ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି (ଗୁରୁବାର) ମୁମ୍ବାଇଠାରେ ନୌସେନାର ନବନିର୍ମିତ ବୁଡାଜାହାଜ ଆଇଏନଏସ କଲବାରିକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିବେ ।

ଆଇଏନଏସ କଲବାରି ହେଉଛି ଏକ ଡିଜେଲ-ବିଦ୍ୟୁତ ଚାଳିତ ଲଢୁଆ ବୁଡାଜାହାଜ । ଭାରତୀୟ ନୌବାହିନୀ ପାଇଁ ଏହି ବୁଡାଜାହାଜକୁ ମାଜଗାଓଁ ଡକ ସିପବିଲ୍ଡର ସଂସ୍ଥା ଦ୍ଵାରା ନିର୍ମାଣ କରାଯାଇଛି । ଭାରତ ସରକାରଙ୍କ ମେକ ଇନ ଇଣ୍ଡିଆ କାର୍ଯ୍ୟକ୍ରମ ଅଧୀନରେ ଏହିଭଳି ଛଅଟି ଲଢୁଆ ବୁଡାଜାହାଜ ଭାରତୀୟ ନୌବାହିନୀ ପାଇଁ ନିର୍ମାଣ କରାଯିବ । ଆଇଏନଏସ କଲବାରି ହେଉଛି ଏହି ଶୃଙ୍ଖଳାର ପ୍ରଥମ ଅତ୍ୟାଧୁନିକ ବୁଡାଜାହାଜ, ଯାହାକି ଫ୍ରାନ୍ସର ବୈଷୟିକ ସହାୟତାରେ ନିର୍ମାଣ କରାଯାଉଛି ।

ପ୍ରଧାନମନ୍ତ୍ରୀ ନୌସେନାର ଡକୟାର୍ଡ ପରିସରରେ ଅତ୍ୟାଧୁନିକ ଆଇଏନଏସ କଲବାରିକୁ ଆସନ୍ତାକାଲି ରାଷ୍ଟ୍ରକୁ ଲୋକାର୍ପଣ କରିବେ । ଏହି ସମାରୋହରେ ପ୍ରତିରକ୍ଷା ମନ୍ତ୍ରୀ, ମହାରାଷ୍ଟ୍ର ସରକାରଙ୍କ ଗଣମାନ୍ୟ ଅତିଥି ଏବଂ ନୌସେନାର ବରିଷ୍ଠ ଅଧିକାରୀମାନେ ଉପସ୍ଥିତ ରହିବେ । ପ୍ରଧାନମନ୍ତ୍ରୀ ଏହି ବୁଜାଜାହାଜ ପରିଦର୍ଶନ କରିବା ସହ ସମାବେଶକୁ ସମ୍ବୋଧିତ କରିବେ ।