কেন্দ্রগী বজেৎ অসি পোজিতিব অমসুং শিংথানীংঙাই ওই। মসিগী প্রোগ্রেসিব অমসুং তুংলমচৎকী ওইবা বজেৎ অসিনা লৈবাক্কী দিবেলপমেন্ততা খোঙজেল হাপ্নবগীদমক্তা সরকারগী ফিরেপ অদু উৎলে। বজেৎ অসিদা বিহারগীদমক্তা লাওথোকখিবা কয়া অসিনা রাজ্য অসিগী চাউখৎপদা শিংথানীংঙাই ওইবা শাহৌ ফংলগনি। বিহারদা মখানা বোর্দ লিংখৎপদগী মখানাগী পোৎথোক, প্রোসেসিং, ভেল্যু এদিশন, অমসুং মার্কেতিংদা ফগৎহনবগী থোঙদা লৌমীশিংনা কান্নবা ফংলগনি। বিহারদা গ্রীনফিল্দ এয়রপোর্তশিংগী প্রোবিজন্না ইন্তর্নেশনেল ফ্লাইৎশিংগী মশিং হেনগৎলগনি, মসিদগী মীয়ামদা কান্নবা ফংহল্লগনি অমসুং রাজ্য অসিগী ইকোনোমিক গ্রোথতা ইনোৎ হাপকনি। মিথিলাঞ্চলদা ৱেস্তর্ন কোশী কেনেল প্রোজেক্তকীদমক্তা শেলগী তেংবাংদগী লমদম অসিগী লৌমীশিংদা মতেং ওইরগনি। IIT পতনা চাউথোকপদগী তেক্নিকেল এজুকেশন্দা ইনোৎ হাপ্লগনি, অদুগা বিহারদা নেশনেল ইন্সতিত্যুৎ ওফ ফুদ তেক্নোলোজী, ওন্ত্রপ্রিনরশিপ, অমসুং মেনেজমেন্ত লিংখৎপদগী নহাশিংদা স্কিল, ওন্ত্রপ্রিনরশিপকী তাঞ্জাশিং অমসুং এম্প্লোইমেন্ত ফংহনগনি, মসিদগী নোংপোক ভরত্তা ফুদ প্রোসেসিং এক্তিবিতীশিংদা হেন্না ইনোৎ ফংলগনি।