থৌদাং লৌগদবনি হায়না ঐখোয়না খঙহল্লি ।
• . মালেমগী লৈবাকশিংনা ইন্তরনেসনেল কাউন্তর তেরোরিজমগী অশেংবা লুপ অমা লিংখৎনবা অমসুং মদুনা য়ু এনগী থবকশিংদা মতেং পাংনবা ঐখোয়না তকশিল্লি । তেরোরিজম থেংনবগী থবকশিং অসি য়ুনাইতেদ নেসন্সগী চারতর, ইন্তরনেসনেল রিফিউজি অমসুং হুমেন্নতরিয়না লো, মীওইবগী হকশিং অমসুং মরুওইবা নিংতমবা য়াওনা মালেমগী আইনশিংগী মখাদা তেরোরিজমগী মায়োক্তা থবক পায়খৎনবা ঐখোয়না তকশিল্লি । য়ু এন কাউন্তর তেরোরিজম ফ্রেমৱার্ক অসি মপুংফানা থবক তৌনবা ঐখোয়না অমুক হন্না তকশিল্লি , মসিদা য়ু এনগী মখাদা লৈবা লুপশিংগী মরক্ত মতেং পীনবা হেনগৎহনবা, তেরোরিস্তশিং অমসুং তেরোরিস্ত লুপশিং লাওথোকপা অমসুং মেম্বর লৈবাকশিংদা মতেং পীবগী ৱাফম য়াওরি । য়ুনাইতে নেসন্স জনরেল এশেমব্লিগী  কমপ্রেহেন্সিপ কনভেন্সন ওন  ইন্তরনেসনেল তেরোরিজম (সি সি আই তি )  শেম্বা লোইশিন্নবা অমসুং চৎনবা হৌনবা ঐখোয়না তকশিল্লি ।
• . কেমিকেল অমসুং বাইওলোজিকেল খুৎলায়শিংনা কিহল্লকপা থিংনবা খুৎলায় থাদোকপগী মীফমদা কেমিকেল অমসুং বাইওলোজিকেল তেরোরিজম থিংনবা লৈবাক ময়ামগী মীফম পাংথোকপদা ঐখোয়না শৌগৎলি ।
• . তেরোরিস্তগী থবকশিং পাংথোকপা, শীনবা নৎত্রগা শৌগৎপদা চেন্নরিবশিং মরম চানা চৈরাক পীগদবনি হায়বা অসিদা ঐখোয়না চেৎনা থাজৈ । ধর্ম্মগী হকচিনবা থবকশিং, মী হাপ্পা, মপান লৈবাক্কী তেরোরিস্তশিং চৎথোক-চৎশিন তৌবা, খুৎলায়, দ্রক অমসুং ত্রাফিক্কিংদা শীজিন্ননবা আইন্না য়াদবা  শেল শান্নবা , তেরোরিস্তশিংগী বেজ থুগায়বা, তেরোরিস্তশিংনা ইনফোরমেসন এন্দ কম্মুনিকেসন তেক্নোলোজি(আই সি তি)গী খুৎথাংদা ইন্তরনেত লান্না শীজিন্নবা হায়রিবশিং অসি য়াওনা তেরোরিজম থিংনবা লৈবাক খুদিংমক্না অপুনবা থৌরাং অমা পায়খৎনবা ঐখোয়না তকশিল্লি ।
• . য়ু এনগী নিয়মশিং, কাংলোনশিং অমসুং লৈবাকশিংগী দাইত্ব লৈবা থবকশিংগী মখাদা আই সি তিশিং শীজিন্নবদা ঙাকশেনগী থবকশিং লৌখৎনবগী মরুওইবশিং অদু ঐখোয়না অমুক্কা হন্না তকশিল্লি ।
• . ৪শুবা উদোক্কী অওনবগী য়েংলগা আই সি তিশিংনা পীরিবা কান্নবশিং অমসুং অনৌবা খুদোংচাবশিং ঐখোয়না খঙলে । অদুবু, হায়রিবা চাউখৎপশিং অসিনা মীহাৎ-মীপুনগী থবকশিংদা আই সি তিশিং শীজিন্নবা হেনগৎলকপগী অচৌবা অনৌবা শিংনবশিং মায়োক্নরে, সরকার অমসুং সরকার নত্তবশিংনা আই সি তি লান্ননা শীজিন্নবা হেনগৎলক্লে । হিরম অসিদা , তেরোরিস্তশিংনা আই সি তিশিং লান্না শীজিন্নবগী মায়োক্তা মালেমগী ওইনা মতেং পীনবগী মরুওইবা ঐখোয়না খঙলে । য়ু এনগী মখাদা মালেমগী ওইনা তেরোরিস্তশিংনা আই সি তি শীজিন্নবা থিংনবা মালেমগী আইনশিং শেম্বা মথৌ তারে । আই সি তি শীজিন্নবদা সেকুরিতি থম্নবা ব্রিক্স রোদমেপগী মতাংদা মতেং পীনবা হেনগৎনবা হোৎনরিবা অসি ঐখোয়না খঙলে । আই সি তিশিং অশোয় অঙাম থোকতনা শীজিন্নবগী মতাংদা ব্রিক্স লৈবাকশিংগী মরক্তা ফ্রেমৱার্ক অমা লিংখৎপগী মরুওইবা অদু ঐখোয়না খঙজিল্লে । মসিগী মতাংদা মতেং পীন্নবা ব্রিক্স লৈবাকশিংগী সরকারশিংগী মরক্তা য়ানবা পুরক্নবা ব্রিক্স লৈবাকশিংনা খন্নগনি ।

  III. মালেমগী শান্তি অমসুং ঙাক-শেনগী লমদা ব্রিক্সশিংগী মরক্ত মতেং পীনবা হেনগৎপা
   

• . রাজনিতি অমসুং দিপ্লোমেতিক্কী পাম্বৈনা ৱাথোক খুদিংমক শান্তি ওইনা লোইশিনবদা ঐখোয়না অচেৎপা থাজবা থম্লি অমসুং মালেমগী শান্তি অমসুং ঙাক-শেনগী লমদা য়ু এন সেকুরিতি কাউন্সিলনা লৌরিবা থৌদাং শক খঙই ।
• . মিদল-ইস্ত লমদমদা ইরাং হেনগৎলক্লিবা অসিদা ঐখোয়না নুংনাংবা পোকই অমসুং ৱাথোক অমদা আইন্না য়াদবা ফোর্স নৎত্রগা মপানগী খুৎ থিংজিনবগী মফম অমত্ত লৈতে হায়না ঐখোয়না থাজৈ অমসুং লৈবাকশিংগী  মনিংতম্বা, ঙমখৈগী অপুনবগী শক্তমদা য়ুম্ফম ওইরগা ৱারি শানদুনা তুংকোইনা শান্তি থম্নবা থবক পায়খৎকদবনি । মরুওইনা ইজরেল-পেলেস্তিনিয়াগী ফিবমদা য়েংলগা লমদম অসিগী লৈবাকশিংগী নাগরিক খুদিংমক খুন্নাইগী , লৈবাক্কী, শেল-থুমগী , রাজনিতিগী, কলচরগী অমসুং ফংফম থোকপা হকশিং ফংহনগদবনি হায়বসিদা ঐখোয়না য়ানিংই ।

• . মিদল ইস্ত অমসুং নোর্থ অফ্রিকাদা থোক্লিবা মুক্নবশিং অসিনা মরম ওইদুনা পেলেস্তিনিয়ান-ইজরেলগী মুক্নবা অসিগুম্বা মতম শাংলবা মুক্নবশিং ৱারোইশিন পুরকপদা থিন্থহল্লোইদবনি হায়বসিদা ঐখোয়না য়ানিংই । য়ুনাইতেদ নেসন্সগী ৱারেপশিং, মেদ্রিদ প্রিন্সিপালশিং, অরাব পিছ ইন্নিসিয়েতিপ, নাকল অনিমক্কী হান্না য়ানখিবশিংগী মখাদা য়ুম্ফম ওইরগা পেলেস্তিনিয়ান-ইজরেলগী মুক্নবা অসি তুংকোইনা লোইশিন্নবা দিপ্লোমেতিক্কী থবকশিং অমুক হন্না পায়খৎপা দরকার ওই হায়না ঐখোয়না থাজৈ । ইজরেল অমসুং পেলেস্তিনিয়ানগী মরক্তা য়ানবা পুরকপদা জেরুসালেমগী ফিবম অসিনা অরোইবা ফিবম ওইগনি হায়না ঐখোয়না খল্লি । গজাদা লৈরিবা ফিবম অসি য়েংলগা , পেলেস্তিনিয়ান মীয়াম ঙাকশেন্নবা য়ু এন জনরেল এশেমব্লি রিজোলুসন (এ/আর ই এস/ই এস-১০/২০) শৌগৎনবা অমসুং মসি মপুংফানা চৎননবা ঐখোয়না ৱারেপ লৌরে ।
• . পেলেস্তাইন রিফিউজিশিংগী শেমখিবা য়ুনাইতেদ নেসন্স রিলিফ এন্দ ৱার্কস এজেন্সি(য়ু এন আর দব্লিউ এ) দা ঐখোয়না অমুক হন্না শৌগৎলি । পেলেস্তাইন রিফিউজি মিলিয়ন ৫.৩ দা মখোয়না ফংহল্লিবা হকশেল, মহৈ-মশিং অমসুং মরুওইবা থবকশিং অদুগীদম ঐখোয়না থাগৎলি অমসুং লমদম অসিদা শান্তি পুরক্নবা হোৎনরিবা মসিগী থৌদাংগী  খঙই অমসুং  এজেন্সি অসিদা ফন্দ মরাং কাইনবা পীবগী তঙাইফদবা লৈ ।
• . য়েমেনদা চৎথরিবা মুক্নবা অমসুং মীওই কয়া অৱাবা তারিবা অসিদা নুংনাংবা পোক্লি । য়েমেনগী মফম খুদিংদা তেংবাং য়ৌহন্নবা ঐখোয়না তকশিল্লি অমসুং মালেমগী লুপশিংনা পীবা য়াবা মতেংশিং পীগদবনি । মুক্নবা লোইশিন্নবা অমসুং য়ু এননা দাইত্ব লৌরিবা শান্তিগী ৱারি শানবা অমুক মখা চৎথনবা নাকল খুদিংমক্না মালেমগী আইনশিং ইকায়খুম্ননবা ঐখোয়না তকশিল্লি, মসিনা য়েমেন্না লুচিংদুনা মুক্নবা অসিগী রাজনিতিগী ৱারোইশিন অমা পুরকপা ঙমগনি ।
• . গল্ফ লমদমদা হৌজিক চৎথরিবা দিপ্লোমেতিক্কী ৱাথোকশিংদা হকথেংননা য়াওরিবশিংনা ৱারি শানদুনা লোইশিন্নবা অমসুংগী মসিগী মতাংদা কুৱাইদগী থবকশিং তরাম্না ওক্নবা ঐখোয়না অপীল তৌরি ।
• . অফগান্না লুচিংবা, অফগান মশাগী ওইবা শান্তি পুরক্নবা পায়খৎলিবা খোঙজং অসিদা ঐখোয়না অমুক হন্না শৌগৎলি । অফগান নেসনেল সেকুরিতি ফোর্সশিং, সরকার অমসুং মীচমশিংদা তেরোরিস্তশিংনা খুথাবা হেনগৎলকপা অসিগা লোয়ননা অফগানিস্তানগী ফিবম ফৎচিল্লক্তবা অসিনদা ঐখোয়না নুংনাংবা পোক্লি । শান্তি পুক্নবা হোৎনবদা অফগানিস্তানগী মীয়াম অমসুং সরকারদা মতেং পীনবা ঐখোয়না মালেমগী মীয়ামদা খঙহল্লি । ২০১৮ গী ওক্তোবরদা পাংথোক্কদৌরিবা সংসদগী মীখল অমসুং ২০১৯ দা পাংথোক্কদৌরিবা প্রসিদেন্দগী মীখল অসি ঐখোয়না তরাম্না ওক্লি ।
• . য়ুনাইতেদ নেসন্স সেকুরিতি কাউন্সিল রিজোলুসন ২২৫৪(২০১৫) অমসুং সোচিদা পাংথোকখিবা সিরিয়না নেসনেল দাইলোগগী ফলগী  মখাদা সিরিয়াগী মনিংতম্বা, ঙমখৈগী অপুনবগী শক্তম অমসুং মশা মরোমদোম লৈঙাকচবা অসি ঙাকতুনা সিরিয়না লুচিংবা সিরিয়া মশাগী ওইবা রাজনিতিগী থৌরাংগী মখাদা সিরিয়াদা রাজনিতিগী ৱারোইশিন পুরকপদা ঐখোয়না অমুক্কা হন্না তরাম্না ওক্লি । জেনেবা প্রোসেস, য়ু এননা ৱায়েনবা অমসুং অসতানা প্রোসেস অসি ঐখোয়না শৌগৎলি অমসুং মসি ফগৎলকপগী ফিবম অমা উবা ফংলি অমসুং থবকশিং অসিনা নাকল অনিমক্তা কান্নবা পীরি । সিরিয়াদা শান্তি ওইনা ৱারোইশিন পুরকপদা ঐখোয়না থাজবা থম্লি অমসুং য়ু এন চারতর অমসুং য়ুনাইতেদ নেসন্স সেকুরিতি কাউন্সিলগী ৱাংমদা থবক তৌরকপশিং ঐখোয়না য়ানিংদে অমসুং রাজনিতিগী থবকশিং খুমাং চাউশিন্নবা হোৎনরোইদবনি । য়ুনাইতেদ নেসন্স সেকুরিতি কাউন্সিলগী ৱারেপশিংগী মখাদা সিরিয়াদা তেরোরিস্ত লুপশিং থেংনবদা পুন্না থবক তৌমিন্নবগী মরুওইবা ঐখোয়না ফোঙদোক্লি । হিরম অমদা, ফিবম অমদা কনাগুম্বা লুপ অমত্তনা কেমিকেল খুৎলাইশিং শীজিন্নবগী মায়োক্তা ঐখোয়না কন্না লেপ্লি অমসুং অসিগুম্বা থৌদোকশিং থোরকপা মতমদা অপুনবগী ওইনা মনিং তৌনা অমসুং অরোন-অথুপ লৈতনা থিজিন্নবা ঐখোয়না তকশিল্লি । অথুবা মতমদা নৌনা শেমগৎপগী তঙাইফদবা মাংদা থমদুনা সিরিয়াগী মীয়ামদা মথৌ তাবা তেংবাং পীনবা ঐখোয়না তকশিল্লি ।
• . ইরানগী নিউক্লিয়ার প্রোগ্রামগী মতাংদা জোন্ত কমপ্রেহেন্সিপ প্লান ওফ এক্সন (জি সি পি ও এ)গী য়ানখিবা ৱাফমশিং নাকল খুদিমক্না মপুং ফানা ঙাক্নবা ঐখোয়না তকশিল্লি  অমসুং মালেমগী অমসুং লমদম অসিগী শান্তি অমসুং ঙাকশেনগী ফিবম ফগৎনবা  জে সি পি ও এ মপুংফানা চৎননবা অপীল তৌরি ।
• . কোরিয়া পেনিন্সুলাদা মপুংফানা নিউক্লিয়ার খুৎলায় মুৎথৎনবা অমসুং নোর্থ ইষ্ট এসিয়াদা শান্তি পুরক্নবা হোৎনবা মাইপাক্লকপশিং ঐখোয়না তরাম্না ওক্লি । ফিবমশিং অসি শান্তি ওইনা, দিপ্লোমিতিক অমসুং রাজনিতিগী ৱারোইশিন পুরকপদা ঐখোয়না অমুক হন্না অচেৎপা থাজবা থম্লি।
• . স্পেসতা খুৎলায় লমজেল তানরকপা অমসুং স্পেস অসি লান্মীগী মুক্নবগী মফম অমা  ওইরকপদা ঐখোয়না য়াম্না কন্না নুংনাংবা পোক্লি । মালেমগী শান্তি অমসুং ঙাকশেনগী থবক্তা শিংনরকপশিং ঙাকথোক্নবা স্পেসতা খুৎলায় থম্বা থিংবা য়াওনা খুৎলায় লমজেল তানবা থিংনবা ঐখোয়না অচেৎপা ফিরেপ লৌরি । স্পেস শান্তিগী লমদা শীজিন্ননবা হৌজিক লৈরিবা আইনগী পথাপশিং অকনবা মওংদা ঙাক্না চৎনবগী মরুওইবা অদু ঐখোয়না তকশিল্লি । স্পেসতা খুৎলায় থম্বা থিংনবা অমসুং স্পেসতা খুৎলায় লমজেল তানবা থিংনবা  আইনগী ওইবা থবকশিং লৌখৎনবা নৌনা শেমখিবা সরকারশিংগী অখঙ-অহৈশিংগী কাংবুনা খন্নখিবা অদু ঐখোয়না তরাম্না ওক্লি । স্পেসতা খুৎলায় থমদনবা অরোন-অথুপ লৈতবা অমসুং অমনা অমবু  থাজনবা থবকশিং পায়খৎনবা ঐখোয়না তকশিল্লি । স্পেসতা খুৎলায় লমজেল তানরকপা থিংনবা লৈবাকশিংগী মরক্তা য়ানবা পুরক্নবা ,মালেমগী লৈবাকশিং খুৎলায় থাদোক্নবগী  ৱারি শানবগী লুপ অমা ওইরিবা কনফরেন্স ওন দিসঅর্মমেন্তনা অচৌবা থৌদাং লৌনবা ফিরেপ লৌরি ।
• . খা অফ্রিকানা য়ুম্বু ওইদুনা ২০১৮ গী জুন ৪ দা প্রেতোরিয়াদা  ব্রিক্সগী মপান থৌরম মন্ত্রীশিংগী  মীফম পাংথোকখিবা অসিদা ঐখোয়না তরাম্না ওক্লি । মীফম অদুদা মন্ত্রীশিংনা মালেমগী রাজনিতিগী ফিবম,ঙাকশেল, ইকনোমি, শেল-থুমগী ৱাথোক অমসুং ব্রিক্সগী মরক্তা মতেং পীনবা হেনগৎনবা ৱা খন্নখি । য়ুনাইতেদ নেসন্স জনরেল এশেমব্লিগী ৭৩শুবা মীফম মমাংদা ব্রিক্সগী মপান থৌরম মন্ত্রীশিংগী  মীফম পাংথোক্কদৌরিবা  অসিদা ঐখোয়না থাজবা থম্লি ।
• . ২০১৮গী জুন ২৮ অমসুং ২৯ দা দরবানদা সেকুরিতিগী মতাংদা পাংথোকখিবা ব্রিক্সগী অৱাংবা থাক্কী মীহুৎশিংগী মীফম ঐখোয়না তরাম্না ওক্লি অমসুং মালেমগী ঙাকশেনগী থবক, তেরোরিজম থেংনবা,  আই সি তি চেকশিন্নবা শীজিন্নবা , মালেমগী অমসুং লমদম লমদমগী মরুওইবা মফমশিং, লৈবাক লান্না ক্রাইম চৎথবা, শান্তি থম্বা, লৈবাক্কী ঙাকশেনগী থবকশিংগা চাউখৎ–থৌরাংগী থবকশিং শম্নহনবগী মতাংদা ব্রিক্সগী ৱারি শানবদা য়াওহনবগী মখোয় থাগৎলি ।

৫২.মালেমগী শান্তি অমসুং ঙাকশেলগী লমদা য়ুনাইতেদ নেসন্স পিছকিপ্পিংগী থৌদাংগী মরুওইবা অমসুং মসিদা ব্রিক্স লৈবাকশিংনা মতেং পীরিবা অসি ঐখোয়না খঙই । মসিগী মতাংদা ব্রিক্স ৱার্কিং গ্রূপনা য়ুনাইতেদ নেসন্সগা পাউ ফাওনবা অমসুং মতেং পীনবা হেনগৎহনবগী মরুওইবা অদু ঐখোয়না খঙই ।

• . মহাদেস অসিদা থোক্লিবা মুক্নবশিং লোইশিন্নবা অফ্রিকান য়ুনিয়নগী থবকশিং পায়খৎনবা ঐখোয়না খঙহল্লি অমসুং য়ুনাইতেদ নেসন্স সেকুরিতি কাউন্সিল অমসুং অফ্রিকান য়ুনিয়ন পীছ এন্দ সেকুরিতি কাউন্সিলগী মরক্তা মতেং পীনবা হেনগৎপদা ঐখোয়না তরাম্না ওক্লি । ‘২০২০ ফাওবগী মনুংদা নোংমৈ মখোয় তাহনদবা’ হায়বা অফ্রিকান য়ুনিয়নগী ৱারেপ অসি ঐখোয়না অয়াবা পীরে অমসুং অফ্রিকাদা শান্তি অমসুং সেকুরিতি থম্নবা থবকশিংদা মতেং পাংবা হেনগৎহনবা হায়না য়ানখি ।

  IV. মালেমগী শেল–থুম ফগৎহন্নবা, মালেমগী শে–থুমগী লুপশিং শেমদোকপা অমসুং মরিশুবা উদোক্কী অওনবদা ব্রিক্সনা পু্ন্না থবক তৌমিন্নবা

• . মখা তানা মালেমগী শেল–থুমগী ফিবম ফগৎলকপদা ঐখোয়না তরাম্না ওক্লি, অদুবু ফগৎলক্লিবা অসি মওং তাদ্রি অমসুং ফিবম ফরক্তবা য়াবগী মমি হৌজিক ফাওবা লৈরি । মসিগী মমি অসিদা  ললোন–ইতিক্কী মুক্নবা হেনগৎলকপা, মালেমগী রাজনিতিগী খুদোংথিবা, পোৎকী মমল হেনগৎলকপা ,লনাই অমসুং সরকারদা শেন তোনবা হেনগৎলকপা, থোং মান্নদবা অমসুং হেনগৎফম থোকপা চাং য়ৌনা হেনগৎতবা কয়া অসি য়াওনা শিংনবা কয়া ময়োক্নরি । শেল–থুমগী ফিবম ফগৎলকপগী কান্নবশিং অসি পুন্না ফংমিন্নবগী য়াম্না লুবা মরুওইবা অদু ঐখোয়না খঙই । তুংকোইনা মালেমগী ললোন–ইতিক্কী থবক চাউখৎহনবদা দরকার ওইরিবা মপানগী ফিবমশিংগী মরুওইবা অদু ঐখোয়না খঙই ।
• . মালেমগী শেল-থুম ফগৎহনবদা ব্রিক্স ইকনোমিনা লেপ্তনা মতেং পাংলি । তুংকোইনা চাং মান্ননা চাউখৎনবা মখা তানা শেল-থুমগী থৌশিল চৎননবা ঐখোয়না তকশিল্লি । চাউখৎলিবা ইকনোমি খরদা মেক্রো-ইকনোমিগী থৌশিলশিংদা অহোংবা খর লাকপদগী মদুনা চাউখৎলক্লিবা ইকনোমিশিংদা অকাইবা থোকহনবা য়াই হায়না ঐখোয়না নুংনাংবা পোক্লি । জি২০,এস এস বি অমসুং অতোপ্পা মফমদা য়ুমফম ওইরগা খুদোংচাদবশিং অসি মায়োক্ননবা চাউখৎলবা ইকনোমিশিংনা মখা তানা ৱারি শান্নবা ঐখোয়না খঙহল্লি ।
• . জোহনীসর্বগ মীফম্না মীৎয়েং থম্লিবা ৪শুবা উদোক্কী অওনবা অমসুং সাইন্স অমসুং তেক্নোলোজি অমসুং উদোক মন্ত্রীশিংগী ব্রিক্স মীফম্না লৌখিবা ৱারেপশিং নিংশিংলদুনা ব্রিক্স পার্টনরসিপ ওন নিউ ইন্দস্ত্রিয়েল রিভোলুসন (পার্টনির) লিংখৎপদা ঐখোয়না অয়াবা পীরে । পার্টনির মপুংফানা থবক হৌবা য়ানবা এদভাইজরি গ্রূপ অমা লিংখৎলগনি, মসিদা ব্রিক্সশিংগী মরি লৈনবা মন্ত্রীশিং য়াওগনি অমসুং অহানবা খোঙথাং ওইনা ৪শুবা উদোক্কী অওনবগা চৎমিন্নবা য়ানবা তার্ম ওফ রিফরেন্স অমসুং ৱার্ক প্লান অমা শেমগনি অমসুং ব্রিক্স চেয়ারদা পীশিনগনি ।  দিজিতেলগী থবক চাউখৎহনবা, উদোক চাউখহনবা,অনৌবা পুথোকপা, পুন্না চাউখৎমিন্নবা, শেল থাদবা, খুদোংচাবা হেনগৎহনবা অমসুং ৪শুবা উদোক্কী অওনবনা পুরকপা শিংনবশিং থেংননবা ব্রিক্সশিংগী মরক্তা মতেং পীনবা হেনগৎহনবা হায়বসি পার্টনিরগী পান্দম্নি । মসিনা শেল-থুম ফগৎহনগনি, ব্রিক্স লৈবাকশিংগী শেল-থুমগী অওনবা পুরকপদা মতেং পাংগনি,  উদোক্কী পোৎথোক পুথোকপা হেনগৎহনগনি,সাইন্স পার্কশিং অমসুং তেক্নোলোজি বিউজিনেস ইনকুবেতরশিং শেমগৎকনি, তেক্নোলোজি য়াম্না শীজিন্নবা অপীকপা অমসুং য়াইমরপ ওইনা চাউবা ফার্মশিং শৌগৎকনি । ব্রিক্স সাইন্স পার্ক নেতৱার্কশিং , তেক্নোলোজি বিউজিনেস ইনকুবেতরশিং অমসুং অপীকপা অমসুং য়াইমরপ ওইনা চাউবা ফার্মশিং লিংখৎনবা পায়খৎলক্লিবা থবকশিং অসিদা ঐখোয়না থাজবা থম্লি ।
• . মালেমগী শেল-থুম, খুন্নাই অমসুং কলচর চাউখৎহনবদা ইন্তরনেতনা লৌরিবা মরুওইবা অমসুং কান্নরবা থৌদাংশিং ঐখোয়না খঙলে । হৌজিক লৈরিবা মেকানিজম অসিদা  আই সি তিশিং অসি নিয়ম চুম্না, শান্তি ওইনা, মতেং পীনদুনা ফজনা শীজিন্ননবা পুন্না থবক তৌমিন্ননবা ঐখোয়না থাজবা পীরি । মসিদা লৈবাক খুদিংমক্না চপ মান্নবা ম ওংদা ইন্তরনেত মথৌ তৌহনবা অমসুং য়েংশিনবগী থবক পায়খৎপদা শরুক য়ানবা অমসুং মরি লৈনবা লুপশিং মখোয়গী লৌফম থোকপা থৌদাং লৌদুনা শরুক য়াবগী তঙাইফদবা লৈরি ।
• . তুংকোইনা চাউখৎনবা ব্রিক্সনা বিঞ্জ্যান্নিক, তেক্নিকেল, অনৌবা পুথোকপা অমসুং ওন্ত্রেপ্রেনিউয়রশিপগী লমদা মতেং পীনবগী মরুওইবা ঐখোয়না খঙলে । বিঞ্জ্যান্নিক, তেক্নিকেল, অনৌবা পুথোকপগী লমদা ব্রিক্সনা মতেং পীনবা ঐখোয়না তরাম্না ওক্লি অমসুং লম অসিদা ঐখোয়না পুন্না থবক তৌমিন্নবগী মরুওইবা লৈরি । ৪শুবা উদোক্কী অওনবা লাকপা মতমদা থেংনরকপা শিংনবশিং ময়োক্ননবা বিঞ্জ্যান্নিক, তেক্নিকেল, অনৌবা পুথোকপগী লমদা ব্রিক্সনা মতেং পীনবগী মরুওইবা অদু ঐখোয়না অমুক হন্না ৱারেপ লৌরে ।
• . হৌজিক চৎথরিবা ব্রিক্স আই বি আরগী মতেং পীনবা অসি ঐখোয়না অয়াবা পীরে । চাউখৎলক্লিবা লৈবাকশিংদা তেক্নোলোজি পীথোক-পীশিন তৌনবগী মরুওইবা অদু ঐখোয়না খঙলে, মসিনা অনৌবা পুথোকপদা মতেং পাংলিবা ইন্তেলেকচুয়েল প্রোপরতি রাইদসগী মতেং পীনবা হেনগৎহনগনি অমসুং খুন্নাইদা কান্নবা পীগদবা অনৌবা তেক্নোলোজিশিং পুথোকপা হেনগৎহনগনি ।
• . শেল-থুম অমসুং মালেমগী ওইনা অচুম্বা লম্বীদা তুংকোইনা চৎনগদবা মওংদা চাউখৎহনবা য়াওনা খুদিংমক কান্নবা ফংনবা চাউখৎহনবদা ললোন-ইতিক অমসুং তেক্নোলোজি অসি য়াম্না মরুওই হায়বসি ঐখোয় ভাব তারে । তেক্নোলোজিগী চাউখৎপা অসিনা পোৎ শাবদা অমসুং থবক শুবদা ফজনা শীজিন্নদুনা মীওই কয়াগী শেন্থোক হেনগৎহনগনি । চাউখৎলক্লিবা তেক্নোলোজিগী কান্নবশিং চাউখৎলক্লিবা লৈবাকশিংনা লৌনবা মতিক চাবা চুনবা থৌশিলশিং অমসুং থৌরাংশিং পায়খৎপা দরকার  ওই অমসুং মসি মতম চানা শীজিন্নহৌদবগী অৱাবা নংদনবা হোৎনগদবনি । দিজিতেলগী খেন্নবা লৈরিবশিং অসি মেনখৎনবা কান্নগদবা থৌশিলশিং পুথোকপা য়াম্না তঙাইফদে । মীয়াম্না অনৌবা তেক্নোলোজিশিং তম্নবা অমসুং মরি লৈনবা তেক্নোলোজিশিং মফম চানা য়ৌহন্নবা হোৎনগবনি।
• . তেক্নলোজি অমসুং লৌশিংগী মখা পোনবা মালেমগী ইকনোমি অসিনা অনৌবা স্কিলশিং পাম্লকপদা চানদবা থোক্লিবা অসি কোক্নবা স্কিল দিবলপমেন্তগী মরুওইবা অদু ঐখোয়না কন্না খঙলে অমসুং অরিবা স্কিলশিংনা শিন্মী কয়া থবক তোকহল্লে । মতম অসিগী ইকনোমিগী অহোংবগী খোঙজেল অমসুং পাকচাউবা অসি অচৌবা শিংনবা অমনি । মসি থেংননবা মগুন লৈবা এপ্রেন্তিসসিপ য়োকখৎনবা জি২০না লৌখিবা ৱারেপশিং অমসুং ব্রিক্স এক্সন প্লান ফোর পোভরতি এল্লেভেসনগী থৌশিলশিং ঐখোয়না শৌগৎলি । মসিনা মখা তানা ভোকসনেল ত্রেনিং, পুন্সি চুপ্পা মহৈ তম্বা,মালেমগী হোংলক্লিবা ইকনোমিগা মরি লৈনবা ত্রেনিং পীবা য়াওরি ।
• . ৱাল্ড ত্রেদ ওর্গানাইজেসনগী মখাদা নিয়মগী মখাদা, অরোনবা লৈতনা, মীচং-মীখাই নাইদনা, মনিং তম্না মালেমগী লৈবাকশিংনা ললোন-ইতিক তৌবদা ঐখোয়না অচেৎপা থাজবা থম্লি । মসিনা তম্বা ঙম্বা ললোনবগী ফিবম শেমগৎপা অমসুং ৱাল্ড ত্রেদ ওর্গানাইজেসনগী মখাদা থবক তৌবা ঙমহনগনি অমসুং মালেমগী লৈবাকশিংগী ললোন-ইতিক্কী থবকশিং কনখৎহনগনি ।
• . মালেমগী লৈবাকশিংগী ললোন-ইতিক্কী থবক অসি তম্বা ঙমদবা খুদোংচাদবা কয়া থেংনরি হায়বা ঐখোয় খঙলে । মালেম অসি অমত্ত ওইরকপগী কান্নবশিং লৈবাকশিং অমসুং মীয়াম্না ফংমিন্ননবা অফোংবা মালেমগী শেল-থুম অমা শেমগৎপগী মরুওইবা অদু ঐখোয়না খঙলে অমসুং মসিনা লৈবাকশিং পুন্না চাউখৎমিন্নবা অমসুং তুংকোইনা চৎনগদবা চাউখৎ-থৌরাং শৌগৎকনি । মালেমগী লৈবাকশিংগী ললোন-ইতিক্কী থবক অসিদা দব্লিউ তি ওগী মেম্বরশিংনা দব্লিউ তি ওগী নিয়মশিং ইন্নবা অমসুং মখোয়না হায়দোকখিবা ৱাফমশিং ঙাক্নবা ঐখোয়না তকশিল্লি ।
• . য়ানদবা লাকপা মতমদা দব্লিউ তি ওগী ৱায়েনকাংলোন অসি মালেমগী লৈবাকশিংগী ললোন-ইতিক্কী থবক্কী য়াম্না মরুওইবা অমনি অমসুং মসি মালেমগী ললোন-ইতিক্কী থবকশিং অশোয়-অঙাম থোক্তনা চৎথনবা শেমখিবনি । অনৌবা অপ্পেলেত বোদি মেম্বরশিং খনবগী থৌওং অসিনা য়ানদবশিংগী ৱায়েনবগী থবক মরাই চাইথহল্লগনি অমসুং মেম্বর খুদিংমক্কী হকশিং মৎলগনি হায়বগী নুংনাংবা ঐখোয়দা লৈরি । মরম অদুনা ঐখোয়না,মসিগী শিংনবা অসি মরুওইনা লৌদুনা মেম্বরশিংনা মায়োক্ননবা তকশিল্লি ।
• . দব্লিউ তি ওগী ৱায়েনবগী থবক কনখৎহনবগী তঙাইফবা অদু ঐখোয়না খঙলে । মরম অদুনা, চাউখৎলক্লিবা মেম্বরশিং য়াওনা, দব্লিউ তি ওগী মেম্বর খুদিংমক্কী য়েংলগা, দব্লিউ তি ওগী মনুংদা মালেমগী লৈবাকশিংগী ললোন-ইতিক্কী হৌজিক লৈরিবা আইনগী ঙাক্লৌ অসি মখা তানা শেমগৎনবা  হোৎনবদা ঐখোয়না য়ারে ।
• . অফ্রিকাদা লম্বী-থোং শেমগৎপগী মরুওইবা অদু ঐখোয়না খঙলে অমসুং মহাদেস অসিগী মচাক-মথুমশিং শেমগৎপদা থেংনরিবা খুদোংচাদবশিং মশক খঙদোক্নবা অমসুং কোকহন্নবা অফ্রিকান য়ুনিয়ন্না হোৎনরিবশিং ঐখোয়না খঙলে । থবকশিং অসি নিউ পার্টনরসিপ ফোর অফ্রিকাস দিবলপমেন্ত (এন ই পি এ দি ) অমসুং প্রোগ্রাম ফোর ইনফ্রাষ্ট্রকচর দিবলপমেন্ত ইন অফ্রিকা (পি আই দি এ)গী মখাদা পায়খৎকনি । অফ্রিকাগী উদোক চাউখৎকদবা, থবক পীগদবা, স্কিল শেমগৎকদবা, চিন্জাক ফংহনগদবা অমসুং লায়রবা মুৎথৎকদবা ইনফ্রাষ্ট্রকচরশিং শেমগৎপগী থবক ঐখোয়না শৌগৎলি । মরম অদুনা ঐখোয়না অফ্রিকাদা তুংকোইনা চৎনগদবা ইনফ্রাষ্ট্রকচর শেমগৎপদা অমসুং ইনফ্রাষ্ট্রকচর শেমগৎপদা শেল থাদবদা শৌগৎনবা অমুক হন্না ৱারেপ লৌরি ।
• . অফ্রিকাদা উদোক চাউখৎহনবগী দরকার ফজনা খঙলে অমসুং অফ্রিকান য়ুনিয়নগী এজেন্দা ২০৬৩ থবক ওইনা পাংথোক্নবা, অফ্রিকাগী লৈবাকশিং অমসুং  অফ্রিকান য়ুনিয়ন্না অফ্রিকান কন্তিনেন্তেল ফ্রি ত্রেদ এরিয়া ( এ এফ সি এফ তি এ) দা খুৎয়েক পীবদা ঐখোয়না য়ারে । মহাদেস অসিদা শেল-থুমগী থবক পুনশিনবা অমসুং অফ্রিকা মনুংদা লৈরিবা ললোন-ইতিক্কী খুদোংচাবশিং থিদোক্নবা এ এফ সি এফ তি এ অসি য়াম্না মরুওইবা খোঙথাং অমনি । মসিগা লোয়ননা ঐখোয়না এজেন্দা ২০৬৩ অমসুং মহাদেস অসি পুনশিনবা অমসুং চাউখৎহনবদা শৌগৎলি ।
• . ফন্দ মতিক চানা থাদুনা অমসুং কোতাদা য়ুম্ফম ওইবা ইন্তরনেসনেল মনিতরি ফন্দ (আই এম এফ) না ময়াইদা লৈদুনা মপাঙ্গল কনবা মালেমগী শেল-থুমগী অশোই-অঙাম থোক্তনবা নেতৱার্ক অমা শেমগৎনবা ঐখোয়না তকশিল্লি । মসিগী মহৈ  ওইনা , আই এম এফগী কোতাগী ১৫শুবা জনরেল রিভিয়ুদা য়াওহন্নবা ঐখোয়না ৱারেপ লৌরে, মসিদা ২০১৯গী স্প্রিং মিতিংদা খ্ৱাইদগী লায়রবশিংগী ৱা তানবা খন্নগনি । আই এম এফগী লৈঙাক শেমদোকপনা আই এম এফনা সব-সাহারা অফ্রিকা য়াওনা  লায়রবা মেম্বরশিংগী ৱা তাগনি ।
• . সাউদ অফ্রিকান রিজার্ব বেঙ্কগী  গভর্নর লেসেতজাগাংয়াগো ইন্তরনেসনেল মনিতরি এন্দ ফাইনান্সিয়েল কম্মিতিগী চেয়ার ওইনা হাপ্পদা ঐখোয়না তরাম্না ওক্লি অমসুং থাগৎলি ।
• . ব্রিক্স কন্তিজেন্ত রিজার্ব এরেন্জমেন্ত (সি আর এ) মপাঙ্গল কনখৎহন্নবা অমসুং থবক হৌনবা শেম-শারিবশিং ঐখোয়না খঙলে অমসুং সি আর এগী দি-লিঙ্কগী শরুক মাইপাক্না চাংয়েং পাংথোকখিবদা ঐখোয়না তরাম্না ওক্লি । দি আর এ অমসুং আই এম এফ অনিগী মরক্ত মতেং পীনবা ঐখোয়না পুক্নিং থৌগৎলি ।
• . ব্রিক্স লোকেল করেন্সি বোন্দ ফন্দ লিংখৎনবা হোৎনবা অমসুং মসি থবক হৌনবা খুমাং চাউশিন্নবা থবক তৌরিবা অসিদা ঐকোয়না অপেনবা পোকই ।

৭২. বোন্দ ইসু তৌবগী মতাংদা ব্রিক্স লৈবাকশিংদা একাউন্তিং অমসুং ওদিতিংগী থবকশিং পুনশিন্নবা মতেং পীনবা হেনগৎহনবা অমসুং হায়রিবা হিরমশিং অসিদা মখা তানা মতেং পীনবদা ঐখোয়না য়ারে ।

• . দিজিতেল ইকনোমি চাউখৎনবা পান্দমদা দিস্ত্রিবুতেদ লেজর অমসুং ব্লোকচেন তেক্নোলোজিগী লমদা পুন্না রিছাস তৌমিন্ননবা এম ও য়ু অমা খুৎয়েক পীনখিবদা ঐখোয়না তরাম্না ওক্লি । ঐখোয় মশেল মতেং পীনবা অসিনা ইন্তরনেত ইকনোমিগী থবক তৌবদা মতেং ওইগনি হায়না ঐখোয়না থাজৈ ।

৭৪. তুংকোইনা ইকনোমি চাউখৎনবা ইনফ্রাষ্ট্রকচর, শেল থাদবা অমসুং মালেমগী ওইবা চাউখৎ-থৌরাংগী মতেং পীবা প্রোজেকশিং অসি য়াম্না মরুওই ; মসিনা পোৎথোক পুথোকপা হেনগৎহনগনি । শেল-থুমগী হেন্না নক্নবা মরি শেমগৎপা অমসুং ইনফ্রাষ্ট্রকচর শেমগৎপগী মরুওইবা অদু ঐখোয়না তকশিল্লি ।

৭৫.সরকারনা ইনফ্রাষ্ট্রকচর শেমগৎপা অমসুং শেল থাদনবা লনাই শেল থাদবা মীওইশিংনা মতেং পাংহনবদা মলতিলেতরেল দিবলপমেন্ত বেঙ্কস(এম দি বি) হায়বদি, নিউ দিবলপমেন্ত বেঙ্ক(এন দি বি ) না লৌরিবা থৌদাং ঐখোয় খঙলে ।

• . ঐখোয়গী লৈবাকশিংগী খুন্নাই, শেল-থুম অমসুং অকোয়বগী ফিবম ফগৎহন্নবা এন দি বিনা মতেং পাংনবা থৌরাং তৌরবা অমসুং প্রোজেক প্রিপরেসন ফন্দ য়াম্না থুনা থবক হৌনবা হোৎনরিবা অসিদা ঐখোয়না অপেনবা পোকই । অফ্রিকা রিজনেল সেন্তরগা লোয়ননা ব্রাজিলগী সাউ পাউলোদা অমেরিকাস রিজনেল ওফিস অমা লিংখৎকদৌরবা অসিদা ঐখোয়না তরাম্না ওক্লি, মসিনা লৈবাকশিং অসিদা এন দি বি মপুং ফানা লৈহনবদা মতেং পাংগনি । মে ২৮-২৯ দা চাইনাগী সংহাইদা পাংথোকখিবা মসিগী ৩শুবা চহিগী মীফমদা অনৌবা মওংদা চাউখৎ-থৌরাংগী শেল থাদনবা এন দি বিগী বোর্দ ওফ গভর্নরশিংনা খন্নখিবা অদু ঐখোয়না খঙজিল্লে অমসুং মদুনা মালেমগী হোংলক্লিবা ফিবম অসিদা এন দি বিগী পায়খৎকদবা থবকশিং খন্নখি ।

৭৭. ব্রিক্স লৈবাকশিংগী চাউখৎ-থৌরাংগী দরকার ওইবশিং ফংবা ঙম্নবা অমসুং শেল-থুমগী ফিবম ফগৎনবা ব্রিক্সগী মরক্তা শেল-থুমগী মতেং পীনবা হেনগৎহনবগী মরুওইবা অদু ঐখোয়না তকশিল্লি । মসিগী মতাংদা , ব্রিক্স লৈবাকশিংগী মশাগী লৈজরিবা আইনগী ঙাক্লৌশিংগী মখাদা ব্রিক্স লৈবাকশিংগী মনুংদা শেলগী থবক তৌরিবা লুপশিংগী নেতৱার্ক শেমগৎপা অমসুং শেল-থুমগী থবকশিং পুনশিন্নবগী থবক পায়খৎনবা ঐখোয়না অমুক্কা হন্না থাজবা পীরি । মসিনা শেল-থুমগী কাংলোন শেম্লিবশিংগী মরক্তা পাউ ফাওনবা অমসুং মতেং পীনবা হেনগৎহনগনি । করেন্সি মতেং পীনবা অমসুং সেন্ত্রেল বেঙ্কশিংগী আইনগী থবকশিংগা চুননা থবক তৌনবা মতেং পীনবা হেনগৎহনগনি । ব্রিক্স লৈবাকশিংদা তুংকোইনা চৎনগদবা চাউখ-থৌরাংগী থবকশিং পায়খৎনবা ঐখোয়না গ্রিন ফাইনান্সিংগী থবক মখা চৎথগনি ।

• . আইন্না য়াদবা শেল থাদবা থিংনবা মালেমগী ওইনা মতেং পীনবা, ফাইনান্সিয়েল এক্সন তাক্স ফোর্স(এফ এ তি এফ)  অমসুং ৱাল্ড কস্তমস ওর্গানাইজেসনদা মতেং পীনবদা ঐখোয়না শৌগৎলি । হিরম অসিগীদমক, অমগা অমগা দেতা লৌথোক-লৌশিন তৌনবা হেনগৎপগী মরুওইবা অদু  ঐখোয়না খঙলে । এফ এ তি এফগী পান্দমশিং শৌগৎপা অমসুং মসিনা মনি লাওন্দরিং , তেরোরিজমদা শেল থাদবা অমসুং এফ এ ত এফ থুগায়বা থিংনবা পায়খৎলিবা থবকশিংদা ঐখোয়না মতেং পীবা হেনগৎহনগনি  ।
• . লৈবাকশিংগী আইনগী সিস্তেমশিং মরাই চাইথহনবা য়াওনা শেন্জা-থুমজাগী থবকশিং পীরিবা চৈথেং  অসি মালেমগী ওইনা অচৌবা শিংনবা অমা ওইরে । মসিনা লৈবাক অমদা শেল থাদবা কিহন্দুনা শেল-থুম চাউখৎহনবদা অচৌবা শিংনবা অমা ওইহল্লে । শেন্জা-থুমজাগী মায়োক্ত লৈবা য়ুনাইতেদ নেসন্স কনভেন্সনগী চেপ্তর ৪ থবক ওইনা চৎনহনবদা মালেমগী ওইনা মতেং পীনবা ঐখোয়না অচেৎপা থাজবা পীরি । হিরম অসিদা , ব্রিক্স ৱার্কিং গ্রূপ ওন এন্তিকরপসন কোওপরেসনগী মখাদা মালেমগী ওইনা মতেং পীনবা হেনগৎনবা ঐখোয়না থাজবা পীরি । ঐখোয়গী লৈবাক মনুংগী আইনগী থবকশিং অসিনা শেন্জা-থুমজা থিংনবা আইনশিং চৎনহনবা, মীচেলশিং শিন্নবা, শেল-থুম অমসুং শেন্জা-থুমজাগী মরাল লৈরবশিং মখোয়গী লৈবাকশিং অমুক হনহল্লকপা,লন-থুম খোমগৎপা অমসুং শেন্জা-থুমজাগা মরি লৈনবা ক্রিমিনেল অমসুং নন-ক্রিমিনেলশিং চংজফম পীদনবা মালেমগী মীয়ামদা খঙহনবা অমসুং শেন্জা-থুমজাগী থবক তৌবা মীওইশিং ৱায়েনবা অসিদা ঐখোয়না মতেং পাংগনি । ঐখোয়না মমাংদা পাংথোকখিবগুম ব্রিক্সশিংগী মরক্তা শেন্জা-থুমজাগী ময়োক্তা মতেং পীনবা হেনগৎহনগনি অমসুং মসিনা লৈবাক অমনা অমবু থাজবা হেনগৎহনগনি । ই-পাউ পীননবা প্লেতফোর্ম অমা শেমগৎতুনা অমসুং লৈবাকশিংগী প্লেতফোর্মশিং পুনশিন্দুনা য়ু এন সি এ সি থবক ওইনা পায়খৎপদা ঐখোয় মশেল মখা তানা মতেং পীনগনি । অফ্রিকান য়ুনিন্না ২০১৮ অসি শেন্জা-থুমজা থেংনবা চহি ওইনা খনবদা ঐখোয়না অয়াবা পীরে ।
• . ব্রিক্স ইকনোমিক পার্টনরসিপগী লাল্লোংশিং থবক ওইনা পাংথোক্নবা, ৮শুবা ব্রিক্স ত্রেদ মিনিস্তরশিংগী মীফমগী ৱারেপশিং অদু ঐখোয়না তরাম্না ওক্লি, মসি ব্রিক্স কন্তেক গ্রূপ ওন ইকনোমিক এন্ত ত্রেদ ইসুজ(সি জি ই তি আই)গী হৌজিক চৎথরিবা থবকশিং অসিনা শৌগৎলি । শেল-থুম অমসুং ললোন-ইতিক্কী থবক্তা ব্রিক্স এক্সন এজেন্দা চৎনহন্নবা ফজনা খুমাং চাউশিল্লকপদা ঐখোয়না তরাম্না ওক্লি । উদোক চাউখৎনবা থৌশিলগী মখাদা ঐখোয়গী উদোকশিং, লৌউ-শিংউ, মাইক্রো, অপীকপা অমসুং ময়াই ওইরপ চাউবা য়ুনিতশিংদা ভেলু এদিসন অমসুং গ্লোভেল ভেলু চেন শেমগৎপদা ঐখোয়না পুক্নিং থৌগৎলি । ব্রিক্স লৈবাকশিংগী মরক্তা ভেলু এদেদ ললোন-ইতিক্কী থবক হেনগৎলকপগী মরুওইবা খঙলদুনা,  ত্রেদ মিনিস্তরশিংনা হন্না সি জি ই তি আইগী ত্রেদ প্রমোসন ৱার্কিং গ্রূপ অমসুং ব্রিক্স ই-কম্মর্স  ৱার্কিং গ্রূপ  অমুক হন্না মীফম পাংথোক্নবা ঐখোয়না খঙহল্লি । ব্রিক্স লৈবাকশিংগী মরক্তা ভেলু এদেদ ললোন-ইতিক্কী থবক চাউখৎহন্নবা ব্রিক্স জোইন্ত ত্রেদ স্তদি অমুক হন্না য়েংশিন্নবা থবক হৌবদা ঐখোয়না তরাম্না ওক্লি । আই পি আর,ই-কম্মর্স, ত্রেদ, তেক্নিকেল রিগুলেসন, এম এস এম ই  অমসুং মোদেল ই-পোর্টগী লমদা মতেং পীননবা ৮শুবা ব্রিক্স ত্রেদ মিনিস্তরশিংনা লৌখিবা ৱারেপ ঐখোয়না তরাম্না ওক্লি ।

৮১. রিজনেল এভিয়েসনগী ব্রিক্স এম ও য়ু খুৎয়েক পীনবদা ঐখোয়না তরাম্না ওক্লি । মসিনা চৎথোক-চৎশিন অমসুং ইনফ্রাষ্ট্রকচর শেমগৎপদা ব্রিক্সশিংগী মরক্ত মতেং পীনবা হেনগৎহনগনি হায়না ঐখোয়না থাজৈ ।

• . ব্রিক্স কস্তম কোওপরেসনগী ঙাক্লৌশিং চৎনহন্নবা ব্রিক্স কস্তম এদমিনিস্ত্রেসনশিংগী মরক্ত মতেং পীনবগী মহৈ অদু ঐখোয়না তরাম্না ওক্লি অমসুং ব্রিক্স কস্তম মিউচেল এদমিনিস্ত্রেতিপ এসিস্তেন্ত এগ্রিমেন্তদা শরুক য়াবা য়াওনা মসিগী অশানবা পান্দমশিং অদু তরাম্না ওক্লি, মসিনা ২০২২ গী অরোইবদা ব্রিক্স ওথোরাইজ ইকনোমিক  ওপরেতর প্রোগ্রাম মথৌ তৌবা ঙমহল্লগনি । মসিগা মরি লৈননা, ঐখোয়না ব্রিক্স কস্তম এক্সন প্লান তরাম্না ওক্লি, মসিনা ব্রিক্স কস্তম এদমিনিস্ত্রেসন্না অপুনবগী ওইনা অতেনবা, ময়াইওইবা অমসুং অশাংবগী পান্দমশিং মশক খঙদোকপা ঙমহনগনি অমসুং ব্রিক্স কস্তম ত্রেনিং সেন্তরশিং লিংখৎকনি । ঐখোয়না ব্রিক্স কস্তম কোওপরেসন কম্মিতিগী তৌবা ঙম্বশিং শক খঙলে অমসুং মরি লৈনবা হিরমশিংদা ব্রিক্স লৈবাকশিংগী মরক্তা মতেং পীনবা হেনগৎহন্নবা খঙহল্লি ।
• . মালেমগী ওইনা য়ারবা তেক্স সিস্তম অমা লৈহন্নবা ব্রিক্স রিভিনিউ ওথোরিতিজনা মখা তানা পীরিবা মতেংশিং ঐখোয়না খঙলে । চাউখৎলক্লিবা লৈবাকশিংদা মালেমগী ওইনা য়ারবা তেক্স সিস্তম অমা লৈহনদুনা তেক্সগী ই-পাউ পীনবা, অতোপ্পদা শেন্দোং চৎখিবা থিংনবা  অমসুং ত্রেনিং পীনবা থবকশিং য়াওনা দিজিতেল ইকনোমি অমা শেমগৎনবা ঐখোয়না মখা তানা থাজবা পীরি । তেক্সগা মরি লৈনবা থবকশিংগী মতাংদা অমগা অমগা তম্নবা, এক্সপরিয়েন্স শরুক য়ামিন্নবা য়াওনা থবক কয়াদা মতেং পীননবা ঐখোয়না হোৎনরি । ব্রিক্স রিভিনিউ ওথোরিতিজশিংগী মরক্তা ত্রেনিং পীনবা মেকানিজম অমা লিংখৎপদা ঐখোয়না তরাম্না ওক্লি ।
• . ইনফ্রাষ্ট্রকচর, মেনুফেকচরিং, ইনর্জি, এগ্রিবিউজিনেস, ফাইনান্স, এভিয়েসন, তেক্নিকেল স্তেন্দার্দ অমসুং স্কিল দিবলপমেন্তগী লমদা ললোন-ইতিক্কী থবক হেনগৎহন্নবা ব্রিক্স বিউজিনেস ফোরম অমসুং ব্রিক্স বিউজিনেল কাউন্সিল অমসুং মসিগী ৫শুবা চহিগী রিপোর্টনা পাংথোকখিবা থবকশিং ঐখোয়না খঙলে । ব্রিক্স বিউজিনেল কাউন্সিলগী ঙাক্লৌ মখাদা দিজিতেল ইকনোমি ৱার্কিং গ্রূপ লিংখৎপদা ঐখোয়না তরাম্না ওক্লি ।
• . শেল-থুম অমসুং খুন্নাই চাউখৎপদা তুরিজমগী থৌদাং খঙলদুনা, ব্রিক্স ৱার্কিং গ্রূপ ওন তুরিজম লিংখৎনবা ৱারেপ লৌরকপা অসি ঐখোয়না তরাম্না ওক্লি, মসিনা ব্রিক্স লৈবাকশিংগী মরক্তা মতেং পীনবা হেনগৎহনগনি অমসুং মীগা মীগগী মরক্তা মরি লৈনবা হেনগৎহনগনি । ব্রিক্স তুরিজম্না ত্রাবেল ত্রেদ, নোংথক্কী লম্বী, তুরিজম ইনফ্রাষ্ট্রকচর, কলচর অমসুং মেদিকেল তুরিজম য়াওনা হিরম কয়াদা মতেং পীনবা হেনগৎকনি । মালেমগী ওইনা শেল-থুমগী ফিবম ফৎত্রবসু ব্রিক্সশিংগী মরক্তা তুরিজম হেনগৎলকপদা ঐখোয়না অপেনবা পোকই ।

  V.  মীগা-মীগা মতেংপ  পীনবা

• . ব্রিক্স অমসুং মসিগী থৌরমশিং মীওইবনা মরুওইনা লৌদুনা , শান্ন-খোৎনবা, নহারোল, ফিল্ম,কলচর, মহৈ-মশিং অমসুং তুরিজমদা চাউখৎনবা অমসুং পীথোক-পীশিন তৌননবা ঐখোয়না অয়াবা পীরি ।
• . ঐখোয়গী মীয়ামগীদমক সেক্তরশিং অসি চাউখৎহন্নবা মীদা য়ুমফম  ওইবা চাউখৎ-থৌরাংগী থবকশিং পায়খৎনবা ঐখোয়না অমুক হন্না অচেৎপা থাজবা পীরি ।
• . পৃথিবীগী খা থংবা শরুক্তা অহানবা পাংথোকপা ওইনা, ব্রাসিলিয়াদা পাংথোকখিবা মালেমগী ঈশিংগী খ্বাইদগী চাউবা থৌরম অমা ওইরিবা ৮শুবা ৱাল্ড ৱাতর ফোরম ঐখোয়না খঙলে অমসুং মসিনা মালেমগী থাক্ত ঈশিং অসি মরুওইবা অমা ওইনা লৌবা ঙমহল্লগনি ।
• . স্পেসগী লমদা ব্রিক্স লৈবাকশিংগী মরক্তা মতেং পীনবগী মরুওইবা অদু ঐখোয়না তকশিল্লি অমসুং হিরম অসিদা হৌজিক পায়খৎলিবা থবকশিং কনখৎহন্নবা ঐখোয়না শৌগৎলি ।

৯০. ব্রিক্স লৈবাকশিংগী মনুংদা ভেকসিন পুথোকপা অমসুং রিছাস তৌবগী থবকশিংদা মতেং পীনবা হেনগৎহন্নবা ঐখোয়না থাজবা পীরি অমসুং ব্রিক্স ভেকসিন রিছাস এন্স দিবলপমেন্ত সেন্তর লিংখৎনবা হৌদোরকপা ৱাফম তরাম্না ওক্লি ।

• . তুবরকুলোসিস মুৎথৎনবা পাংথোকখিবা অহানবা দব্লিউ ঐচ ও গ্লোবেল মিনিস্তরিয়েল কনফরেন্স ঐখোয়না তরাম্না ওক্লি । মদুগী মহৈ ওইনা তি বি মুৎথৎনবা মোস্কো দিক্লারেসন পুথোরকপা অমসুং তুংদা ২০১৮ গী সেপ্তেম্বরদা পাংথোক্কদৌরিবা তি বি মুৎথৎনবা অহানবা য়ু এন জনরেল এশেমব্লিগী অৱাংবা থাক্কী মীফম অমসুং লৌনগনদবা লায়নশিং ঙাকথোক্নবা য়ু এন জনরেল এশেমব্লিগী অহুমশুবা অৱাংবা থাক্কী মীফম তরাম্না ওক্লি ।
• . ৪শুবা  উদোক্কী অওনবা পুরকপদা কলচরগী মরুওইবা অমসুং থৌদাং ঐখোয়না খঙলে অমসুং মসিগী য়াওরিবা শেল-থুমগী খুদোংচাবশিং অদু খঙলে ।
• . ৩শুবা ব্রিক্স ফিল্ম ফেস্তিবেল শীনবদা ঐখোয়না অয়াবা পীরে অমসুং হিরম অসিদা মখা তানা মতেং পীনবগী দরকার  ওইবা অদু খঙলে । ফিল্ম পুন্না পুথোকমিন্নবা ব্রিক্স ত্রিতি দ্রাফ অমা শেম্নবা খা অফ্রিকানা হৌদোরকখিবা ৱাফম অমা ঐখোয়না খঙলে অমসুং মসিনা ব্রিক্সগী কলচরশিং উৎপা ঙমহল্লগনি ।

৯৪. কলচরগী লমদা মতেং পীননবা ব্রিক্সগী সরকারশিংগী মরক্ত শেমখিবা এক্সন প্লান অদু থবক ওইনা পাংথোক্নবা ঐখোয়না তকশিল্লি অমসুং ব্রিক্স কলচরগী অখঙ-অহৈশিংগী মরক্তা হৌজিক পায়খৎলিবা থবকশিং ঐখোয়না খঙজিল্লে ।

৯৫. জোহনীসর্বগতা পাংথোকখিবা ২শুবা ব্রিক্স সেমিনার ওন গভরনান্স ২০১৮  ঐখোয়না  খঙলে, মসিগা লোয়ননা ২০১৯ দা ব্রাজিলনা ৩শুবা মীফম পাংথোকপা পাম্লিবা অসি খঙলে ।

৯৬. থিঙ্ক –তেঙ্ক কাউন্সিল, একাদেমিক ফোরম, সিবিল ব্রিক্স ফোরম, য়ং দিপ্লোমেতিক ফোরম, য়ুথ সম্মিৎ অমসুং য়ং সাইনতিষ্ট ফোরমগী মখাদা ঐখোয়গী মীয়াম মরক্তা মতেং পীনবা হেনগৎলকপা অসি ঐখোয়না অপেনবা পোক্লে ।

৯৭. ব্রিক্সগী মপান থৌরমগী ৱাঙাংলোয় অমা হাপ্নবা খা অফ্রিকানা হৌদোরকপা ৱাফম অমা ঐখোয়না খঙলে ।

• . খা অফ্রিকাদা ৩শুবা ব্রিক্স গেমস মাইপাক্না পাংথোকখিবা ঐখোয়না তরাম্না ওক্লি অমসুং মসিনা ব্রিক্স স্পোর্টস কাউন্সিল লিংখৎপদা খুমাং চাউশিলহল্লগনি ।

৯৯. নুপী পরলিয়ামেন্তরিয়ানশিং য়াওনা ব্রিক্স পরলিয়ামেন্তরি একচেন্জগী থবকশিং অসি য়াম্না মরুওই অমসুং ঐখোয়না ব্রিক্স একচেন্জগী থবকশিং কনখৎহন্নবা মীৎয়েং থম্লি ।

১০০. পুন্না চাউখৎমিন্নবদা নুপীগী থৌদাং খঙলদুনা ব্রিক্স নুপীশিংগী ফোরম অমসুং ব্রিক্স নুপীশিংগী বিউজিনেস এলাইন্স লিংখৎনবা খন্নরিবা অসি ঐখোয়না খঙলে ।

১০১. ২০১৮ দা খা অফ্রিকানা ব্রিক্সগী চেয়ার ওইবদা ব্রাজিল, রুসিয়া, ভারত অমসুং চাইনানা য়ারে অমসুং জোহনীসর্বগতা১০শুবা ব্রিক্স মীফম শীনবগীদমক খা অফ্রিকাগী সরকার অমসুং মীয়াম থাগৎলি ।

১০২. ২০১৯ দা ব্রাজিলনা ব্রিক্সগী চেয়ার ওইবদা  অমসুং ১১শুবা ব্রিক্স মীফম য়ুম্বু ওইবদা রুসিয়া, ভারত, চাইনা অমসুং খা অফ্রিকানা মপুং ফানা শৌগৎলি

এন্নেক্স ১ : জোহনীসর্বগ এক্সন প্লান

১০শুবা ব্রিক্স মীফম –জুলাই ২৫–২৭ (জোহনীসর্বগ)

খা অফ্রিকানা চেয়ার ওইদুনা জোহনীসর্বগ মীফমদা পাংথোকখিবা মখাগী মীফমশিং অসিগী ফলশিং ঐখোয়না খঙজিল্লে :

মিনিস্তরশিংগী মীফমশি :

· ব্রিক্স ফাইনান্স দিপুতিশিংগী মীফম –মার্চ ১৭–২০ (বুনোস আইরেস)

· ব্রিক্স ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিংগী মীফম–১৮–২০ এপ্রিল (ৱাশিংতন, দি সি )

· ব্রিক্স ফাইনান্স দিপুতিশিংগী মীফম– ১৮–২০ এপ্রিল (ৱাশিংতন, দি সি )

· ব্রিক্স ইনভাইরোনমেন্ত মিনিস্তরশিংগী মীফম – ১৮ মে (দরবান)

· ব্রিক্স ফোরেন এফেয়ার্স/ইন্তরনেসনেল রিলেসন্স মিনিস্তরশিংগী মীফম –৪ জুন (প্রেতোরিয়া )

· ব্রিক্স রেভিনিউ ওথোরিতিশিংগী মকোকশিংগী মীফম –১৮–২১ জুন ২০১৮(জোহনীসর্বগ)

· ব্রিক্স এগ্রিকলচর মিনিস্তরশিংগী ৮শুবা মীফম –১৯–২২ জুন (পুমালঙ্গা )

· নেসনেল সেকুরিতি এদভাইজরশিংগী ৮শুবা মীফম –২৮–২৯ জুন ২০১৮ (দরবান)

· ব্রিক্স ইনর্জি মিনিস্তরশিংগী মীফম– ২৮–২৯ জুন (গৌতেং)

· ব্রিক্স দিজাস্তর মেনেজমেন্ত  মিনিস্তরশিংগী মীফম –২৯ জুন– ১ জুলাই (ইষ্ট লন্দন )

· ব্রিক্স সাইন্স, তেক্নোলোজি অমসুং ইন্নোবেসন মিনিস্তরশিংগী মীফম – ৩  জুলাই (দরবান )

· ব্রিক্স  ইন্দস্ত্রি মিনিস্তরশিংগী ৩শুবা মীফম –৪ জুলাই (গৌতেং)

· ব্রিক্স ত্রেদ মিনিস্তরশিংগী ৮শুবা মীফম – ৫জুলাই (মেগালিজবার্গ)

· ব্রিক্স ইজুকেসন মিনিস্তরশিংগী মীফম –১০ জুলাই (কেপ তাউন)

· ব্রিক্স ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিংগী মীফম–১৯–২২ জুলাই (অর্জেন্তিনা)

· ব্রিক্স হেল্ড মিনিস্তরশিংগী ৮শুবা মীফম –২০ জুলাই (দরবান)

সেনিয়র ওফিসিয়েল অমসুং সেক্তোরেল মীফমশিং :
 

· ব্রিক্স সেরপাশিং  অমসুং শৌ সেরপাশিংগী অহানবা মীফম – ৪–৬ ফেব্রূৱারি (কেপ তাউন)

· ব্রিক্স এন্তি–করপসন ৱার্কিং গ্রূপগী অহানবা মীফম– ২৬ ফেব্রূৱারি(বুনোস আইরেস, অর্জেন্তিনা)

· কন্তক গ্রূপ ওন ইকনোমিক এন্দ ত্রেদ ইসুজ(সি জি ই তি আই)- ২৮ ফেব্রূৱারি– ২ মার্চ(জোহনীসর্বগ)

· ব্রিক্স ওফিসশিংগী ৯শুবা তেক্নিকেল নেসনেল স্তেতিসতিক্স ওফিস– ১৩– ১৫ মার্চ (প্রেতোরিয়া)

· ব্রিক্স বোন্দ ফন্দ (বি বি এফ) ৱার্কিং গ্রূপগী মীফমশিং – ১৭– ২০ মার্চ (বুনোস আইরেস)

· কস্তম এক্সপার্টশিংগী মীফমশিং – ১৬–১৭ এপ্রিল (দরবান)

· কস্তমস কোওপরেসন কম্মিতিগী ২শুবা মীফম– ১৮–১৯ এপ্রিল (দরবান)

· বি বি এফ  ৱার্কিং গ্রূপ অমসুং ব্রিক্স সি আর এ স্তেন্দিং কম্মিতিগী মীফমশিং– ১৮–২০ এপ্রিল (ৱাশিংতন , দি সি )

· কাউন্তর–তেরোরিজম ৱার্কিং গ্রূপ– ১৯–২০ এপ্রিল (হ্বাইদ রিভর, নেলসপ্রূইত)

· ব্রিক্স সেরপাশিং  অমসুং শৌ সেরপাশিংগী অনিশুবা  মীফম – ২৪–২৬ এপ্রিল (বেলাবেলা, লিমপোপো)

· লেবর অমসুং ইমপ্লোইমেন্ত ৱার্কিং গ্রূপগী অহানবা মীফম – ৭–১০ মে (পুমালাঙ্গা )

· ব্রিক্স ইন্তেলেকচুয়েল প্রোপরতি রাইতস কোওপরেসন মেকানিজমগী অনিশুবা মীফম– ১০ মে (ইষ্ট লন্দন )

· ব্রিক্স ই–কর্ম্মস ৱার্কিং গ্রূপগী অনিশুবা মীফম– ১০ মে (ইষ্ট লন্দন )

· ব্রিক্স ত্রেদ প্রোমোসন ৱার্কিং গ্রূপগী অহানবা মীফম– ১০ মে (ইষ্ট লন্দন )

· তেক্নিকেল রিগুলেসন, স্তেন্দার্দস, কনফোরমিতি এসেসমেন্ত, মেত্রোলোজি অমসুং এক্রিদিতেসনগী অখঙ–অহৈশিংগী মীফম– ১০ মে (ইষ্ট লন্দন )

· ত্রেদ সার্বিসেল স্তেতিসতিক্সগী ৱার্কশোপ– ১০ মে (ইষ্ট লন্দন )

· কন্তেক গ্রূপ ওন ইকনোমিক এন্দ ত্রেদ ইসুজ(সি জি ই তি আই)গী ১৮শুবা মীফম– ১১–১২ মে (ইষ্ট লন্দন)

· ব্রিক্স ইনভাইরোনমেন্ত এফেয়ার্স ৱার্কিং গ্রূপগী মীফম – ১৪–১৬ মে (প্রেতোরিয়া)

· আই সি তি ৱার্কিং গ্রূপগী মীফম – ১৬–১৭ মে (কেপ তাউন)

· ব্রিক্স ইনভাইরোনমেন্ত এফেয়ার্স সেনিয়র ওফিসিয়েল মীফম – ১৭ মে (দরবান)

· ব্রিক্স ইনর্জি ইফিসিয়েন্সি অমসুং ইনর্জি সেভিং ৱার্কিং গ্রূপগী মীফম– ১৭–১৮ মে (কেপ তাউন)

· ব্রিক্স থিঙ্ক তেঙ্ক কাউন্সিল (বি তি তি সি )গী মীফম– ২৮ মে (পার্কতাউন)

· ব্রিক্স একাদেমিক ফোরম – ২৮–৩১ মে (জোহনীসর্বগ)

· ক্বালিতি ইনফ্রাষ্ট্রকচরগী মীফম– ১৬ মে (গৌতেং)

· ৱাল্ড হেল্ড  এশেমব্লিগী মমাংদা ব্রিক্সগী হকশেলগী মীফম – মে (জেনেভা, সুইজরলেন্দ)

· ব্রিক্স সেরপাশিং  অমসুং শৌ সেরপাশিংগী অহুমশুবা  মীফম-২-৩ জুন (প্রেতোরিয়া)

· তেক্সগী অখঙ-অহৈশিংগী মীফম- ১৮-১৯ জুন (কেপ তাউন)

· মিদল ইষ্ট এন্দ নোর্থ অফ্রিকা(মেনা)গী অখঙ-অহৈশিংগী ৪শুবা মীফম – ১৯ জুন (প্রেতোরিয়া)

· এগ্রিকলচর কোওপরেসন ৱার্কিং গ্রূপগী  ৮শুবা মীফম- ২০ জুন(নেলসপ্রূইত)

· লৌবুক মাইকৈ পাংবা – ২২ জুন

· সিবিল সোসাইতি ওর্গনাইজেসন(সি এস ও) শিংগী মীফম – ২৫-২৬ জুন(জোহনীসর্বগ)

· সিবিল ব্রিক্স – ২৫-২৭ জুন (পার্কতাউন, জোহনীসর্বগ)

· কস্তমস কোওপরেসন কম্মিতিগী ৩শুবা মীফম– ২৬ জুন (ব্রূশেল, বেলজিয়ম)

· ব্রিক্স এন্তি–করপসন ৱার্কিং গ্রূপগী অনিশুবা  মীফম– ২৬ জুন (পেরিস,ফ্রান্স)

· ৪শুবা য়ং দিপ্লোমেত ফোরম- ২৫-২৯ (প্রেতোরিয়া)

· ৩শুবা ব্রিক্স য়ং সাইনতিষ্ট ফোরম- ২৫-২৯  (দরবান আই সি সি )

· ব্রিক্স ফ্রেন্দসিপ সিতিস এন্দ লোকেল গভরমেন্ত কোওপরেসন ফোরম- ২৮- ২৯ জুন (ইষ্ট লন্দন )

· ফন্দিং পার্টিগী ৪শুবা ব্রিক্স ৱার্কিং গ্রূপ মীফম – ৩০ জুন ( দরবান)

· ৮শুবা ব্রিক্স সাইন্স, তেক্নোলোজি অমসুং ইন্নোভেসন (এস তি আই )- ২ জুলাই (দরবান)

· উদোক্কী অখঙ-অহৈশিংগী ৩শুবা মীফম-৩ জুলাই (মাগালিজবার্গ)

· লৈঙাক্লোনগী ২শুবা ব্রিক্স সেমিনার – ৩-৪ জুলাই ( জোহেননেসবার্গ)

· কনতেক গ্রূপ ওন ইকনোমিক এন্দ ত্রেদ ইসুজ(সি জি ই তি আই)গী ১৯শুবা মীফম– ২-৪ জুলাই ( গৌতেং )

· ব্রিক্স নেতৱার্ক য়ুনিভর্সিতি কনফরেন্স- ৫-৭ জুলাই (স্তেল্লেনবোসচ)

· ইজুকেসনগী ব্রিক্স সেনিয়র ওফিসিয়েলশিংগী মীফম – ৯ জুলাই (কেপ তাউন)

· ইন্তরনেসনেল কনফরেন্স ওন ত্রান্সপোর্ট ইনফ্রাষ্ট্রকচর- ৯-১০ জুলাই ( প্রেতোরিয়া)

· ৪শুবা ব্রিক্স য়ুথ সম্মিৎ- ১৬-২১ (ব্লোয়েমফোন্তেন, ফ্রি স্তেদ)

· ৩শুবা ব্রিক্স গেসম – ১৭-২২ জুলাই (জোহেননেসবার্গ)

· ব্রিক্স হেল্ড সেনিয়র ওফিসিয়েলশিংগী মীফম – ১৮-১৯ জুলাই (দরবান)

· বি বি এফ ৱার্কিং গ্রূপগী মীফম  অমসুং ব্রিক্স সি আর এ স্তেন্দিং কম্মিতিগী মীফম- ১৯-২২ জুলাই (অর্জেন্তিনা)

· ব্রিক্স বিউজিনেল কাউন্সিলগী চহিগী মীফম- ২২-২৩ জুলাই (দরবান )

· ৩শুবা ব্রিক্স ফিল্ম ফেস্তিবেল ২০১৮- ২২-২৮ জুলাই (দরবান)

· ব্রিক্স সেরপাশিং  অমসুং শৌ সেরপাশিংগী ৪শুবা  মীফম– ২০-২৪ (জোহেননেসবার্গ)

· ব্রিক্স বিউজিনেস কাউন্সিল ইনর্জি ফোরম- ২৪ জুলাই (জোহেননেসবার্গ)

· ব্রিক্স বিউজিনেস ফোরম- ২৫ জুলাই( সেন্দতোন)

· ব্রিক্স আই সি এম চেয়ারমেনগী চহিগী মীফম- ২৫-২৬ জুলাই (কেপতাউন)

· ব্রিক্স ফাইনান্সিয়েল ফোরম- ২৫-২৬ জুলাই (কেপতাউন)

খা অফ্রিকানা ২০১৮ গী চেয়ারমেনসিপ  ওইবগী লেমহৌরিবা অতৈ থবকশিং

ব্রিক্স লুচিংবশিংগী ইনফোরমেল মিতিং (বুনোজ  আইরেস, অর্জেন্তিনা )

মিনিস্তরশিংগী মীফমশিং :
 

· ব্রিক্স স্পোর্টস কাউন্সিল ওফ মিনিস্তরশিংগী মীফম

· ব্রিক্সগী লেবর অমসুং  ইমপ্লোইমেন্ত মিনিস্তরশিংগী মীফম (দরবান)

· ৪শুবা ব্রিক্স কম্মুনিকেসন মিনিস্তরশিংগী মীফম (দরবান)

· ব্রিক্স ফোরেন এফেয়ার্স/ইন্তরনেসনেল রিলেসনস মিনিস্তরশিংগী মীফম (নিউ য়োর্ক,  য়ু এস এ )

· ব্রিক্স ফাইনান্স অমসুং সেন্ত্রেল বেঙ্ক গভর্নরশিংগী মীফম

· ব্রিক্স তুরিজম সেনিয়র ওফিসিয়েলশিংগী মীফম (গৌতেং )

সেনিয়র ওফিসিয়েল অমসুং সেক্তোরেল মিতিং :

· লেবর অমসুং ইমপ্লোইমেন্ত ৱার্কিং গ্রূপগী অনিশুবা মীফম(দরবান)

· ব্রিক্স তি বি রিছাস নেতৱার্ক  (দরবান)

· ৩শুবা ব্রিক্স মেদিয়া ফোরম

· আই সি তিদা মতেং পীননবা ৩শুবা ব্রিক্স ৱার্কিং গ্রূপ

· ব্রিক্স সাইন্স, তেক্নোলোজি  অমসুং ইন্নোবেসন ৱুমেন্স ফোরম (প্রেতোরিয়া )

· এগ্রি–বিউজিনেস রোদশো

· অফ্রিকা চাউখৎনবা শেল থাদনবা ব্রিক্স কনফরেন্স (নেলসন মন্দেলা য়ুনিভর্সিতি , পোর্ত ইলিজাবেত )

· ব্রিক্স লিগেল ফোরম (কেপ তাউন )

· ব্রিক্স কলচরেল সেনিয়র ওফিসিয়েলশিংগী মীফম

· ব্রিক্স কলচরেল ফেস্তিবেলশিং (তোঙান–তোঙানবা সহরশিংদা )

· ব্রিক্স ৱার্কিং গ্রূপশিংগী মীফম (চাংদম্নবা )

· কম্পিতিসন ওথোরিতিজশিংগী মকোকশিংগী মীফম (প্রেতোরিয়া )

· গভর্নান্স অমসুং রিফোর্মগী ৩শুবা ব্রিক্স এস ও ই ফোরম (দরবান)

· ৪শুবা ইন্দস্ত্রি দাইলোগ মীফম (দরবান)

· আই সি তিদা মতেং পীননবা সেনিয়র ওফিসিয়েলশিংগী ৩শুবা ৱার্কিং গ্রূপগী মীফম (দরবান)

· ব্রিক্স সেরপাশিং  অমসুং শৌ সেরপাশিংগী ৫শুবা  মীফম (নিউ য়োর্ক, য়ু এস এ )

· ২শুবা ব্রিক্স স্কিল কম্পেতিসন (জোহেননেসবার্গ)

· ব্রিক্স সি আর এ গভর্নর কাউন্সিল মীফম অমসুং ব্রিক্স বি এফ ৱার্কিং গ্রূপ মীফম (বালি,ইন্দোনেসিয়া )

· বাইওমেদিকেল অমসুং বাইওতেক্নোলোজিগী ২শুবা ব্রিক্স এস তি আই ৱার্কিং গ্রূপ মীফম (কেপ তাউন)

· ৩শুবা ব্রিক্স কলচর মিনিস্তরশিংগী মীফম ২০১৮ (দরবান)

· ব্রিক্স পোলিসি প্লান্নিং কন্সলতেসনগী ৪শুবা মীফম

· জিওস্পাসিয়েল সাইন্স অমসুং মসিগী শীজিন্নফমগী ব্রিক্স ৱার্কিং গ্রূপগী ৩শুবা মীফম (প্রেতোরিয়া )

· মহৌশানা থোকহনবা অমাং–অতা ঙাকথোক্নবা অমসুং য়েংশিন্নবা ব্রিক্স ৱার্কিং গ্রূপগী ৩শুবা মীফম (প্রেতোরিয়া )

· ব্রিক্স নেসনেল স্তেতিসতিকেল ওফিস মিতিং

· ব্রিক্স স্পেস এজেন্সি ফোরম (প্রেতোরিয়া )

· ব্রিক্স এষ্ট্রোনোমি কনফরেন্স (সুথরলেন্দ : এস এ এল তি –সাউথর্ন অফ্রিকান লার্জ তেলেস্কোপ )

· ব্রিক্স সেরপাশিং  অমসুং শৌ সেরপাশিংগী ৬শুবা  মীফম (অর্জেন্তিনা  )

· ব্রিক্স এস তি আই ব্রোকরেজ থৌরম

· ব্রিক্স সাইন্স একাদেমিস দাইলোগ (জোহেননেসবার্গ)

· ৩শুবা ব্রিক্স ৱাতর ফোরম (প্রেতোরিয়া )

· ব্রিক্স এস তি আই এদভাইজরি কাউন্সিল রাউন্দতেবল (প্রেতোরিয়া )

· ব্রিক্স এস তি আই তেক্নোলোজি ত্রান্সফর অমসুং এস এম এম ই ফোরম (প্রেতোরিয়া )

· ব্রিক্স সেরপাশিং  অমসুং শৌ সেরপাশিংগী ৭শুবা  মীফম

· অপুনবা মীশিংগা মরি লৈনবা থবকশিংগী ওফিসিয়েলশিং অমসুং অখঙ–অহৈশিংগী ব্রিক্স মীফম (পাইলেন্সবার্গ,রুসতেনবার্গ)

_________________________________________________