ঐ ভারত্তা য়াম্না অপেনবা পোক্লি অমসুং ঐহাক তশেংনা থাজৈ মদুদি সেমিকন্দক্তর ইন্দস্ত্রীদা ভারতকী শাহৌগী তাঞ্জা অদু হৌজিক্নি। মসি ভারতকীদমক্তদি মরোমদোম থাজবা হেনগৎহনবগী মতমনি। এপ্লাইদ মেতেরিয়ল্সনা তশেংনা প্রধান মন্ত্রী মোদী অমসুং ভারতকী মীয়াম পুম্নমক্কা লোইননা পুন্না অচৌবা মায় পাকপা ফংনবা থবক তৌমিন্ননবা লাংতক্নবা পোক্লি। ভারত থাজনীংঙাই ওইবা পার্তনর অমনি অমসুং ভারত্তা তেলেন্ত য়াম্না লৈ। ঐনা চেৎনা থাজৈ মদুদি মসি ভারতকী মঙাল নাইরবা মতমনি। ঐখোয় য়াম্না থুনা ভারত্তা এপ্লাইদ মেতেরিয়ল্সকা লোইননা অনৌবা ইনোবেশন সেন্তর অমগীদমক লাওথোক্লগনি অমসুং ঐখোয়না অনৌবা ইনোবেশন সেন্তর অসিদা গ্লোবেল পার্তনরশিপসু পুরক্কনি।