ভারতকী প্রধানমন্ত্রী

কেবিনেত কম্মিতি ওন ইকোনোমিক এফেয়ার্সনা ২০২৫ গী য়ুবী অকংবগী মিনিমম সপোর্ত প্রাইজ (এম এস পি) গী অয়াবা পীরে। লৌমীশিংনা চুনবা মমল য়োনবা ঙম্নবা, হান্না য়ানরবা মহৈ-মরোং খুদিংমক্কী এম.এস.পি অসি ভারত পুম্নমক্কী চাংচত্ত পোৎথোক পুথোকপদা চঙবা শেনফমগী য়ামদ্রবদা শরুক ১.৫ ওইনবা সরকারনা ২০১৮-১৯ দা কেন্দ্রগী বজেত্ত লাউথোকখ্রে। মসিগী মতুংইন্না,  ২০২৫ গী ওইনা অফবা মখলগী মিলদা চপখায়রবা য়ুবী অকংবগী মমল কুইন্তল অমদা লুপা ১১৫৮২ অমসুং য়ুবী অকংবা মপুম্না কুইন্তল অমদা লুপা ১২১০০ দা লেপ্লে।

২০১৪ দা মিলদা চপখায়রবা য়ুবী অকংবগী মমল কুইন্তল অমদা লুপা ৫২৫০ অমসুং য়ুবী অকংবা মপুম্না কুইন্তল অমদা লুপা ৫৫০ দা ওইরম্বদগী সরকারনা এম.এস.পি অসি ২০২৫ দা মিলদা চপখায়রবা য়ুবী অকংবগী মমল কুইন্তল অমদা লুপা ১১৫৮২ অমসুং য়ুবী অকংবা মপুম্না কুইন্তল অমদা লুপা ১২১০০ দা হেনগৎখিবনি, মসি মথংশীৎনা চাদা ১২১ অমসুং ১২০ হেনগৎলবনি।

এম.এস.পি হেনগৎলকপা অসিনা য়ুবী থাবা লৌমীশিংদা শেন্দোং হেন্না ফংহনবগী মথক্ত লৈবাক মনুং অমসুং মালেমগী ওইনা য়ুবীগী পোৎথোকশিং দরকার ওইবা হেনগৎলক্লিবা অসি পীবা ঙম্নবা য়ুবী অকংবা পুথোকপা হেনগৎনবা লৌমীশিংদা মতেং পাংলে।

প্রাইজ সপোর্ত স্কিম (পি এস এস) গী মখাদা য়ুবী অকংবা অমসুং মকু খোক্লবা য়ুবী লৈনবা সেন্ত্রেল নোদেল এজেন্সিশিং (সি এন এ) ওইনা নেসনেল এগ্রিকলচরেল কোওপরেতিপ মার্কেতিং ফেদেরেসন ওফ ইন্দিয়া লিমিতেদ (নাফেদ) অমসুং নেসনেল কোওপরেতিপ কঞ্জুমর্স ফেদেরেসন (এন সি সি এফ)না মখা তানা থবক তৌগনি।

****