ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଇନଷ୍ଟିଚ୍ୟୁଟ ଅଫ ଚାଟାର୍ଡ ଆକାଉଣ୍ଟାନ୍ତ୍ସ ଅଫ ଇଣ୍ଡିଆ ଏବଂ ଦକ୍ଷିଣ ଆଫ୍ରିକାର ଇନଷ୍ଟିଚ୍ୟୁଟ ଅଫ ଚାଟାର୍ଡ ଆକାଉଣ୍ଟାନ୍ତ୍ସ ମଧ୍ୟରେ ଆପୋସ ମାନ୍ୟତା ଚୁକ୍ତିକୁ ମଞ୍ଜୁରି ଦେଇଛନ୍ତି ।
ବିବରଣୀ : ଆକାଉଣ୍ଟିଙ୍ଗ ଜ୍ଞାନର ଉନ୍ନୟନ, ପେସାଦାର ଏବଂ ବୌଦ୍ଧିକ ବିକାଶ, ସେମାନଙ୍କ ସଂଖ୍ୟାରେ ବୃଦ୍ଧି ଏବଂ ଭାରତ ଓ ଦକ୍ଷିଣ ଆଫ୍ରିକାରେ ଆକାଉଣ୍ଟିଙ୍ଗ ପେସାର ବିକାଶରେ ସକାରାତ୍ମକ ଯୋଗଦାନ ଲାଗି ଆପୋସ ସହଯୋଗ ଢାଂଚାର ପ୍ରତିଷ୍ଠା ଲାଗି ଆଇସିଏଆଇ ଏବଂ ଏସଏଆଇସିଏ ମଧ୍ୟରେ ଆପୋସ ମାନ୍ୟତା ଚୁକ୍ତି (ଏମଆରଏ)ର ସନ୍ଦର୍ଭରେ କ୍ୟାବିନେଟ ଏହି ମଞ୍ଜୁରି ପ୍ରଦାନ କରିଛନ୍ତି । ଏହି ଚୁକ୍ତି ଦ୍ୱାରା –
ଲାଭ : – ରଣନୈତିକ ଦୃଷ୍ଟିରୁ ଏସଏଆଇସିଏ ସହିତ ନିବିଡ଼ ସମ୍ପର୍କକୁ ବଜାୟ ରଖିବା ଆଇସିଏଆଇ ଲାଗି ଯଥେଷ୍ଟ ଗୁରୁତ୍ୱପୂର୍ଣ୍ଣ, କାରଣ ଏହାଦ୍ୱାରା ସଂସ୍ଥାନଗୁଡ଼ିକୁ ଆଫ୍ରିକୀୟ କ୍ଷେତ୍ରରେ ଆଇସିଏଆଇ ବ୍ରାଣ୍ଡକୁ ସୁଦୃଢ଼ କରିବା ଏବଂ ସଦସ୍ୟମାନଙ୍କ ସଂଖ୍ୟା ବୃଦ୍ଧି କରିବାରେ ସହାୟତା ମିଳିପାରିବ । ଗତ କିଛି ବର୍ଷ ମଧ୍ୟରେ ବିକଶିତ ହୋଇଥିବା ସମ୍ପର୍କର ପ୍ରକୃତି ରଣନୈତିକ ଏବଂ ଆପୋସ ସ୍ୱାର୍ଥ ହାସଲକାରୀ । ଭାରତୀୟ ଚାଟାର୍ଡ ଆକାଉଣ୍ଟାଣ୍ଟମାନଙ୍କ ଲାଗି ଏମଆରଏ ସେହି କ୍ଷେତ୍ରରେ ଉତ୍ତମ ନିଯୁକ୍ତି ସମ୍ଭାବନା ଯୋଗାଇ ଦେବ । ଏଥିସହିତ ଭାରତରୁ ଚାଟାର୍ଡ ଆକାଉଣ୍ଟାଣ୍ଟମାନଙ୍କ ଯାତାୟାତ ମଧ୍ୟ ବୃଦ୍ଧି ପାଇବ ।
**********
