ভারতকী প্রধানমন্ত্রী
ইকায়খুম্নরবা, প্রধান মন্ত্রী অমসুং ঐগী মরুপ অনৱার ইব্রাহিমজি,
ইকায়খুম্নরবশিং,
শক্নাইরবশিং,
খুরুমজরি
ঐখোয়গী অসিয়ানগী ইমুং-মনুং অমুক হন্না উনবগী খুদোংচাবা ফংবদা ঐ হরাওই।
মহাক্না মাইপাক্না অসিয়ানগী চিয়ার্মেন ওইবদা ঐনা থম্মোয় শেংনা প্রধান মন্ত্রী অনৱারি ইব্রাহিম থাগৎপা ফোঙদোকচরি। ভারতকী কন্ত্রি কোওর্দিনেতর ওইনা মহাক্না থবক ফজনা পাংথোকপগীদমক ঐনা ফিলিপিন্সকী রাষ্ট্রপতি মার্কোস থাগৎপা ফোঙদোকচরি। অসিয়ানগী অনৌবা মেম্বর অমা ওইনা তিমোর-লিষ্ট ঐনা তরাম্না ওকচরি।
ভারতমচা পুম্নমক্কী মহুৎশীন্দুনা, থাইলেন্দগী ক্বুইন মাদর লৈখিদবদা নিংথৌগী ইমুং-মনুং অমসুং থাইলেন্দগী মীয়ামগী অৱাবদা ঐনা শরুক য়াজরি।
মরুপশিং,
অপুনবা ওইনা, ভারত অমসুং অসিয়ানদা মালেমগী অপুনবা মীশিংগী শরুক মরি থোকপগী শরুক অমা লৈরি। ঐখোয় লম্মিৎ-তুমিৎকী ওইনা শরুক য়ামিন্নবা খক নত্তনা, পুৱারি অমসুং গুনশিংগী অচেৎপা মরীশিংসু লৈনরি।
ঐখোয় গ্লোবেল সাউথকী খোঙলোয়শিংনি। ঐখোয় ললোন-ইতিক্কী মরুপশিং খক নত্তনা, নাৎ অমসুং চৎনবীশিংগীসু মরুপনি। ভারতকী এক্ত ইষ্ট পোলিসিদা অসিয়ান মরুওইবা য়ুম্বী অমনি। অসিয়ান্না ময়াইদা লৈবা অমসুং ইন্দো-পেসিফিক্ত অসিয়ানগী মীৎয়েং ভারতনা মতম পুম্নমক্ত শৌগৎলি।
হৌজিক্কী তম্বা ঙমদবা ফিবমশিং অসিদা ফাওবা, ইন্দিয়া- অসিয়ান কমপ্রেহেন্সিপ ষ্ট্রাতেজিক পার্তনরশিপ লেপ্না চাউখৎলক্লি। ঐখোয়গী অচেৎপা মরী অসি মালেমগী তুংদু-লৈতাবা অমসুং চাউখৎপা পুরক্নবা অকনবা য়ুম্ফম অমা ওইরক্লে।
মরুপশিং,
চহি অসিগী অসিয়ান সম্মিৎকী থিমদি “ইনক্লুসিবিতি অমসুং ষ্টেনেবিলিতি” হায়বনি। থিম অসি ঐখোয়গী থবকশিংনা খুদম ওইরে,মসি দিজিতেলগী থবকশিং নত্ত্রগা চীঞ্জাক ফংহনবা ওইবা য়াই অমসুং হৌজিক মালেমগী খুদোংচাদবশিং মরক্ত লৈরিবা সপ্লাই চেনশিং ওইবা য়াই। মরুওইবা থবকশিং অসি ভারতনা মপুংফানা শৌগৎলি অমসুং মাইকৈ অসিদা পুন্না চঙশিন্নবা থবক পায়খৎলে।
মরুপশিং,
ভারতনা অসিয়ানগী মরুপশিংগা অৱাবা তারকপা মতম খুদিংমক্ত লেপ্লি। ঐচ.এ.দি.আর, মেরিতাইম সেকুরিতি অমসুং ব্লু ইকোনোমিদা ঐখোয় মতেং পাংনবা য়াংনা চাউখৎলক্লি। হিরম অসিদা, ঐখোয়না ২০২৬ অসি “অসিয়ান-ইন্দিয়া ইয়র ওফ মেরিতাইম কোওপরেসন” হায়না লাউথোক্লে।
ঐখোয়না লাইরিক-লাইশু, তুরিজম, সাইন্স অমসুং তেক্নোলোজি, হকশেল, গ্রিন ইনর্জি অমসুং সাইবর সেকুরিতিদা অমগা অমগা মতেং পাংনরি। ঐখোয়গী অপুনবা নাৎ ঙাক-শেন্নবা অমসুং মীগা মীগা লৈনবা মরীশিং ফগৎনবা ঐখোয় মখা তানা পুন্না থবক তৌমিন্নগনি।
মরুপশিং,
২১শুবা চহিচা অসি ঐখোয়গী চহিচানি, ভারত অমসুং অসিয়ানগী চহিচানি। অসিয়ান কম্মুনিতি ভিজন ২০৪৫ অমসুং বিকসিত ভারত ২০৪৭ গী পান্দমনা মীওইবা খুন্নাইগী অফবা তুংলমচৎ অমা শেমগনি। মাইকৈ অসিদা অদোমগা লোয়ননা ভারতনা নকশিন্ননা থবক তৌমিন্ননবা থাজবা পীরে।
অদোম থাগৎচরি।
***
My remarks during the ASEAN-India Summit, which is being held in Malaysia. https://t.co/87TT0RKY8x
— Narendra Modi (@narendramodi) October 26, 2025
भारत और आसियान मिलकर विश्व की लगभग एक चौथाई जनसंख्या को represent करते है।
— PMO India (@PMOIndia) October 26, 2025
हम सिर्फ geography ही share नहीं करते, हम गहरे ऐतिहासिक संबंधों और साझे मूल्यों की डोर से भी जुड़े हुए हैं।
हम Global South के सहयात्री हैं: PM @narendramodi
अनिश्चितताओं के इस दौर में भी, भारत–आसियान Comprehensive Strategic Partnership में सतत प्रगति हुई है।
— PMO India (@PMOIndia) October 26, 2025
और हमारी ये मजबूत साझेदारी वैश्विक स्थिरता और विकास का सशक्त आधार बनकर उभर रही है: PM @narendramodi
भारत हर आपदा में अपने आसियान मित्रों के साथ मज़बूती से खड़ा रहा है।
— PMO India (@PMOIndia) October 26, 2025
HADR, समुद्री सुरक्षा और blue economy में हमारा सहयोग तेज़ी से बढ़ रहा है।
इसको देखते हुए, हम 2026 को “आसियान-इंडिया year of maritime cooperation” घोषित कर रहे हैं: PM @narendramodi
21वीं सदी हमारी सदी है, भारत और आसीयान की सदी है: PM @narendramodi
— PMO India (@PMOIndia) October 26, 2025
