ভারতকী প্রধানমন্ত্রী

ঙসি ৱার্ল্দ বেঙ্কগী প্রসিদেন্ত জিম য়ুং কিমনা তৌরকপা তেলিফোন কোল অমা প্রধান মন্ত্রী নরেন্দ্র মোদীনা ওকখি।

ৱারী ওইবা মওংদা ভারতনা ললোন-ইতিক তৌবদা নুংঙাইবগী রেঙ্কিংদা হাইগৎলকপদা কিমনা প্রধান মন্ত্রী থাগৎখি। মহাক্না হায়খি, তেল্লবা চহি মরিগী মতমদা মীওই বিলিয়ন ১.২৫ হেন্না লৈবা লৈবাক অসিনা ৬৫সুবা রেঙ্কতা হাইগৎলকপা অসি শিংথানিংঙাই ওইবা অমনি।

কিমনা হায়খি, মসি প্রধান মন্ত্রী মোদীগী লুচিংবা অমসুং অচৌবা অওনবা কয়া পায়খৎপদগী ওইথোকপনি। মসি পুৱারী ওইরবা অমসুং মমাংদা অমুক্তা ওইখিদ্রিবা মাইপাকপনি।

হন্দক প্রধান মন্ত্রীনা য়ু এন ই পি চেম্পিয়ন ওফ আর্থ এৱার্দ অমসুং সিওল পিছ প্রাইজ ফংলকপা অসি কিমনা নিংশিংখি অমসুং মদুগীদমক প্রধান মন্ত্রী থাগৎখি।

ললোন-ইতিক তৌবদা নুংঙাইনবা ভারতনা পায়খৎলিবা থবকশিং ৱার্ল্দ বেঙ্কনা লেপ্তনা অমসুং মখা তানা শৌগৎকনি হায়না কিমনা থাজবা পীখি।

ললোন-ইতিক তৌবদা নুংঙাইনবা ভারতনা পায়খৎলিবা থবকশিং বেঙ্ক অসিনা লমজিংবা অমসুং শৌগৎপগীদমক প্রধান মন্ত্রীনা ৱার্ল্দ বেঙ্কগী প্রসিদেন্ত থাগৎখি। মহাক্না হায়খি, ৱার্ল্দ বেঙ্কগী রেঙ্কিং অসি ভারত্তা থৌনা হাপ্পনি, মসিনা ললোন-ইতিক তৌবদা নুংঙাইনবা থবক পায়খৎপদা হেন্না মতেং ওইরগনি।