ভারতকী প্রধানমন্ত্রী

ইমাগী মিংখৈ শোল্লশি – উমিয়া ইমানা য়াইফরে

ইমাগী মিংখৈ শোল্লশি – উমিয়া ইমানা য়াইফরে

ইমাগী মিংখৈ শোল্লশি – উমিয়া ইমানা য়াইফরে

ঙসি শিবরাত্রিনি,

মহাদেবনা য়াইফরে।

মশিং য়াম্না লেংবীরক্লিবা ইমা উমিয়াবু নীংজরিবা পুম্নমক।

ঙসি উমিয়াগী লমদম অসিদা ঐখোয়না লাকচবা অসিদা ভারত ইমাগী মিংখৈ অহুমলক শোনমিন্নরশি মদুগী মতুং ঐহাক্কী ওইবা ৱাফম থমজগে।

থৌনা ফবা ভারতকীদমক

ভারত ইমানা – য়াইফরে

মায় পাক্লবা ভারতকীদমক

ভারত ইমানা – য়াইফরে

থৌনা ফরবা জৱানশিংগীদমক্তা

ভারত ইমানা – য়াইফরে

ঐহাক্না অহানবা মক্তদা ত্রস্তী পুম্নমকপু তৌবীমল খঙবা উৎচরি, পুম্নমকপু থাগৎপা ফোংদোকচরি, মখোয়না য়াম্না মরুওইবা থবক্কী থৌদাং লৌরি।

চহী লিশিং কয়াগী ঐখোয়গী পুৱারী লৈরি মদুদি লৈবাক অসি লৌশিং লৈবা লাইনীংবশিংনা, আচার্য়শিংনা, অহল লমনশিংনা, ওজাশিংনা, বিজ্ঞানিকশিংনা, লৌমীশিংনা- পুম্নমক অসিগী থৌদাংনা শেমখিবনি অমদি মখোয় পুম্নমক অসিগী দ্রাইভিং ফোর্সমক্না ঐখোয়গী লৈবাক অসিদা ঐখোয়গী ওইবা স্পিরিচুয়েল ত্রেদিসন লৈরি। স্পিরিচুয়েল হেরিতেজ লৈরি। হিন্দুস্তানগী কাচিন কোয়া খুদিংমক্তা মতম পুম্নমক্তা লৈবাক অসিগী কলচর, লৈবাক অসিগী ত্রেদিসনগীদমক থৱাই থাখিবা কয়া অমা লৈরি।

অমরোমদা ঐখোয়গী স্পিরিচুয়েলগী ওইবা সিস্তেম অমদি ত্রেদিসনশিং খুন্নাইগী ওইবা ৱাফমশিং খঙনা লেপ্লি অমদি মদুগী খুত্থাংদা খুন্নাইগী পুন্সি মহিংদা মতমগী মতুং ইন্না অহোংবসু লাক্লি। মতমগী মতুং ইন্না পোৎ খরদি শক্ন-শোন্নখিদে, কয়া অমদি শুপ্নতগী ধর্ম-কর্মগী তৌদবা অদু খক্তমক লৈহৌখি। ইচিল-ইনাওশিং কুম্ভগী মেলা, চহী অহুমগী মতুং কুম্ভ মচা অমদি চহী তরানিথোইগী মতুংদা অচৌবা কুম্ভ। তশেংবদি চহী অহুম-অহুম খুদিংদা হিন্দুস্তানগী কাচিন কোয়া খুদিংদগী লাইনীংবশিং, খঙ-হৈরবশিং ফমদুনা খুন্নাইগী খন্ন-নৈনরম্মি অমদি মতম লেপথোক্তুনা মদুগী মনুংদা করি-করম্বা থবকশিং তৌখিবগে হায়বদু পাথোক্নরম্মি অদুগা চহী তরানিথোই মতুংদা পুল্লপ পুন্দুনা অচৌবা কুম্ভ পাংথোকপা মতম অদুদা অদুগুম্লবা চহী তরানিথোই অদুদা খুন্নাইদা করম্বা অহোংবা পুরকপা মথৌ তারে, অরিবা পোৎলম কয়া লংথোক্কদবনো, অনৌবা পোৎলম কয়া লৌশিনবা য়াই, লাক্কদৌরিবা চহী তরানিথোই অসি করম্বা মায়কৈদা চৎকনি হায়বদু কুম্ভগী মেলা অসিগী খন্ন-নৈনবদা পুথোক্লম্মি।

হন্দক্কী ওইনা প্রয়াগরাজদা কুম্ভ মেলা পাংথোকখি, মমাংদা পাংথোকখিবা কুম্ভ মেলাশিংদদি মালেমগী পাওচেশিংনা নাগা বাবাশিংগী মরমদা পাওদম্বা খক্তদা মখোয়গী ৱারোল লোইশিল্লম্মি, থৌরম পাংথোকফমগী খন্ন-নৈনবদা মপুং ফারম্মি, মালেমগী পাও-চে কয়াদা হন্দক্কী কুম্ভ মেলাগী মতাংদা খন্ন-নৈনখি, অমদি লু-নানবগী হিরমদা নৈনখি। মালেম পুম্বগী পুক্নীং চিংশিনখিবা কুম্ভ মেলাগী লু-নানবগী ইন্সপিরেসন অসি স্পিরিচুয়েলগী ওইবা পুক্নীংগী ৱা খঙনবা পাঙ্গল অদুদগী থোকলকই। চহী চামগী মমাংদা মহাত্মা গান্ধী হরিদ্বারগী কুম্ভদা চৎখি অমদি মফম অদুদা চৎলুরবা মতুং মহাক্না ঐখোয়গী কুম্ভগী মেলা অসি লু-নানবা মেলা অমা ওইহনবা করিগী য়ারোইদ্রিবনো হংখি। চহী চামগী মতুংদা থবক অসি মপুং ফানা পাংথোক্নবগী তঞ্জা অদু ঐখোয়না ফংজরে।

হৌজিক্তি লৈবাক অসি তপ্না চৎপা য়াদ্রে, মাং-তাক্লদুনা চৎপা য়াদ্রে, লোইশিনবা নাইদনা চৎপা য়াদ্রে, থবক মচা-মচা পাংথোক্তুনা মপুং ফানা পাংথোকপা ঙম্লোই, পাংথোক্কদবা পুম্নমক চাউনা পাংথোকপা তাবনি। পাংথোক্কদ্রা নত্ত্রগা পাংথোক্লোইদ্রা? পাংথোক্লব্রা নত্ত্রগা পাংথোক্ত্রিবা? করিগুম্বা অসিগুম্লবা মতিঙ লৈরমদ্রগদি সর্দার পতেলগী অসিগুম্লবা মালেমগী খ্বাইদগী ৱাংবা মীতম অসি শারম্লোই। ইচিল-ইনাওশিং করিগুম্বা অচৌবা অমা শাবা তারবদি হিন্দুস্তান খক্তদা চাউবা করিগী শারুগনি, মালেমদা খ্বাইদগী চাউবা করিগী তৌরোইদৌরিবনো? মীওই খরদি নুংঙাইতবা ফাওরি।

ইচিল-ইনাওশিং, হিন্দুস্তানদা বুলেৎ ত্রেন করিগী লৈবা য়ারোইদ্রিবনো? মালেমগী খ্বাইদগী ফবা পোৎশিং করিগীদমক ভারত্তা লৈবা য়াদ্রিবনো? অদুগা থৌনা ফরবা জৱানশিংনা করিগীদমক থৌনা মচা মশু উৎলুগনি? অচৌবা তৌগদবনি, অচেৎপা তৌগদবনি অমদি মফম চানা তৌগদবনি। ভারতকী মতিংদা অহোংবা লাক্লে। ভারতকী মীচম প্রজাগী পুক্নীংদা অহোংবা লাক্লে, মদুনা মরম ওইরগা লৈবাক অসিনা ঙসিদি ৱারেপ লৌবসু ঙম্লে এচিবমেন্তসু তৌবা ঙম্লে।

ঙসি ইমা উমিয়াগী খুয়াখাদা লাকচবা অসিদা ছগনবাপাবু নীংশিংদ্রগদি ঐখোয় ৱাখল য়াওদবা তারগনি। মফম অসিদা তিনবীরিবা মীপুম খুদিংমক ছগনবাপাগী মীয়েংখাদা লৈরম্মি, মসি য়াফম থোকপনি। ইচানুপীশিংবু মহৈ তমহনবগী থৌদাং লৌরম্মি। খুন্নাই অসিবু মাংলোমদা পুখৎপা তারগদি করম্বা লম্বীদা চৎকনি হায়বদু মহাক্না খঙবীরম্মি। অমদি মহাক্না এজুকেসনগী লম্বী খনখি মদুনা ঙসিদি পতীদার খুন্নাই অসি কদাইদগী কদাই য়ৌখ্রবগে য়েংবীয়ু।

অদুবু ঙসিদি ছগনবাপা অমনা য়াররোই, হৌজিক্তি খুন্নাই অসিবু অনৌবা পাঙ্গল-থৌনা পীবা ঙম্বা, অনৌবা পুক্নীংগী ৱা খঙনবা পাঙ্গল পীবা ঙম্বা অমদি অনৌবা লম্বীদা চৎনবা থৌনা পীবা ঙম্বা ছগনবাপা চা কয়া মথৌ তারে। ইমা উমিয়াগী ধাম অসিদা অসিগুম্লবা সিস্তেম দিবেলপ তৌরক্কনি হায়বা ঐহাক্না থাজবা থম্লি।

ইচিল-ইনাওশিং সি.কে.গুম্বা নহা কয়াগী কাংলুপ্না থবকশিং পায়খৎলি। সি.কে.বু ঐহাক চহী কুনথ্রাদগী খঙজরক্লে, চহী কুনথ্রাবু হেল্লমলগনি, মতম পুম্নমক্তা নোক্তুনা লৈবা, মতম পুম্নমক্তা চেন-চোংদুনা লৈবা মীওই অদুগা পুকচেল শেংনা থবক তৌবা মীওই, ঐহাক মহাকপু য়াম্না নক্না খঙজৈ মরম অদুনা ঐহাক্না থাজবা থম্লি মদুদি তীম অসিনা থবক অসি লেপখিবা মতমদগী ঙনখৎনা লোইশিনগনি অমদি হেন্না ফজনা পাংথোক্কনি।

অদুবু ঐখোয় পুম্নমক মাংলোমদা চংশিল্লবা অদুগা অরানবা লম্বীদা চৎলগদি, ইচিল-ইনাওশা মাংলোমদা চংশিল্লি হায়খিগদ্রা? অমা উমিয়াবু ইরাৎ থৌনি তৌজরবা অদুগা মমাগী পুক্নুংদা ইচানুপীশিংবু হাৎলগদি ইমানা ঙাকপীখিগদ্রা? তুমিন্না লৈবীরিবা করিগীনো? য়েংবীয়ু ঐহাক অদোম ময়ামগী মরক্তা চাউরকপনি মরম অদুনা অদোমগী মফমদা হায়জনবা হক অদু ঐহাক্কী লৈজরি। প্রধান মন্ত্রীনি, ওইরে হায়দুনা হায়জবা নৎচদে, অদোম ময়ামগী মরক্তা চাউজরকপনি অদুগা অহানবদা ঐহাক্না উনঝাগী মীয়ামগী মথক্তা য়াম্না পেল্লমদে। ঐহাক্না উনঝাগী মীয়ামদা চৈখিবা অদুম্না কনাদসু চৈখিদ্রি। মরমদি? গুজরাত পুম্বদা নুপামচাশিংগা য়েংনবদা নুপীমচাশিংগী মশিং খ্বাইদগী য়ামদবা অদু উনঝা তহসীলদা ওইরম্মি, ইমা উমিয়ানা মশেক মঙাল থোক্না লৈরিবা লমদমদা মচানুপীশিংবু হাৎলম্মি।

ইমা উমিয়াগী থৌজাল লৌরদুনা ঙসি অদোমদগী করিগুম্বা খরা নিজনীংই, নিজবা য়াগদ্রা? পীবিগদ্রা? ইমা উমিয়ানা সাখি ওইদুনা পীবিগদবনি, পীবিগদ্রা? অদুম্না নত্তে, খুৎ অনিমক মথক্তা থাংগৎতুনা পাওখুম পীবিয়ু, পীবিগদ্রা? ময়াম পুম্নমক্না য়াবীরবা নত্ত্রা? ঙসি ইমা উমিয়াগী খুয়াখাদা ফম্লি, খুৎ অনিমক মথক্তা থাংগৎতুনা ইমা উমিয়াবু খুরুমজদুনা হায়বীয়ু, হৌজিক্তগী ঐখোয়গী খুন্নাইদা ময়াম হায়বীয়ু, “হৌজিক্তগী ঐখোয়গী খুন্নাইদা শোইবদগী ওইরবসু ইচানুপীশিংবু হাৎপগী পাপ অদু ঐহাক তৌররোই, পুক্নুংদা অঙাং মাংহনবগী পাপ অদু ঐহাক তৌররোই। ঐখোয়গী খুন্নাইদা পোকপা দোক্তরসু শেল তান্নবগীদমক্তা অসিগুম্লবা অরানবা লম্বীদা খোংদাররোই অমদি ঐখোয়না ঐখোয়গী শক্তি শিজিন্নদুনা অতোপ্পা খুন্নাইগী মীওইশিংবুসু ইচানুপা অমদি ইচানুপী অমত্তনি হায়বদু খঙহনগনি।” ঙসি অদোম্না য়েংবীয়ু, শান্ন-খোৎনবদা য়েংবীয়ু, খ্বাইদগী য়াম্বা সনাগী তকমান নুপীমচাশিংনা পুরক্লি, ক্লাস তেনগী রিজল্ত য়েংবীয়ু, খ্বাইদগী য়াম্বা রিজল্ত নুপীমচাশিংনা পুরক্লি, ক্লাস তরানিথোই শুবগী রিজল্ত য়েংবীয়ু, খ্বাইদগী য়াম্বা রিজল্ত নুপীমচাশিংনা পুরক্লি অদুগী মীওই খরদি মচানুপা ওইরগদি অহল ওইরক্লবা মতমদা মতেং ওইগনি হায়না অরানবা ৱাখল্লোন্দা লৈরি, অসিগুম্লবা অরানবা ৱাখল্লোন অসিদগী থোকপীরক্লো, মচানুপা মরি লৈবা, য়ুম মরি লৈবা অদুগা মপা অদুনা ওল্দ এজ হোমদা লৈবা য়াওরি।

ইমা উমিয়াগী থৌজাল লৌরদুনা খুন্নাইদা অওনবা পুরকপা অমদি অনিশুবদা ঐহাক্কী পুক্নীংদা অৱাবা অমা লৈরি মদুদি লাইবক থিবদগী ঐখোয়গী অনৌবা চারোল-শুরোল অসি নিশাদা লাইচুবা হেঙ্গৎলক্লি, ঐখোয়গী অনৌবা চারোল-শুরোল অসি ঐখোয়না কনবা তাই। অসিগুম্লবা অরানবা লম্বী অসিদা ঐখোয়গী অঙাংশিংনা চৎখিদনবা ঐখোয়না হোৎনবা তাই, পৈশাদি লাক্কনি অদুবু পৈশাগা লোয়ননা অসিগুম্বা মখলগী পোৎলমশিং য়ুমদা চংলক্তনবা হোৎনবা অদুসু ইমা উমিয়াগী মচা পুম্নমক্কী থৌদাংনি।

ঐহাক্না ৱাফম অসি হায়রিবগী মরমদি ইমুং খুদিংদা অঙাংশিংবু মসিদগী কনবা অসি অৱাবা ওইরক্লি, মরম অদুনা উমিয়া ধাম অসি খুন্নাইগী এজুকেসনগী সেন্তর ওইরসনু, খুন্নাইগী ধর্ম-কর্মগী সেন্তর ওইরসনু, খুন্নাইগী ওইবা অওনবা পুরক্নবা সেন্তর ওইরসনু অসিগুম্লবা য়াইফ পাওজেল কয়াগা লোয়ননা ত্রস্তী পুম্নমকপু ঐহাক্না হন্না-হন্না য়াইফ পাওজেল পীজরি অদুদা ঐহাক ২০১৯গী মতুংদসু ভারত সরকারদা অদুমক লৈখিগনি, মরম অদুনা অৱাবা ৱাখল খনবীরুনু।

মসিদা ভারত সরকারগী থৌদাং লৈরগসু দিল্লীদা লৈরিবা য়ুম অদু অদোমগীনি। হন্না-হন্না থাগৎচরি।

অমুক হন্না হায়মিন্নরসি-

ইমাগী মিংখৈ শোল্লশি – উমিয়া ইমানা য়াইফরে

ইমাগী মিংখৈ শোল্লশি – উমিয়া ইমানা য়াইফরে

ইমাগী মিংখৈ শোল্লশি – উমিয়া ইমানা য়াইফরে

ভারত ইমানা – য়াইফরে।

*****