ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଆଜି ବହୁପାକ୍ଷିକ ବୁଝାମଣାପତ୍ରରେ ଆନ୍ତର୍ଜାତୀୟ ବୀମା ସୁପରଭାଇଜର୍ସକୁ ଏକ କାର୍ଯ୍ୟ-ପରବର୍ତ୍ତୀ ସ୍ୱାକ୍ଷରକାରୀ ଭାବେ ଗ୍ରହଣ କରିବା ନିମନ୍ତେ ଥିବା ପ୍ରସ୍ତାବକୁ ଅନୁମୋଦନ ମିଳିଛି ।

IAIS ଏକ ଆନ୍ତର୍ଜାତୀୟ ବୀମା ସୁପରଭାଇଜର ସଂଗଠନ ଯାହା ବୀମା ସୁପରଭାଇଜରମାନଙ୍କ ମଧ୍ୟରେ ସହଯୋଗ ଓ ସମନ୍ୱୟ ରକ୍ଷା କରିବା ସହ ଆବଶ୍ୟକ ସୂଚନା ଆଦାନ ପ୍ରଦାନ କରିଥାଏ । IAISର ବହୁପାକ୍ଷିକ ବୁଝାମଣାପତ୍ର ସ୍ୱାକ୍ଷରକାରୀମାନଙ୍କର ଏପରି ଏକ ବିବୃତ୍ତି ଯାହା ସଦସ୍ୟ ମାନଙ୍କ ମଧ୍ୟରେ ସୂଚନା ଆଦାନପ୍ରଦାନ ନିମନ୍ତେ ପ୍ରତିବଦ୍ଧତା ପ୍ରକଟ କରିଥାଏ । ପୁଣି ସେସବୁ ସୂଚନା ବିନିମୟର ବିଧି ଓ ପ୍ରାବଧାନ ସେଥିରେ ସାମିଲ ରହିଛି । ବିଶ୍ୱ ଆର୍ଥିକ ବଜାରର ଏକୀକରଣ ଏବଂ ଅଧିକରୁ ଅଧିକ ସଂଖ୍ୟକ ବୀମା କମ୍ପାନୀମାନେ ବଜାରରେ ପ୍ରବେଶ କରିଥିବା ହେତୁ ବହୁପାକ୍ଷିକ ବୁଝାମଣାପତ୍ର ସ୍ୱାକ୍ଷରର ଯଥେଷ୍ଟ ଆବଶ୍ୟକତା ଅନୁଭୂତ ହୋଇଛି । ଏହି ପୃଷ୍ଠଭୂମୀରେ IRDAI ଇତି ମଧ୍ୟରେ IAISର ଏକ ସ୍ୱାକ୍ଷରକାରୀ ସଦସ୍ୟ ହୋଇଛି । ଅର୍ଥ ଠକେଇ ଓ ଆର୍ଥିକ ଆତଙ୍କବାଦକୁ ରୋକିବା ଦିଗରେ ଏହା ସହାୟକ ହେବ ।

****