জিএসতি অসি য়াম্না চাওবা রিফোর্ম অমনি। ইকাই খুম্নজরবা প্রধানমন্ত্রীনা হায়বীখিবগুম মসি ফাইনান্সিয়েল রিফোর্ম ওইবতা নত্তনা সোসিয়েল রিফোর্মসু ওইরি লোইননা মসিদা মীয়াম্না হেন্না খোইজংবা উবা ফংলি অমসুং থাজবা থম্লি মদুদি মসি লৈবাক অসিগী মকোক থোংবা রিফোর্মশিংগী মনুংদা অমা ওইরগনি। ঐখোয়না থাজৈ মদুদি মতম কুইন মতুং নত্তবদা ময়াই ওইবা মতমদা মসিগী ফল খুদম ওইনা, তেক্সেসন রেৎ হন্থহনবা অমসুং পোৎথোক হেন্না পুথোকপা লোইননা হৈশিংবা লৈঙাক্নচিংবা উবা ফংলগনি।