ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ମିଜୋରାମ ଓ ମେଘାଳୟ ଗସ୍ତରେ ଯିବେ ଏବଂ ସେଠାରେ ବିଭିନ୍ନ ଉନ୍ନୟନ ପ୍ରକଳ୍ପର ଶୁଭାରମ୍ଭ କରିବେ ।
“ଉତ୍ତର-ପୂର୍ବାଞ୍ଚଳର ସୁନ୍ଦର, ଅନୁପମ ଓ ଚମତ୍କାର ପରିବେଶ ପୁଣି ଥରେ ମୋତେ ଡାକିଛି । ଆସନ୍ତାକାଲି ମିଜୋରାମ ଓ ମେଘାଳୟ ଗସ୍ତ ପାଇଁ ମୁଁ ଖୁବ ଉତ୍କଣ୍ଠିତ । ସେଠାରେ କେତେକ ଉନ୍ନୟନ ପ୍ରକଳ୍ପର ଉଦ୍ଘାଟନ ହେବ । ଏହିସବୁ ପ୍ରକଳ୍ପ ଉତ୍ତର-ପୂର୍ବାଞ୍ଚଳର ବିକାଶ ଯାତ୍ରାକୁ ତ୍ୱରାନ୍ୱିତ କରିବ ।
ଏହା ମୋର ସୌଭାଗ୍ୟ ଯେ, ଆସନ୍ତାକାଲି ଆଇଜଲଠାରେ ମୁଁ ତୁଇରିଆଲ ଜଳବିଦ୍ୟୁତ ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିବି । ଏହି ପ୍ରକଳ୍ପଟି ମିଜୋରାମ ଲୋକଙ୍କ ପାଇଁ ଅତ୍ୟନ୍ତ ମହତ୍ଵପୂର୍ଣ୍ଣ ।
ଆମ ଯୁବ ଶକ୍ତିକୁ ଡେଣା ଯୋଡିବାରେ ସହାୟତା କରିବା ଲାଗି କେନ୍ଦ୍ର ଉତ୍ତର-ପୂର୍ବାଞ୍ଚଳ ବିକାଶ ମନ୍ତ୍ରଣାଳୟ ପକ୍ଷରୁ 100 କୋଟି ଟଙ୍କାର ଏକ ଭେଞ୍ଚର କ୍ୟାପିଟାଲ ଫଣ୍ଡ ଗଠନ କରାଯାଇଛି । ଆସନ୍ତାକାଲି ମୁଁ ଏହି ଅଞ୍ଚଳର ଉଦ୍ୟୋଗୀମାନଙ୍କୁ ଭେଞ୍ଚର କ୍ୟାପିଟାଲ ଫଣ୍ଡରୁ ସହାୟତା ମୂଳକ ଚେକ ପ୍ରଦାନ କରିବି । ଉତ୍ତର-ପୂର୍ବାଞ୍ଚଳର ଯୁବ ଗୋଷ୍ଠୀ ମଧ୍ୟରେ ଉଦ୍ୟମଶୀଳତା ଭାବନା ଜାଗ୍ରତ କରି ଏହି ଅଞ୍ଚଳର ବିକାଶ ଦିଗରେ ଭେଞ୍ଚର ଫଣ୍ଡ ଏକ ନୂଆ ପଦକ୍ଷେପ ସ୍ୱରୂପ କାର୍ଯ୍ୟ କରିବ ।
ଶିଲଂଠାରେ ମୁଁ ଆସନ୍ତାକାଲି ଶିଲଂ-ନଂଷ୍ଟୋଇନ-ରଂଜେଙ୍ଗ-ତୁରା ରାସ୍ତାର ଉଦ୍ଘାଟନ କରିବି । ଏହି ପ୍ରକଳ୍ପ ମେଘାଳୟ ଓ ଅନ୍ୟାନ୍ୟ ଅଞ୍ଚଳ ସହ ସଡକ ସଂଯୋଗୀକରଣକୁ ଦୃଢୀଭୂତ କରିବ ଏବଂ ଆର୍ଥିକ ବିକାଶ ଘଟାଇବ । ଏହି ଅବସରରେ ମୁଁ ଏକ ଜନସମାବେଶକୁ ସମ୍ବୋଧିତ କରିବି ।
ଆମେ ଉତ୍ତର-ପୂର୍ବାଞ୍ଚଳରେ ବିକାଶର ଅପୂର୍ବ ସଂଭାର ଓ ସୁଯୋଗ ଦେଖିପାରୁଛୁ ଏବଂ ଏହି ଅଞ୍ଚଳର ସାମଗ୍ରିକ ବିକାଶ ଲାଗି ସବୁମନ୍ତେ ପ୍ରୟାସ କରିବାକୁ ବଦ୍ଧପରିକର” ବୋଲି ପ୍ରଧାନମନ୍ତ୍ରୀ କହିଛନ୍ତି ।
**********
The enchanting and effervescent Northeast calls! Looking forward to visiting Mizoram and Meghalaya tomorrow, where various development projects will be inaugurated. These projects will add impetus to the development journey of the Northeast.
— Narendra Modi (@narendramodi) December 15, 2017
It is my privilege to be dedicating the Tuirial Hydropower Project to the nation at tomorrow’s programme in Aizawl. The completion of this project is a boon for the people of Mizoram.
— Narendra Modi (@narendramodi) December 15, 2017
