ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি চহী ২০২০গী অহানবা প্রগতি মীফমদা সভাপতি ওইখ্রে। মসিনা প্রগতিগী থোংদা আই.সি.তি.-বেজ, প্রো-এক্তিব গোবর্নান্সকীদমক মল্তি-মোদেল প্লেতফোর্ম অমসুং মতম চানা ইমপ্লিমেন্ত তৌবগী প্রধান মন্ত্রীগী কুনথ্রানিথোইশুবা শরুক য়াবনি।

ঙসিগী প্রগতিগী মীফমদা প্রধান মন্ত্রীনা অপুনবা হিরম তরামাথোইদা খন্ন-নৈনখি, মদুগী মনুংদা মাপলদি মতম চোন্থরবা প্রোজেক্তশিংনি। লুপা কোতি ২৪,০০০ হেনববা প্রোজেক্ত মাপল অসি রাজ্য মাপলদা শন্দোক্তুনা লৈরি। রাজ্যশিং অদুদি ওরিশা, তেলঙ্গনা, মহারাস্ত্র, ঝার্খন্দ, বিহার, কর্নাতকা, অন্ধ্র প্রদেশ, কেরলা অমসুং উত্তর প্রদেশনি। মসিদা রেলৱে মন্ত্রালয়দগী অহুম, রোদ ত্রান্সপোর্ত অমসুং হাইৱেজ মন্ত্রালয়দগী মঙা অমসুং পেত্রোলিয়ম অমসুং নেচরেল গ্যাস মন্ত্রালয়গী অমা য়াওরি।

ইন্সুরেন্স স্কিমশিংগী মখাদা প্রোগ্রেস – পি.এম.জে.জে.বি.ৱাই. অমসুং পি.এম.এস.বি.ৱাই. স্কিমশিং নৌহৌনা য়েংশিনবা
মীফম অসিদা প্রধান মন্ত্রীনা দিপার্তমেন্ত ওফ ফাইনান্সিয়েল সর্বিসেসকী মখাদা ইন্সুরেন্স স্কিমশিং প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.) অমসুং প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.)গা মরী লৈনবা ৱাকৎশিংগা মরী লৈননা পাংথোক্লিবশিং নৌহৌনা য়েংশিনখি।

প্রধান মন্ত্রীনা ই-গবর্নান্সকী থোংদা ইফেক্তিব ওইবা পুলিস সিস্তেমগীদমক কমপ্রেহেন্সিব অমসুং ইন্তেগ্রেতেদ সিস্তেম অমা ওইরিবা ক্রাইম এন্দ ক্রিমিনেল ত্রেক্কিং নেতৱার্ক এন্দ সিস্তেম (সি.সি.তি.এন.এস.) প্রোজেক্তকী মখাদা খুমাং চাওশিল্লিবা অদুসু য়েংশিনখি।

মমাংগী কুনথ্রামাথোইশুবা প্রগতি মীফমদা, প্রধান মন্ত্রীনা অপুনবা শেনফম লুপা কোতি লাখ ১২.৩০গী প্রোজেক্ত ২৬৯ নৌহৌনা য়েংশিনখি। প্রধান মন্ত্রীনা তোঙান তোঙানবা সেক্তর ১৭কী সরকারগী প্রোগ্রাম অমসুং স্কিম ৪৭কা মরী লৈনবা ৱাকৎশিংগী রিজোলুসন্সু নৌহৌনা য়েংশিনখি।