ପିଏମଇଣ୍ଡିଆ

ଆମେରିକା ଭୂପୃଷ୍ଠ ଦୂର ସମ୍ବେଦୀ ତଥ୍ୟ ବିନିମୟ ଏବଂ ବ୍ୟବହାର ଲାଗି ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ଏବଂ ଯକ୍ତରାଷ୍ଟ୍ର ଆମେରିକା ଭୂତାତ୍ତ୍ୱିକ ସର୍ବେକ୍ଷଣ ସଂସ୍ଥା ମଧ୍ୟରେ ସ୍ଵାକ୍ଷରିତ ବୁଝାମଣା ପତ୍ରକୁ କେନ୍ଦ୍ର କ୍ୟାବିନେଟ ଅନୁମୋଦନ ପ୍ରଦାନ କରିଛନ୍ତି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ବୁଝାମଣାପତ୍ରକୁ ସ୍ଵୀକୃତି ମିଳିଛି । ଦୁଇ ଦେଶ ମଧ୍ୟରେ ବେଙ୍ଗାଲୁରୁଠାରେ ଜୁଲାଇ ୦୯, ୨୦୧୬ରେ ଏହି ବୁଝାମଣାପତ୍ର ସ୍ଵାକ୍ଷରିତ ହୋଇଥିଲା । ଏହି ଚୁକ୍ତିନାମାର ବ୍ୟବସ୍ଥା ଅନୁସାରେ ଇସ୍ରୋ USGS ର ଲ୍ୟାଣ୍ଡସାଟ-୭ ଏବଂ ୮ର ସମସ୍ତ ଭାରତୀୟ ତଥ୍ୟାବଳୀ ପାଇପାରିବ ଏବଂ USGS ଇସ୍ରୋ ରିସୋର୍ସସ୍ୟାଟ-୨ (Awisfs ଏବଂ Liss-iii)ର ଆମେରିକା କ୍ଷେତ୍ରର ତଥ୍ୟ ହାସଲ କରିବ ।