ভারতকী প্রধানমন্ত্রী
এক্সেলেন্সীশিং,
ঐহাক্কী মরুপ প্রসিদেন্ত মেক্রোন্না মরুওইবা হিরম অসি ঐখোয়গী খন্ন-নৈনবশিংগী মনুংদা হাপচিনবীরকপগীদমক থাগৎপা ফোঙদোকচরি। আর্তিফিসিএল ইন্তেলিজেন্স (AI) অসি মীওইবা খুন্নাইনা পুথোকপা খ্বায়দগী অহোংবা পুরকপা ঙম্বা তেক্নোলোজীশিংগী মনুংদা অমা ওইরি হায়বদা করিসু চিংনবা লৈতে।
ঙসিদি, আর্তিফিসিএল ইন্তেলিজেন্স (AI) না কোনশিন্দবা মীওইবগী পুন্সিগী হিরম অমত্তা লৈত্রে। AI অসি হান্না অমুক্তা ওইখিদ্রিবা মওংদা সাইন্তিফিক ওইবা থিজিনবগী থবকশিং খোঙজেল য়াঙ্খৎহল্লি। মসিনা হেল্থকেয়র, এজুকেসন অমসুং মেনুফেকচরিংগুম্বা সেক্তরশিংবু শক্তি লৈহনবগা লোয়ননা লৈঙাক্কী থবকশিংবু হেন্না মতিং লৈহনবা অমসুং থবক থুনা পায়খৎহনবা ঙমহল্লে।
অদুবু, AI গী অশেংবা পাদম অসি ঐখোয়গী মেছিনশিং অসি কয়া য়াম্না মপাঙ্গল লৈহনবগে হায়বসি নত্তে। অশেংবা পাদমদি মসিনা মীচম মীয়াম্বু করম্না শক্তি লৈহনবগে হায়বসিনা ওইরি। থাজবা অসিগা লোয়ননা, ভারতনা চহি অসিদা পাঙথোকখিবা AI ইম্পেক্ত সমিত্তা মীওইবা খুন্নাইবু মাঙদা থমদুনা AI চাওখৎহন্নবা মরুওইবা ৱাফমশিং থমখি। সমিৎ অদুদা, ভারতনা AI গী লমদা ভারতকী খোঙথাং পুম্নমক্তা লম্বী তাক্লিবা MANAV ভিজন অসি মীয়ামগী মফমদা পুথোকখি।
হৌখিবা মতম খরসিদা, হিজ হোলিনেস পোপনা AI গী মফমদা পীখিবা মহাক্কী ৱারোলদা মীওইবগী মমল, পুম্নমক কোনশিনবা অমসুং মশক থোকপা মীওইবগী কন্ত্রোল অসি AI শেমগৎপগী য়ুম্ফম ওইগদবনি হায়না ফোঙদোকখি। ভারতকী MANAV ভিজন অমসুং হিজ হোলিনেসকী ৱারোল অনিমক অসিনা তেক্নোলোজী অসি ফনা য়াম্না চাওখৎলক্লবসু, মীওইববু মসিগী ময়াইয়দা থমগদবনি হায়বা মান্নবা মরুওইবা থাজবা অসি ফোঙদোক্লি।
মরূপশিং,
AI বু অঙাংশিংদা শীজিন্নহনবদা অকনবা চেকশিন-থৌরাং থম্বা অসি য়াম্না মরুওই। AI না অঙাংশিংগী মমা লোনদা এজুকেসন পীবা ঙমগনি, মখোয়গী ক্রিয়েতিভিতী হেনগৎহনবা ঙমগনি অমসুং তম্বগী থবক অসি ইশাগী মওংদা হেন্না চাননা শেমগৎপা ঙমগনি। অদুম ওইনমক, মতিক চাবা ঙাকথোক্নবা পাম্বৈশিং লৈত্রবদি, মসিগী তেক্নোলোজী অসিনা মখোয়বু মথোং মরম খঙদবা পাউ শন্দোকপা, দীপফেক অমসুং লান্না শিজিন্নবনা খুদোংথিবশিং মায়োকনহনবা য়াই।
ফীভম অনি অসিগী মরক্তা লৈরিবা খেন্নবা অসি তেক্নোলোজী অদুদা লৈতে। মসি মসিবু শিজিন্নবদা লম্বী তাক্লিবা ৱাখল্লোনশিং, দিজাইন খনবগী পাম্বৈশিং অমসুং শীছজিন্নহনবগী কাঙলোনশিং অদুদা লৈ। দিজিতেল স্পেস অসি অঙাংশিংগীদমক তমশিনবা অমসুং চাউখৎপগী ফম্পাক অমা ওইহনগদবনি, মখোয়বু মথোং মরম খঙদনা শিজিন্নবগী খুৎলায় অমা ওইহল্লোইদবনি হায়বা ঐখোয়না লেপকদবনি।
মরূপশিং,
সাইবরসেক্যুরিতীগী লমদা ফ্রন্তিয়র AI মোদেলশিংনা হান্না অমুক্তা ওইখিদ্রিবা খুদোংচাবশিং শেমগৎলি। অদুম ওইনমক, লৈবাক পুম্নমক সাইবরস্পেস্তা সেক্যুর ওইদ্রিবা ফাওবা লৈবাক অমত্তনা অশেংবা মওংদা সেক্যুর ওইবা ঙমলোই। মরম অদুননি, ভারতনা সাইবরস্পেসপু গ্লোবেল পব্লিক গুদ অমনি হায়না মতম পুম্নমক্তা লৌদুনা লাক্লিবসি। মরম অদুনা, মরুওইবা AI তেক্নোলোজীশিং অসি ফংহনবা অসি পাক-চাউবা অমসুং পুম্নমক কোনশিনমিন্নবা ওইগদবনি। দেমোক্রেতিক ওইবা লৈবাকশিংনা মখোয়গী ক্রিতিকেল ইনফোর্মেসন ইনফ্রাস্ত্রকচরশিংবু ঙাকথোকপা অমসুং হেনগৎলক্লিবা সাইবর খুদোংথিবশিং অসি মতিং লৈনা মায়োকনবা ঙম্নবগীদমক অসিগুম্বা AI মোদেলশিং অসি ফংহনগদবনি।
মরূপশিং,
সেফতী, স্পীদ অমসুং ইফিসিয়েন্সীগী মরক্তা খল চানহন্দুনা ইন্তিগ্রেতেদ ওইবা মওং অমদা মাঙলোযদা চংশিন্নবগীদমক, অয়েৎ-অপন লৈতনা থবক পায়খৎনবা ঐহাক্না সজেসনখরা পীজনীংই:
অহানবদা, ঐখোয়না ‘সেফ-বাই-দিজাইন’ ওইবা AI সিস্তেমশিংবু য়োকখৎকদবনি। সেফতী অসিবু থবক লোইশিল্লকপদা খন্থরকপা নত্ত্রগা অহেনবা ফীচর অমা ওইনা লৌরোইদবনি; মসি হৌরকপদগী লাক্লগা AI দিজাইনগী মরু ওইবা মচাক অমা ওইহনগদবনি।
অনিশুবদা, ইন্নোভেসন অমসুং গভর্নেন্স অনি অসি লোয়ননা মাঙলোমদা চংশিনমিন্নবা ঙম্নবগীদমক, ঐখোয়না AI শিজিন্নবগী কমন স্তেন্দর্দশিং, তেস্তিং ফ্রেমৱর্কশিং অমসুং রেগুলেতরী সেন্দবোক্সশিং শেমগৎকদবনি। সিভিল এভিয়েসন অমসুং মেরিতাইম ত্রান্সপোর্ত অসি মালেমনা পুন্না মায় পাক্না কমন ওইবা গ্লোবেল রুলশিং শেমদুনা লৈবাক পুম্নমক্তা কান্নবা পীবগী অফবা খুদমশিংনি। ঐখোয়না AI বু থৌদাং খঙনা শেমগৎপা অমসুং শিজিন্নবগীদমক অসিগুম্বা মান্নবা পারাশিং তমশিনবা য়াই।
অহুমশুবদা, ঐখোয়না দীপফেক্স, মিসইনফোর্মেসন অমসুং সাইবর ফ্রোদ তৌবগী মায়োক্তা মালেমগী ওইনা খুৎশম্নদুনা মপাঙ্গল কনখৎহনগদবনি। ঐখোয়না AI না পুথোকপা পোৎলমশিং মশক খঙদোক্নবা অমসুং দীপফেক্সনা থোকহনবা অকিবা ফীভমশিং হন্থহন্নবা দিজিতেল ৱাতরমার্কিং অমসুং কন্তেন্ত অথেন্তিকেসন খুৎলায়শিংগুম্বা তেক্নোলোজীশিং শিজিন্নবা হেনগৎহনগদবনি।
মরীশুবদা, ঐখোয়না AI গী কান্নবশিং অসি গ্লোবেল সাউথকী লৈবাক পুম্নমক্তা ফংহন্নবা শোয়দনা হোৎনগদবনি। AI অসি হৌজিক লৈরিবা খাইদোকপশিং অসি মখা তানা চাউথোকহনগদবা নত্তে, মসি মীপুম খুদিংমকপু মনুং চলহন্নবা অমসুং পুন্না চাউখৎমিন্নবগী ইনর্জী অমা ওইহনগদবনি।
মরূপশিং,
AI গী মতাংদা ঐখোয়গী লম্বী অমসুং পোলিসী অসি শেংনা লৈগদবনি। AI না মীওইবগী লৈরিবা মতিংবু হেন্না চাউথোকহনগদবনি, মরম খঙনা ফিরেপ লৌবা ঙম্নবগীদমক মীয়াম্বু মপাঙ্গল কনখৎহনগদবনি অমসুং মীওইবগী ইকাইখুম্নববু ঙাক-শেনগদবনি। মরুওইবা ৱাফম অসিদা ভারতনা পার্তনর্স পুম্নমক্কা লোয়ননা মখা তানা থবক তৌমিন্নগনি অমসুং খুৎশম্নগনি।
য়াম্না থাগৎচরি।
দিসক্লেমর: মসি প্রধান মন্ত্রীনা পীখিবা ৱারোলগী চাউরাকপা ৱাহন্থোক্নি। অশেংবা ৱারোলদি হিন্দীদা পীখিবনি।
*****
Spoke at the session on ‘Ensuring a Safe, Rapid and Efficient Rollout of AI.’ This is a subject of immense importance for the global community. AI’s transformative potential is widely known, having touched all aspects of human life.
— Narendra Modi (@narendramodi) June 17, 2026
However, the true test of AI is not how…
India firmly believes that cyberspace has to be one that furthers the global public good. Access to AI technologies must also be broad and inclusive.
— Narendra Modi (@narendramodi) June 17, 2026
All democratic countries should have access to such AI models so that they can protect their critical information infrastructure…
Gave the following suggestions in my remarks:
— Narendra Modi (@narendramodi) June 17, 2026
We should promote safe-by-design AI systems.
We should develop common standards, testing frameworks and regulatory sandboxes for AI deployment, so that innovation and governance progress together.
We must work towards global…
