ପିଏମଇଣ୍ଡିଆ

ଭାରତ ମାତା କି ଜୟ!

ଭାରତ ମାତା କି ଜୟ!

ଉତ୍ତରାଖଣ୍ଡର ଲୋକପ୍ରିୟ, ଯୁବ ମୁଖ୍ୟମନ୍ତ୍ରୀ ଭାଇ ପୁଷ୍କର ସିଂ ଧାମୀ ଜୀ, କେନ୍ଦ୍ରମନ୍ତ୍ରୀ ଶ୍ରୀ ଅଜୟ ଭଟ୍ଟଜୀ, ପୂର୍ବତନ ମୁଖ୍ୟମନ୍ତ୍ରୀ ରମେଶ ପୋଖରିଆଲ ନିଶଙ୍କ ଜୀ, ଭାରତୀୟ ଜନତା ପାର୍ଟିର ରାଜ୍ୟ ସଭାପତି ମହେନ୍ଦ୍ର ଭଟ୍ଟ ଜୀ, ଉତ୍ତରାଖଣ୍ଡ ସରକାରଙ୍କ ମନ୍ତ୍ରୀ, ସମସ୍ତ ସାଂସଦ, ବିଧାୟକ, ଅନ୍ୟ ମାନ୍ୟଗଣ୍ୟ ବ୍ୟକ୍ତି ଏବଂ ଦେବଭୂମିର ମୋର ପ୍ରିୟ ପରିବାର ସଦସ୍ୟ, ଆପଣ ସମସ୍ତଙ୍କୁ ପ୍ରଣାମ। ଆଜି ଉତ୍ତରାଖଣ୍ଡ ଚମତ୍କାର ପ୍ରଦର୍ଶନ କରିଛି। ବୋଧହୁଏ ପୂର୍ବରୁ ଏଭଳି ଦୃଶ୍ୟ ଦେଖିବାର ସୌଭାଗ୍ୟ ହୁଏତ କାହାକୁ ମିଳିନଥିଲା । ଆଜି ସକାଳୁ ମୁଁ ଉତ୍ତରାଖଣ୍ଡରେ ଯେଉଁଠିକୁ ବି ଯାଇଥିଲି, ଅସୀମ ଭଲପାଇବା, ଅପାର ଓ ଆଶୀର୍ବାଦ ମିଳିଥିଲା; ଏମିତି ଲାଗୁଥିଲା ଯେମିତି ପ୍ରେମର ନଦୀ ଗଙ୍ଗା ପ୍ରବାହିତ ହେଉଛି।

ଆଧ୍ୟାତ୍ମିକତା ଏବଂ ଅତୁଳନୀୟ ସାହସିକତାର ଏହି ଭୂମିକୁ ମୁଁ ନମସ୍କାର କରୁଛି । ବିଶେଷ କରି ବୀର ମା’ମାନଙ୍କୁ ମୁଁ ପ୍ରଣାମ କରୁଛି। ଯେତେବେଳେ ବଦ୍ରିନାଥ ଧାମରେ ‘ଜୟ ବଦିରି-ବିଶାଲ’ର ଉଦଘୋଷ ହୋଇଥାଏ, ତେବେ ଗଡ଼ୱାଲ ରାଇଫଲ୍ସର ବୀରମାନଙ୍କ ମନୋବଳ ଓ ଉତ୍ସାହ ବଢ଼ିଯାଇଥାଏ। ଯେତେବେଳେ ଗଙ୍ଗୋଲିହାଟର କାଳିକା ମନ୍ଦିରର ଘଣ୍ଟିଗୁଡ଼ିକ “ଜୟ ମହାକାଳୀ”ର ଜୟଜୟକାରରେ ଗୁଞ୍ଜରିତ ହୋଇଥାଏ, ସେତେବେଳେ କୁମାଉଁ ରେଜିମେଣ୍ଟର ବୀରମାନଙ୍କ ମଧ୍ୟରେ ଅଦମ୍ୟ ସାହସ ପ୍ରବାହିତ ହେବାକୁ ଲାଗିଥାଏ । ଏଠାରେ ମାନଖଣ୍ଡରେ ବାଗେଶ୍ୱର, ବୈଜନାଥ, ନନ୍ଦା ଦେବୀ, ଗୋଲୁ ଦେବତା, ପୂର୍ଣ୍ଣଗିରି, କସାର ଦେବୀ, କାଞ୍ଚି ଧାମ, କଟାରମଳ, ନାନକମାତ୍ତା, ରୀଠା ସାହିବ ଏବଂ ଅଗଣିତ ଦେବସ୍ଥଳୀର ଶୃଙ୍ଖଳାର ବୈଭବ ରହିଛି। ଆମର ନିକଟରେ ବହୁତ ବଡ଼ ଏକ ସମୃଦ୍ଧ ଐତିହ୍ୟ ରହିଛି। ମୁଁ ରାଷ୍ଟ୍ରରକ୍ଷା ଏବଂ ଆଧ୍ୟାତ୍ମିକତାର ଏହି ତୀର୍ଥସ୍ଥଳକୁ ମୁଁ ଯେତେବେଳେ ଆସିଛି ଏବଂ ଆପଣଙ୍କ ବିଷୟରେ ଚିନ୍ତା କରିଛି, ମୁଁ ଧନ୍ୟ ହୋଇଯାଇଛି।

ମୋ ପରିବାର ସଦସ୍ୟମାନେ,

ଏଠାକୁ ଆସିବା ପୂର୍ବରୁ ପାର୍ବତୀ କୁଣ୍ଡ ଓ ଜୋଗେଶ୍ୱର ଧାମରେ ପୂଜା-ଅର୍ଚ୍ଚନା କରିବାର ସୌଭାଗ୍ୟ ପାଇଥିଲି। ମୁଁ ପ୍ରତ୍ୟେକ ଦେଶବାସୀଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ଆଶୀର୍ବାଦ କାମନା କରିଛି ଏବଂ ଏକ ବିକଶିତ ଭାରତ ପାଇଁ ସଂକଳ୍ପକୁ ସୁଦୃଢ଼ କରିବା ଏବଂ ମୋ ଉତ୍ତରାଖଣ୍ଡର ସମସ୍ତ ସ୍ୱପ୍ନ ଏବଂ ସଂକଳ୍ପ ପୂରଣ କରିବା ପାଇଁ ପ୍ରାର୍ଥନା କରିଛି । କିଛି ସମୟ ପୂର୍ବରୁ ମୋର ସାକ୍ଷାତ, ଆମର ସୀମାରକ୍ଷୀ, ଆମର ସୈନିକମାନଙ୍କୁ ସହିତ ମଧ୍ୟ ଭେଟିଥିଲି । ମୁଁ ସ୍ଥାନୀୟ କଳା ଏବଂ ସ୍ୱୟଂ ସହାୟକ ଗୋଷ୍ଠୀ ସହ ଜଡିତ ଆମର ସମସ୍ତ ଭଉଣୀ ଏବଂ ଭାଇମାନଙ୍କୁ ଭେଟିବାର ସୁଯୋଗ ପାଇଲି | ଅର୍ଥାତ୍, ଭାରତର ସଂସ୍କୃତି, ଭାରତର ସୁରକ୍ଷା,  ଭାରତର ସମୃଦ୍ଧି ସହିତ ଜଡିତ ଏହି ତିନୋଟି ଦିଗ ସହିତ ଏହି ପ୍ରକାରରେ ମୋର ଏହି ନୂତନ ପ୍ରକାରର ଯାତ୍ରା ମଧ୍ୟ ଜଡିତ ଥିଲା। ସମସ୍ତଙ୍କର ଏକା ସହିତ ଦର୍ଶନ ହୋଇଗଲା। ଉତ୍ତରାଖଣ୍ଡର ଏହି ଶକ୍ତି, ଆଶ୍ଚର୍ଯ୍ୟଜନକ ଅଟେ, ଅତୁଳନୀୟ ଅଟେ। ସେଥିପାଇଁ ମୋର ବିଶ୍ବାସ ଅଛି ଏବଂ ଏହି ବିଶ୍ବାସ ମୁଁ ବାବା କେଦାରଙ୍କ ଚରଣରେ ବସି ବ୍ୟକ୍ତ କରିଥିଲେ। ମୋର ବିଶ୍ୱାସ ଅଛି ଯେ ଏହି ଦଶନ୍ଧି ଉତ୍ତରାଖଣ୍ଡର ଦଶନ୍ଧି ହେବାକୁ ଯାଉଛି । ଆଉ ଆଜି ମୁଁ ଆଦି କୈଳାସରେ ଚରଣରେ ବସି ଆସିଥିଲି, ମୋର ସେହି ବିଶ୍ବାସକୁ ପୁଣିଥରେ ଦୋହରାଇବାକୁ ଚାହୁଁଛି।

ଉତ୍ତରାଖଣ୍ଡ ଯେପରି ବିକାଶର ନୂତନ ଶୀର୍ଷରେ ପହଞ୍ଚିବ, ଆପଣମାନଙ୍କ ଜୀବନକୁ ସହଜ କରିବା ସେଥିପାଇଁ ଆମ ସରକାର ଆଜି ସମ୍ପୂର୍ଣ୍ଣ ଆନ୍ତରିକତା ସହିତ, ପୂର୍ଣ୍ଣ ସମର୍ପଣ ଭାବରେ ଏବଂ କେବଳ ଗୋଟିଏ ଲକ୍ଷ୍ୟକୁ ଦୃଷ୍ଟିରେ ରଖି କାର୍ଯ୍ୟ କରୁଛନ୍ତି । ବର୍ତମାନ ସୁଦ୍ଧା, ୪ ହଜାର କୋଟିରୁ ଅଧିକ ଟଙ୍କାର ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ହୋଇସାରିଛି ଏବଂ ଶିଳାନ୍ୟାସ କରାଯାଇଛି । ଗୋଟିଏ କାର୍ଯ୍ୟକ୍ରମରେ ୪ ହଜାର କୋଟି ଟଙ୍କା ! ମୋର ଉତ୍ତରାଖଣ୍ଡର ମୋର ଭାଇ ଓ ଭଉଣୀମାନେ, କଳ୍ପନା କରିପାରିବେ କି? ଏହି ସବୁ ପ୍ରକଳ୍ପ ପାଇଁ ମୁଁ ଆପଣ ସମସ୍ତଙ୍କୁ ବହୁତ ବହୁତ ଅଭିନନ୍ଦନ ଜଣାଉଛି ।

ମୋ ପରିବାର ସଦସ୍ୟମାନେ,

ଏସବୁ ମାର୍ଗ ମୋ ପାଇଁ ନୂଆ ନା ଆପଣ ସମସ୍ତ ସାଥୀ ନୂଆ ଅଟନ୍ତି। ଉତ୍ତରାଖଣ୍ଡରେ ଏହି ଆପଣାପଣର ଅନୁଭୂତି ସବୁବେଳେ ମୋ ସହିତ ରହିଥାଏ । ଏବଂ ମୁଁ ଦେଖୁଛି ଯେ ଆପଣ ମଧ୍ୟ ଆପଣାପଣର ସେହି ଅଧିକାର ସହିତ; ସେହି ଆତ୍ମୀୟତାର ସହିତ ମୋ ସହିତ ଯୋଡ଼ି ହୋଇ ରହିଛନ୍ତି। ଉତ୍ତରାଖଣ୍ଡର ଦୂର ଦୂରାନ୍ତଗାଁରୁ ମଧ୍ୟ ଅନେକ ବନ୍ଧୁ ମୋତେ ଚିଠି ଲେଖୁଛନ୍ତି। ପ୍ରତ୍ୟେକ ଭଲ ଏବଂ ଖରାପ ସମୟରେ ସେମାନେ ମୋ ସହିତ ଠିଆ ହୁଅନ୍ତି । ଯଦି ପରିବାରରେ ନୂଆ ସଦସ୍ୟ ଜନ୍ମ ହୁଏ, ସେମାନେ ମୋତେ ଖବର ପଠାନ୍ତି। ଯଦି ସେମାନଙ୍କ ଝିଅ ପାଠପଢ଼ାରେ ଉନ୍ନତି କରିଥାଏ, ତେବେ ମଧ୍ୟ ସେମାନେ ଚିଠି ଲେଖନ୍ତି। ଅର୍ଥାତ୍ ଉତ୍ତରାଖଣ୍ଡ ଏବେ ମୋ ସହ ଯୋଡ଼ି ହୋଇଛି ଯେମିତି ଉତ୍ତରାଖଣ୍ଡ ହେଉଛି ପରିବାରର ସଦସ୍ୟ।

ଯେତେବେଳେ ଦେଶ କିଛି ବଡ଼ ସଫଳତା ହାସଲ କରିଥାଏ, ସେତେବେଳେ ଆପଣ ମାନେ ମଧ୍ୟ ସେହି ଆନନ୍ଦକୁ ବାଣ୍ଟିଥାନ୍ତି । ଯଦି ଆପଣ ଉନ୍ନତିର କୌଣସି ସୁଯୋଗ ଦେଖନ୍ତି, ତାହାକୁ ମଧ୍ୟ ଆପଣ ମୋତେ ଏହା କହିବାକୁ ପଛଘୁଞ୍ଚା ଦିଅନ୍ତି ନାହିଁ । ନିକଟରେ ଲୋକସଭା ଓ ବିଧାନସଭାରେ ମହିଳାଙ୍କ ପାଇଁ ୩୩ ପ୍ରତିଶତ ଆସନ ସଂରକ୍ଷଣ ପାଇଁ ଦେଶ ଏକ ବଡ଼ ଐତିହାସିକ ନିଷ୍ପତ୍ତି ନେଇଛି। ଦୀର୍ଘ ୩୦,୪୦ ବର୍ଷ ଧରି ଯେଉଁ କାମ ଅଟକି ରହିଥିଲା, ତାହା ମୋ ମା’ ଭଉଣୀମାନଙ୍କ ଆଶୀର୍ବାଦରେ ଆପଣଙ୍କ ଭାଇ, ଆପଣଙ୍କ ପୁଅ କରିପାରିଛି। ଆଉ ଆଶ୍ଚର୍ଯ୍ୟର କଥା ହେଉଛି, ସେହି ସମୟରେ ମଧ୍ୟ ଏଠାକାର ଭଉଣୀମାନେ ମୋତେ ଅନେକ ଚିଠି ପଠାଇଛନ୍ତି।

ମୋ ପରିବାର ସଦସ୍ୟମାନେ,

ଆପଣ ସମସ୍ତଙ୍କ ଆଶୀର୍ବାଦରେ ଆଜି ଭାରତ, ବିକାଶର ନୂଆ ଶିଖର ଆଡକୁ ଅଗ୍ରସର ହେଉଛି । ସାରା ବିଶ୍ୱରେ ଭାରତ ଏବଂ ଭାରତୀୟଙ୍କୁ ପ୍ରଶଂସା କରାଯାଉଛି । ଏହା ଘଟୁଛି, ନୁହେଁ କି? ଘଟୁଛି କି ନାହିଁ? ସାରା ବିଶ୍ୱରେ ଭାରତର ସ୍ୱର ଶୁଣିବାକୁ ମିଳୁଛି, ନୁହେଁ କି? ଏକ ସମୟ ଥିଲା ଯେତେବେଳେ ଚାରିଆଡେ ନିରାଶାର ବାତାବରଣ ଥିଲା । ଲାଗୁଥିଲା ଯେମିତି ସମଗ୍ର ଦେଶ ନିରାଶାରେ ବୁଡ଼ି ଯାଇଛି। ସେହି ସମୟରେ ଆମେ ପ୍ରତ୍ୟେକ ମନ୍ଦିରକୁ ଯାଇ ପ୍ରାର୍ଥନା କରୁଥିଲୁ ଯେପରି ଭାରତ ଯେପରି ଖୁବଶୀଘ୍ର ଏହି ସମସ୍ୟାରୁ ମୁକୁଳିପାରିବ । ପ୍ରତ୍ୟେକ ଭାରତୀୟ ଦେଶକୁ ହଜାର ହଜାର କୋଟି ଟଙ୍କାର ଦୁର୍ନୀତିରୁ ମୁକ୍ତ କରିବାକୁ ଚାହୁଁଥିଲେ। ସମସ୍ତେ ଚାହୁଁଥିଲେ ଯେ ଭାରତ ପ୍ରସିଦ୍ଧି ଓ ଲୋକପ୍ରିୟତା ବଢୁ।

ଆଜି ଦେଖନ୍ତୁ, ବିଭିନ୍ନ ଚ୍ୟାଲେଞ୍ଜରେ ଘେରି ହୋଇ ରହିଥିବା ଏହି ବିଶ୍ବର, ଦୁନିଆର ଅବସ୍ଥା ଆପଣ ଦେଖିପାରୁଛନ୍ତି। କିନ୍ତୁ ଚ୍ୟାଲେଞ୍ଜଘେରରେ ଥିବା ବିଶ୍ୱରେ ଭରତଙ୍କ ସ୍ୱର ଦୃଢ଼ ହେବାରେ ଲାଗିଛି । କିଛି ସପ୍ତାହ ତଳେ ଏଠାରେ ଜି-୨୦ ଭଳି ଏକ ଭବ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସେଠାରେ ମଧ୍ୟ ଆପଣ ଦେଖିଥିବେ ଯେ ବିଶ୍ୱ କିପରି ଆମ ଭାରତୀୟଙ୍କ ଶକ୍ତିକୁ ଚିହ୍ନିପାରିଛି । ଆପଣ ମୋତେ କୁହନ୍ତୁ, ଯେତେବେଳେ ବିଶ୍ୱ ଭାରତକୁ ପ୍ରଶଂସା କରିଥାଏ, ଯେତେବେଳେ ବିଶ୍ୱରେ ଭାରତର ସ୍ୱର ଗୁଞ୍ଜରିତ ହୋଇଥାଏ, ଆପଣ କହିବେ, ଜବାବ ଦେବେ? ଆପଣମାନଙ୍କୁ ପଚାରିପାରିବି କି, ଏବଂ ଆପଣମାନେ ମୋତେ କହିବେ କି? ଯେତେବେଳେ ଦୁନିଆରେ ଭାରତର ନାମ ଉଚ୍ଚରେ ରହିଥାଏ ସେତେବେଳେ ଆପଣଙ୍କୁ ଏହା ଭଲ ଲାଗିଥାଏ? ସମ୍ପୂର୍ଣ୍ଣ ଶକ୍ତିର ସହିତ କୁହନ୍ତୁ, ଆପଣଙ୍କୁ ଭଲ ଲାଗିଥାଏ କି? ଯେତେବେଳେ ଭାରତ ବିଶ୍ୱକୁ ଏକ ଦିଗ ଦେଖାଇଥାଏ, ସେତେବେଳେ ଆପଣ ଏହାକୁ ପସନ୍ଦ କରିଥାନ୍ତି?

ଏସବୁ କିଏ କରିଛି? ଏସବୁ କିଏ କରିଛି? ଏସବୁ ମୋଦି କରିନାହାନ୍ତି; ଏ ସବୁ କିଛି ଆପଣ ମୋ ପରିବାର ସଦସ୍ୟମାନେ କରିଛନ୍ତି, ଏହାର ଶ୍ରେୟ ଆପଣ ସମସ୍ତ ଜନସାଧାରଣଙ୍କୁ ଯାଉଛି। କାହିଁକି? ମନେରଖନ୍ତୁ କାହିଁକି? କାରଣ ଆପଣମାନେ ୩୦ ବର୍ଷ ପରେ ଦିଲ୍ଲୀରେ ଏକ ସ୍ଥିର ଏବଂ ଶକ୍ତିଶାଳୀ ସରକାର ଗଠନ କରି ମୋତେ ଆପଣଙ୍କ ସେବା କରିବାର ସୁଯୋଗ ଦେଇଛନ୍ତି। ଆପଣଙ୍କ ଭୋଟ୍ ରେ କ୍ଷମତା ଅଛି, ଆପଣ ନିଶ୍ଚୟ ଦେଖିଥିବେ ଯେ ଯେତେବେଳେ ମୁଁ ବିଶ୍ୱର ଗୁରୁତ୍ୱପୂର୍ଣ୍ଣ ବ୍ୟକ୍ତିଙ୍କ ସହ ହାତ ମିଳାଇଥାଏ ବା ଭଲ ଭଲ ଲୋକମାନଙ୍କ ସହ ଆଖି ମିଳାଇଥାଏ। କିନ୍ତୁ ଯେତେବେଳେ ମୁଁ ହାତ ମିଳାଇଥାଏ ସେତେବେଳେ ସେମାନଙ୍କ ସହିତ ବରାବର ଆଖି ମିଳାଇଥାଏ। ଏବଂଯେତେବେଳେ ମୋ ଆଡ଼କୁ ସେମାନେ ଦେଖିଥାଆନ୍ତି ନା, ସେତେବେଳେ ୧୪୦ କୋଟି ଭାରତୀୟଙ୍କୁ ଦେଖିଥାନ୍ତି।

ମୋ ପରିବାର ସଦସ୍ୟମାନେ,

ସୁଦୂର ପାହାଡ଼ ଉପରେ, ଦେଶର କୋଣ ଅନୁକୋଣରେ ରହୁଥିବା ଯେଉଁ ଲୋକଙ୍କ ବିଷୟରେ ମଧ୍ୟ ଆମେ ଚିନ୍ତା କରିଥିଲୁ । ତେଣୁ ମାତ୍ର ୫ ବର୍ଷରେ ଦେଶରେ ୧୩.୫ କୋଟି ଲୋକ ଦାରିଦ୍ର୍ୟରୁ ମୁକୁଳିପାରିଛନ୍ତି। ସାଢ଼େ ୧୩ କୋଟି ଲୋକ – ଏହି ସଂଖ୍ୟା ମନେ ରଖିବେ କି? ସଂଖ୍ୟା ମନେ ରଖିବେ କି? ପାଞ୍ଚ ବର୍ଷରେ ସାଢ଼େ ୧୩ କୋଟି ଲୋକ ଦାରିଦ୍ର୍ୟରୁ ମୁକୁଳିବା ବିଶ୍ୱ ପାଇଁ ଆଶ୍ଚର୍ଯ୍ୟଜନକ। କିଏ ଏହି ୧୩.୫ କୋଟି ଲୋକ? ଏମାନଙ୍କ ମଧ୍ୟରୁ ଅନେକ ଲୋକ ଆପଣଙ୍କ ଭଳି ପାହାଡ଼ରେ ଏବଂ ଦୁର୍ଗମ ଅଞ୍ଚଳରେ ବସବାସ କରନ୍ତି । ଏହି ୧୩.୫ କୋଟି ଲୋକ, ଏହି କଥାର ଉଦାହରଣ ଅଟନ୍ତି ଯେ ଭାରତ ଏହାର ଦାରିଦ୍ର୍ୟକୁ ଦୂର କରିପାରିବ।

ସାଥୀମାନେ,

ପୂର୍ବରୁ ‘ଗରିବୀ ହଟାଓ’ର ସ୍ଲୋଗାନ ଦିଆଯାଉଥିଲା। ଅର୍ଥାତ୍ ଆପଣ ଏହାକୁ ଉଚ୍ଛେଦ କରନ୍ତୁ, ସେମାନେ ଆପଣଙ୍କୁ ଦାରିଦ୍ର୍ୟ ଦୂର କରିବାକୁ କହିଥିଲେ। କିନ୍ତୁ ମୋଦି କହୁଛନ୍ତି ଆମେ ମିଳିମିଶି ଦାରିଦ୍ର୍ୟ ଦୂରୀକରଣ ଜାରି ରଖିବା। ଆମେ ଦାୟିତ୍ୱ ଗ୍ରହଣ କରୁଛୁ ଏବଂ ଆମର ସମସ୍ତ ପ୍ରୟାସକୁ ଅତ୍ୟନ୍ତ ଆନ୍ତରିକତାର ସହ କାର୍ଯ୍ୟକାରୀ କରୁଛୁ । ଆଜି ପ୍ରତ୍ୟେକ କ୍ଷେତ୍ର ଏବଂ ପ୍ରତ୍ୟେକ କ୍ଷେତ୍ରରେ ଆମର ତ୍ରିରଙ୍ଗା ଅଧିକ ଶୀର୍ଷରେ ଉଡୁଛି । ଆମର ଚନ୍ଦ୍ରଯାନ ସେଠାରେ ପହଞ୍ଚିଛି ଯେଉଁଠାରେ ବିଶ୍ୱର ଅନ୍ୟ କୌଣସି ଦେଶ ପହଞ୍ଚିପାରିନାହିଁ । ଏବଂ ଭାରତ ଚନ୍ଦ୍ରଯାନ ଦ୍ୱାରା ସ୍ପର୍ଶ କରାଯାଇଥିବା ସେହି ସ୍ଥାନର ନାମ ଶିବ-ଶକ୍ତି ରଖିଛି । ମୋର ଉତ୍ତରାଖଣ୍ଡବାସୀ, ଆପଣ ଶିବ-ଶକ୍ତିର ଚିନ୍ତାଧାରାରେ ଖୁସି ଅଛନ୍ତି କି ନାହିଁ? ଅର୍ଥାତ୍ ମୋ ଉତ୍ତରାଖଣ୍ଡର ପରିଚୟ ମଧ୍ୟ ସେଠାରେ ପହଞ୍ଚିଛି। ଶିବ ଓ ଶକ୍ତିର ଏହି ମିଶ୍ରଣର ଅର୍ଥ କ’ଣ ତାହା ଉତ୍ତରାଖଣ୍ଡରେ ଶିଖାଇବାର ଆବଶ୍ୟକତା ନାହିଁ। ଏଠାରେ ପ୍ରତ୍ୟେକ ପାଦରେ ଏହା ସ୍ପଷ୍ଟ ଭାବେ ଦୃଶ୍ୟମାନ ହେଉଛି।

ସାଥୀମାନେ,

ଆଜି କେବଳ ମହାକାଶ ନୁହେଁ, କ୍ରୀଡ଼ାକ୍ଷେତ୍ରରେ ମଧ୍ୟ ଭାରତର ଶକ୍ତି ବିଶ୍ୱ ଦେଖୁଛି। ନିକଟରେ ଏସିଆନ୍ ଗେମ୍ସ ଶେଷ ହୋଇଛି। ଅଲିମ୍ପିକ୍ସରେ ଭାରତ ସବୁ ଐତିହାସିକ ରେକର୍ଡ ଭାଙ୍ଗିଛି। ପ୍ରଥମ ଥର ପାଇଁ ଭାରତୀୟ ଖେଳାଳିମାନେ ଶତକ ହାସଲ କରିବା ସହ ୧୦୦ରୁ ଅଧିକ ପଦକ ଜିତିବାର ରେକର୍ଡ ସୃଷ୍ଟି କରିଛନ୍ତି। ଦୟାକରି ଟିକିଏ ଜୋରରେ ପ୍ରଶଂସା କରନ୍ତୁ। ଉତ୍ତରାଖଣ୍ଡର ୮ ପୁଅ-ଝିଅ ଏସୀୟ କ୍ରୀଡ଼ାରେ ଭାଗ ନେଇ ନିଜର ଦକ୍ଷତା ଦେଖାଇ ପାରିଛନ୍ତି। ଏବଂ ଏଥିରେ ଆମଲକ୍ଷ୍ୟ ସେନଙ୍କ ଦଳ ପଦକ ଜିତିଥିବା ବେଳେ ବନ୍ଦନା କଟାରିଆଙ୍କ ହକି ଦଳ ମଧ୍ୟ ଦେଶ ପାଇଁ ପଦକ ଆଣିଛି। ଉତ୍ତରାଖଣ୍ଡର ଏହି ପିଲାମାନେ ଚମତ୍କାର କାର୍ଯ୍ୟ କରିଛନ୍ତି! ଆପଣଙ୍କ ଗୋଟିଏ କାମ କରିବେ କି? ଆପଣଙ୍କ ମୋବାଇଲ୍ ଫୋନ୍ ବାହାର କରନ୍ତୁ ଏବଂ ସେମାନଙ୍କର ଫ୍ଲାସ୍ ଲାଇଟ୍ ଟର୍ନ୍ ଅନ୍ କରନ୍ତୁ। ଏବଂ ଆପଣଙ୍କ ଫ୍ଲାସ୍ ଲାଇଟ୍ ବ୍ୟବହାର କରି ଏହି ସମସ୍ତ ଖେଳାଳିଙ୍କୁ ଅଭିନନ୍ଦନ ଜଣାଉଛି। ସମସ୍ତେ, ଆପଣ ନିଜ ମୋବାଇଲ୍ ଫୋନ୍ ବାହାର କରନ୍ତୁ ଏବଂ ଫ୍ଲାସ ଲାଇଟ୍ ଅନ୍ କରନ୍ତୁ; ସାବାସ। ଏହା ଉତ୍ତରାଖଣ୍ଡର ପିଲାମାନଙ୍କୁ, ଆମ ଖେଳାଳିମାନଙ୍କୁ ଅଭିନନ୍ଦନ ଜଣାଉଛି। ମୁଁ ପୁଣି ଥରେ ଦେବଭୂମିର ମୋର ଏହି ଛୋଟ ପୁଅ ଝିଅମାନଙ୍କୁ ଏବଂ ଏହି ଖେଳାଳିମାନଙ୍କୁ ଅଭିନନ୍ଦନ ଜଣାଉଛି । ଏବଂ ଆପଣ ମଧ୍ୟ ଆଜି ଏକ ନୂଆ ରଙ୍ଗ ଭରିଦେଇଛି।

ସାଥୀମାନେ,

ବସନ୍ତୁ, ମୁଁ ଆପଣଙ୍କ ପ୍ରତି ଅତ୍ୟନ୍ତ କୃତଜ୍ଞ । ଭାରତର ଖେଳାଳି ସରକାର ପୂର୍ଣ୍ଣ ସହଯୋଗ ଯୋଗାଇ ଦେଉଛନ୍ତି, ଯାହାଦ୍ୱାରା ସେମାନେ ଦେଶ ତଥା ବିଶ୍ୱରେ ସଫଳତାର ବଡ଼ ଶିଖର ଛୁଇଁପାରିବେ। ଖେଳାଳିଙ୍କ ଖାଦ୍ୟଠାରୁ ଆରମ୍ଭ କରି ଆଧୁନିକ ପ୍ରଶିକ୍ଷଣ ପର୍ଯ୍ୟନ୍ତ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ଏହା ସତ କିନ୍ତୁ ବିପରୀତ ମଧ୍ୟ ଚାଲୁଛି। ଖେଳାଳିଙ୍କ ପାଇଁ ସରକାର ଏହା କରୁଛନ୍ତି କିନ୍ତୁ ଲକ୍ଷ୍ୟର ପରିବାର ଅଛି ଏବଂ ଲକ୍ଷ୍ୟ ସବୁବେଳେ ବିଜୟୀ ହେଲେ ମୋ ପାଇଁ ସ୍ୱତନ୍ତ୍ର ମିଠା ଆଣିଥାନ୍ତି। ଖେଳାଳିଙ୍କୁ ଯେପରି ଅଧିକ ଦୂର ଯାତ୍ରା କରିବାକୁ ପଡ଼ିବ ନାହିଁ ସେଥିପାଇଁ ସରକାର ବିଭିନ୍ନ ସ୍ଥାନରେ କ୍ରୀଡ଼ା ପଡ଼ିଆ ନିର୍ମାଣ କରୁଛନ୍ତି। ଆଜି ମଧ୍ୟ ହଲଦ୍ୱାନୀରେ ହକି ଗ୍ରାଉଣ୍ଡ ଏବଂ ରୁଦ୍ରପୁରର ଭେଲୋଡ୍ରମ୍ ଷ୍ଟାଡିୟମର ଶିଳାନ୍ୟାସ କରାଯାଇଛି। ମୋର ଯୁବପିଢ଼ିମାନେ ତାଳି ବଜାନ୍ତୁ, ଆପଣଙ୍କ ପାଇଁ କାମ ଚାଲିଛି। ମୋ ଉତ୍ତରାଖଣ୍ଡର ଯୁବବର୍ଗ ଏଥିରୁ ଉପକୃତ ହେବେ। ଜାତୀୟ କ୍ରୀଡ଼ା ପାଇଁ ଉତ୍ସାହର ସହ ପ୍ରସ୍ତୁତି କରୁଥିବା ଧାମି ଜୀ ଏବଂ ତାଙ୍କ ପୁରା ଦଳକୁ ମଧ୍ୟ ମୁଁ ଅଭିନନ୍ଦନ ଜଣାଉଛି । ଆପଣଙ୍କୁ ଏବଂ ଆପଣଙ୍କ ର ପୁରା ଟିମକୁ ବହୁତ-ବହୁତ ଅଭିନନ୍ଦନ !

ମୋ ପରିବାର ସଦସ୍ୟଗଣ,

ଉତ୍ତରାଖଣ୍ଡର ପ୍ରତ୍ୟେକ ଗାଁରେ ଦେଶର ସୁରକ୍ଷାକର୍ମୀ ଅଛନ୍ତି। ଏଠାକାର ବୀର ମା’ ମାନେ ମୋ ଦେଶକୁ ସୁରକ୍ଷା ଦେଉଥିବା ବୀର ପୁତ୍ରମାନଙ୍କୁ ଜନ୍ମ ଦେଇଛନ୍ତି । ‘ଓ୍ଵାନ୍ ରାଙ୍କ୍ ଓ୍ଵାନ୍ ପେନ୍ ସନ୍’ର ସେମାନଙ୍କର ଦଶନ୍ଧି ପୁରୁଣା ଦାବିକୁ ଆମ ସରକାର ପୂରଣ କରିଛନ୍ତି। ବର୍ତ୍ତମାନ ସୁଦ୍ଧା ଆମ ସରକାର ୱାନ୍ ରାଙ୍କ୍ ୱାନ୍ ପେନ୍ ସନ୍ ଅଧୀନରେ ପୂର୍ବତନ ସୈନିକମାନଙ୍କୁ ୭୦ ହଜାର କୋଟିରୁ ଅଧିକ ଟଙ୍କା ପ୍ରଦାନ କରିଛନ୍ତି। ଉତ୍ତରାଖଣ୍ଡର ୭୫ ହଜାରରୁ ଅଧିକ ପୂର୍ବତନ ସୈନିକଙ୍କ ପରିବାର ମଧ୍ୟ ଏଥିରୁ ଉପକୃତ ହୋଇଛନ୍ତି। ସୀମାନ୍ତ ଅଞ୍ଚଳର ବିକାଶ ମଧ୍ୟ ଆମ ସରକାରଙ୍କ ପ୍ରମୁଖ ପ୍ରାଥମିକତା ମଧ୍ୟରୁ ଅନ୍ୟତମ। ଆଜି ସୀମାନ୍ତ ଅଞ୍ଚଳରେ ମୌଳିକ ସୁବିଧାଗୁଡ଼ିକର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି। ଆପଣ ଭାବୁଥିବେ ଆପଣଙ୍କର ଦୋଷ କ’ଣ ଥିଲା; ପୂର୍ବ ସରକାରମାନେ କାହିଁକି ଏପରି କଲେ ନାହିଁ? ଏହା ଆପଣଙ୍କର ଦୋଷ ନଥିଲା । ଶତ୍ରୁମାନେ ଏହାର ଫାଇଦା ନେଇ ସୀମାରେ ପ୍ରବେଶ କରିପାରିବା ବୋଲି ଭୟରେ ପୂର୍ବ ସରକାରମାନେ ସୀମାନ୍ତ ଅଞ୍ଚଳର ବିକାଶ କରିନଥିଲେ। ଏହା ସେମାନଙ୍କ ଦ୍ୱାରା ଦିଆଯାଇଥିବା ଯୁକ୍ତି ଥିଲା। ପୂର୍ବ ସରକାରମାନଙ୍କର ଏହି ଭୟଭୀତ ଚିନ୍ତାଧାରାକୁ ପଛରେ ପକାଇ ଆଜିର ନୂଆ ଭାରତ ଆଗେଇ ଚାଲିଛି। ନା ଆମେ ଲୋକଙ୍କୁ ଭୟ କରୁଛୁ ନା ଭୟଭୀତ କରାଉଛୁ।

ଆମେ ଭାରତର ସମଗ୍ର ସୀମାରେ ଆଧୁନିକ ରାସ୍ତା, ସୁଡ଼ଙ୍ଗ ଏବଂ ପୋଲ ନିର୍ମାଣ କରୁଛୁ । ଗତ ୯ ବର୍ଷ ମଧ୍ୟରେ କେବଳ ସୀମାନ୍ତ ଅଞ୍ଚଳରେ ୪୨୦୦ କିଲୋମିଟରରୁ ଅଧିକ ରାସ୍ତା ନିର୍ମାଣ ହୋଇଛି। ଆମେ ସୀମାରେ ପ୍ରାୟ ୨୫୦ଟି ପ୍ରମୁଖ ପୋଲ ଏବଂ ୨୨ଟି ସୁଡ଼ଙ୍ଗ ନିର୍ମାଣ କରିଛୁ । ଆଜି ବି ଏହି କାର୍ଯ୍ୟକ୍ରମରେ ଅନେକ ନୂଆ ସେତୁର ଶିଳାନ୍ୟାସ କରାଯାଇଛି। ଏବେ ସୀମାନ୍ତ ଅଞ୍ଚଳକୁ ଟ୍ରେନ୍ ଆଣିବା ପାଇଁ ମଧ୍ୟ ପ୍ରସ୍ତୁତି ଚାଲିଛି। ଉତ୍ତରାଖଣ୍ଡକୁ ମଧ୍ୟ ଏହି ପରିବର୍ତ୍ତିତ ମାନସିକତାର ଫାଇଦା ମିଳିବାକୁ ଯାଉଛି।

ମୋ ପରିବାର ସଦସ୍ୟମାନେ,

ପୂର୍ବରୁ ସୀମାନ୍ତ ଅଞ୍ଚଳ, ସୀମାନ୍ତ ଗ୍ରାମଗୁଡ଼ିକ ଦେଶର ଶେଷ ଗାଁ ଭାବେ ବିବେଚନା କରାଯାଉଥିଲା। ଯାହାକୁ ଶେଷ ବୋଲି ବିବେଚନା କରାଯାଏ ତାହାକୁ ବିକାଶ ଦୃଷ୍ଟିରୁ ମଧ୍ୟ ସର୍ବନିମ୍ନ ପ୍ରାଥମିକତା ଦିଆଯାଇଥାଏ । ଏହା ମଧ୍ୟ ଏକ ପୁରୁଣା ଚିନ୍ତାଧାରା ଥିଲା। ସୀମାବର୍ତ୍ତୀ ଗାଁଗୁଡ଼ିକୁ ଆମେ ଶେଷ ନୁହେଁ ବରଂ ଦେଶର ପ୍ରଥମ ଗାଁ ଭାବେ ବିକଶିତ କରିବା ଆରମ୍ଭ କରିଛୁ। ଭାଇବ୍ରେଣ୍ଟ ଭିଲେଜ୍ କାର୍ଯ୍ୟକ୍ରମ ଅଧୀନରେ ସମାନ ସୀମାନ୍ତ ଗ୍ରାମର ବିକାଶ କରାଯାଉଛି। ଏଠାରୁ ସ୍ଥାନାନ୍ତରିତ ହୋଇଥିବା ଲୋକମାନେ ଯେପରି ଫେରି ଯାଆନ୍ତୁ ସେଥିପାଇଁ ଆମର ପ୍ରୟାସ ରହିଛି। ଆମେ ଚାହୁଁଛୁ ଯେ ଏହି ଗ୍ରାମଗୁଡ଼ିକରେ ପର୍ଯ୍ୟଟନର ପ୍ରସାର ହେଉ ଏବଂ ତୀର୍ଥଯାତ୍ରାର ସମ୍ପ୍ରସାରଣ ହେଉ ।

ମୋ ପରିବାର ସଦସ୍ୟଗଣ,

ଏକ ପୁରୁଣା କଥା ଅଛି ଯେ ‘ପାହାଡ଼ର ଜଳ ଏବଂ ପାହାଡ଼ର ଯୁବକ ଅବସ୍ଥା ସାଧାରଣତଃ ପାହାଡ଼ର କାର୍ଯ୍ୟରେ ଆସିଥାଏ। ମୁଁ ସଂକଳ୍ପ ନେଇଛି ଯେ ମୁଁ ଏହି ଧାରଣାକୁ ମଧ୍ୟ ପରିବର୍ତ୍ତନ କରିବି | ଆପଣ ଏହା ମଧ୍ୟ ଦେଖିଥିବେ ଯେ ଅତୀତର ଭୁଲ ନୀତି ଯୋଗୁଁ ଉତ୍ତରାଖଣ୍ଡର ଅନେକ ଗାଁ ଜନଶୂନ୍ୟ ହୋଇଯାଇଥିଲା । ରାସ୍ତାଘାଟ, ବିଜୁଳି, ପାଣି, ଶିକ୍ଷା, ଔଷଧ, ରୋଜଗାର, ସବୁ କିଛିର ଅଭାବ ଥିଲା ଏବଂ ଏହି ସୁବିଧା ଅଭାବରୁ ଲୋକଙ୍କୁ ଘର ଛାଡିବାକୁ ପଡିଥିଲା । ଏବେ ପରିସ୍ଥିତି ବଦଳିବାରେ ଲାଗିଛି। ଉତ୍ତରାଖଣ୍ଡରେ ନୂଆ ନୂଆ ସୁଯୋଗ ଓ ନୂଆ ସୁବିଧା ସୁଯୋଗ ସୃଷ୍ଟି ହେଉଥିବାରୁ ଅନେକ ବନ୍ଧୁ ନିଜ ଗାଁକୁ ଫେରିବା ଆରମ୍ଭ କରିଛନ୍ତି। ସରକାରଙ୍କ ଡବଲ ଇଞ୍ଜିନ ପ୍ରୟାସ ଯୋଗୁଁ ଲୋକଙ୍କୁ ଗାଁକୁ ଫେରାଇ ଆଣିବାର ଏହି କାମ ଦ୍ରୁତ ଗତିରେ ହେଉଛି । ସେଥିପାଇଁ ରାସ୍ତା, ବିଦ୍ୟୁତ ପ୍ରକଳ୍ପ, ଡାକ୍ତରଖାନା, ସ୍କୁଲ କଲେଜ ଓ ମୋବାଇଲ ୍ ଫୋନ୍ ଟାୱାର ରେ ଏତେ ବଡ଼ ଧରଣର ପୁଞ୍ଜିନିବେଶ କରାଯାଉଛି। ଆଜି ଏଠାରେ ଏସମ୍ପର୍କିତ ଅନେକ ପ୍ରକଳ୍ପ ଆରମ୍ଭ ହୋଇଛି।

ଏଠାରେ ସେଓ ବଗିଚା, ଫଳ ଓ ପନିପରିବା ଚାଷ ପାଇଁ ଅନେକ ସମ୍ଭାବନା ରହିଛି। ଏବେ ଏଠାରେ ରାସ୍ତା ନିର୍ମାଣ କରାଯାଇ ପାଣି ଯୋଗାଣ କରାଯାଉଥିବାରୁ ମୋର କୃଷକ ଭାଇ ଭଉଣୀମାନେ ମଧ୍ୟ ଉତ୍ସାହିତ ହେଉଛନ୍ତି। ଆଜି ପଲିହାଉସ୍ ନିର୍ମାଣ ଓ ସେଓ ବଗିଚା ବିକଶିତ କରିବା ପାଇଁ ଯୋଜନା ମଧ୍ୟ ଆରମ୍ଭ ହୋଇଛି। ଏହି ସବୁ ଯୋଜନାରେ ୧୧୦୦ କୋଟି ଟଙ୍କା ବିନିଯୋଗ କରାଯିବ। ଉତ୍ତରାଖଣ୍ଡର କ୍ଷୁଦ୍ର କୃଷକମାନଙ୍କ ଜୀବନରେ ଉନ୍ନତି ଆଣିବା ପାଇଁ ଏତେ ଅର୍ଥ ଆବଣ୍ଟନ କରାଯାଉଛି । ଏପରିକି ପିଏମ୍ କିଷାନ ସମ୍ମାନ ନିଧି ଅଧୀନରେ ଉତ୍ତରାଖଣ୍ଡର କୃଷକମାନେ ଏପର୍ଯ୍ୟନ୍ତ ୨୨୦୦ କୋଟିରୁ ଅଧିକ ଟଙ୍କା ପାଇଛନ୍ତି।

ସାଥୀମାନେ,

ଏପରିକି ବହୁ ପିଢ଼ି ଧରି ଏଠାରେ ମୋଟା ଶସ୍ୟ ବା ‘ଶ୍ରୀ ଆନ୍ନା’ ଚାଷ ହୋଇ ଆସୁଛି। ମୁଁ ଏଠାରେ ରହୁଥିବା ବେଳେ ଆପଣମାନଙ୍କ ମଧ୍ୟରେ ବହୁତ ସମୟ ବିତାଇଛି | ସେହି ସମୟରେ ପ୍ରତ୍ୟେକ ଘରେ ମୋଟା ଶସ୍ୟ ମଧ୍ୟ ପ୍ରଚୁର ମାତ୍ରାରେ ଖାଉଥିଲେ। ଏବେ କେନ୍ଦ୍ର ସରକାର ଏହି ମୋଟା ଶସ୍ୟକୁ ବିଶ୍ୱର କୋଣ ଅନୁକୋଣରେ ପହଞ୍ଚାଇବାକୁ ଚାହୁଁଛନ୍ତି । ଏଥିପାଇଁ ସମଗ୍ର ଦେଶରେ ଅଭିଯାନ ଆରମ୍ଭ ହୋଇଛି। ଉତ୍ତରାଖଣ୍ଡର ଆମର କ୍ଷୁଦ୍ର କୃଷକମାନେ ମଧ୍ୟ ଏହି ପଦକ୍ଷେପ ଦ୍ୱାରା ବହୁତ ଉପକୃତ ହେବାକୁ ଯାଉଛନ୍ତି ।

ମୋ ପରିବାର ସଦସ୍ୟଗଣ,

ମା’ ଓ ଭଉଣୀଙ୍କ ପ୍ରତ୍ୟେକ ଆହ୍ୱାନ ଏବଂ ପ୍ରତ୍ୟେକ ଅସୁବିଧାକୁ ଦୂର କରିବା ପାଇଁ ଆମ ସରକାର ପ୍ରତିଶ୍ରୁତିବଦ୍ଧ। ସେଥିପାଇଁ ଆମ ସରକାର ଗରିବ ଭଉଣୀମାନଙ୍କୁ ପକ୍କା ଘର ଦେଇଛନ୍ତି। ଆମେ ଆମ ଭଉଣୀ ଓ ଝିଅମାନଙ୍କ ପାଇଁ ଶୌଚାଳୟ ନିର୍ମାଣ କରିଦେଇଛୁ, ସେମାନଙ୍କୁ ଗ୍ୟାସ ସଂଯୋଗ ଦେଇଛୁ, ବ୍ୟାଙ୍କ ଆକାଉଣ୍ଟ ଖୋଲିଦେଇଛୁ ଏବଂ ମାଗଣା ଚିକିତ୍ସା ପ୍ରଦାନ କରିଥିଲେ। ଆଜି ବି ଗରିବଙ୍କ ପାଇଁ ରୋଷେଇ ବନ୍ଦ ନ ହେବା ପାଇଁ ମାଗଣା ରାସନ କାର୍ଯ୍ୟକ୍ରମ ଜାରି ରହିଛି।

ହର ଘର ଜଳ ଯୋଜନାରେ ଉତ୍ତରାଖଣ୍ଡର ୧୧ ଲକ୍ଷ ପରିବାରର ଭଉଣୀମାନେ ପାଇପ ଯୋଗେ ପାଣିର ସୁବିଧା ପାଉଛନ୍ତି । ଏବେ ଭଉଣୀମାନଙ୍କ ପାଇଁ ଆଉ ଏକ କାମ କରାଯାଉଛି। ଚଳିତ ବର୍ଷ ଲାଲକିଲ୍ଲା ପ୍ରାଚୀରରୁ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ଡ୍ରୋନ୍ ଯୋଗାଇଦେବାକୁ ଘୋଷଣା ହୋଇଛି। କୀଟନାଶକ, ସାର, ବିହନ ଏବଂ ଏଭଳି ଅନେକ ଜିନିଷ ଡ୍ରୋନ୍ ସାହାଯ୍ୟରେ କ୍ଷେତରେ ବ୍ୟବହାର କରାଯାଇପାରିବ । ଏବେ ଏଭଳି ଡ୍ରୋନ୍ ମଧ୍ୟ ତିଆରି କରାଯାଉଛି ଯାହା ଫଳ ଓ ପନିପରିବାକୁ ନିକଟସ୍ଥ ପନିପରିବା ବଜାରକୁ ପହଞ୍ଚା ଯାଇପାରିବ। ପାହାଡ଼ିଆ ଅଞ୍ଚଳରେ ଡ୍ରୋନ୍ ଜରିଆରେ ଶୀଘ୍ର ଔଷଧ ପହଞ୍ଚାଯାଇପାରିବ। ଅର୍ଥାତ୍ ମହିଳା ସ୍ୱୟଂ ସହାୟକ ଗୋଷ୍ଠୀକୁ ଯୋଗାଇ ଦିଆଯାଉଥିବା ଏହି ଡ୍ରୋନ୍ ଉତ୍ତରାଖଣ୍ଡକୁ ଆଧୁନିକତାର ନୂଆ ଶୀର୍ଷରେ ପହଞ୍ଚାଇବାକୁ ଯାଉଛି।

ମୋ ପରିବାର ସଦସ୍ୟଗଣ,

ଉତ୍ତରାଖଣ୍ଡରେ ପ୍ରତି ଗାଁରେ ଗଙ୍ଗା ଓ ଗଙ୍ଗୋତ୍ରୀ ରହିଛି। ଏଠିକାର ହିମଶିଖରରେ ମହାଦେବ ଏବଂ ନନ୍ଦା ବିରାଜିତ ଅଛନ୍ତି। ଉତ୍ତରାଖଣ୍ଡର ମେଳା, କୌଥିଗ, ଥୌଉ, ଗୀତ, ସଙ୍ଗୀତ ଓ ଖାଦ୍ୟର ନିଜର ସ୍ୱତନ୍ତ୍ର ପରିଚୟ ରହିଛି। ପାଣ୍ଡବ ନୃତ୍ୟ, ଛଲିଆ ନୃତ୍ୟ, ମଙ୍ଗଳ ଗୀତ, ଫୁଲଦେଇ ପର୍ବ, ହରେଲା, ବାଗୱାଲ ଏବଂ ରାମମାଣ ଭଳି ସାଂସ୍କୃତିକ କାର୍ଯ୍ୟକ୍ରମରେ ଏହି ଭୂମି ସମୃଦ୍ଧ ଅଟେ। ଲୋକଜୀବନର ସ୍ୱାଦକୁ କିଏ ଭୁଲିପାରିବ: ରୋଟ, ଆରସେ, ଝଙ୍ଗୋର କି ଖିର, କଫୁଲି, ପକୋରା, ରାଇତା, ଆଲମୋଡାର ବାଲ ମିଠାଇ, ସିଙ୍ଗୋରୀ । ଏବଂ କାଳୀ ଗଙ୍ଗାର ଏହି ଭୂମି ସହିତ ମୋର ଏକ ଦୃଢ଼ ସମ୍ପର୍କ ରହିଛି । ଚମ୍ପାୱତରେ ଅବସ୍ଥିତ ଅଦ୍ବୈତ ଆଶ୍ରମ ସହିତ ମଧ୍ୟ ମୋର ଗଭୀର ସମ୍ପର୍କ ରହିଛି । ଏହା ମୋ ଜୀବନର ଏକ ଅଧ୍ୟାୟ ଥିଲା ।

ମୋର ଅନେକ ସ୍ମୃତି ଏଠାକାର ମାଟିର ପ୍ରତ୍ୟେକ ଇଞ୍ଚରେ ଚିହ୍ନିତ ହୋଇ ରହିଛି । ଏଥର ମୁଁ ପ୍ରକୃତରେ ଏହି ଦିବ୍ୟ ଅଞ୍ଚଳରେ ଅଧିକ ସମୟ ବିତାଇବାକୁ ଚାହୁଁଥିଲି | କିନ୍ତୁ ଆସନ୍ତାକାଲି ଦିଲ୍ଲୀରେ ଜି-୨୦ କୁ ନେଇ ଆଉ ଏକ ବଡ ସମ୍ମିଳନୀ ହେବାକୁ ଯାଉଛି। ବିଶ୍ୱର ବିଭିନ୍ନ ଜି-୨୦ ଦେଶର ସଂସଦର ବାଚସ୍ପତିମାନେ ଏକ ବଡ଼ ଶିଖର ସମ୍ମିଳନୀ କରିବାକୁ ଯାଉଛନ୍ତି। ଆଉ ସେଥିପାଇଁ ମୁଁ ଚମ୍ପାୱତର ଅଦ୍ବୈତ ଆଶ୍ରମକୁ ଯାଇପାରିବି ନାହିଁ । ମୁଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି ଯେ ମୋତେ ଶୀଘ୍ର ଏହି ଆଶ୍ରମକୁ ଯିବାର ସୁଯୋଗ ଦିଅନ୍ତୁ।

ମୋ ପରିବାର ସଦସ୍ୟଗଣ,

ଉତ୍ତରାଖଣ୍ଡରେ ପର୍ଯ୍ୟଟନ ଓ ତୀର୍ଥଯାତ୍ରାର ବିକାଶ ପାଇଁ ଡବଲ ଇଞ୍ଜିନ ସରକାରଙ୍କ ପ୍ରୟାସ ଏବେ ଫଳପ୍ରଦ ହେଉଛି । ଚଳିତ ବର୍ଷ ଉତ୍ତରାଖଣ୍ଡରେ ଚାରିଧାମ ଯାତ୍ରା ପାଇଁ ଆସୁଥିବା ଶ୍ରଦ୍ଧାଳୁଙ୍କ ସଂଖ୍ୟା ପାଖାପାଖି ୫୦ ଲକ୍ଷକୁ ବୃଦ୍ଧି ପାଇଛି। ସବୁ ରେକର୍ଡ ଭାଙ୍ଗି ଯାଇଛି। ବାବା କେଦାରଙ୍କ ଆଶୀର୍ବାଦରେ କେଦାରନାଥ ଧାମର ପୁନଃନିର୍ମାଣ ସମ୍ବନ୍ଧୀୟ ପ୍ରଥମ ପର୍ଯ୍ୟାୟ ଶେଷ ହୋଇଛି। ଶହ ଶହ କୋଟି ଟଙ୍କା ବ୍ୟୟରେ ଶ୍ରୀ ବଦ୍ରିନାଥ ଧାମରେ ଅନେକ ପ୍ରକଳ୍ପ ମଧ୍ୟ ସମ୍ପୂର୍ଣ୍ଣ ହେଉଛି। କେଦାରନାଥ ଧାମ ଓ ଶ୍ରୀ ହେମକୁଣ୍ଡ ସାହିବରେ ରୋପୱେର କାମ ସରିବା ମାତ୍ରେ ଦିବ୍ୟାଙ୍ଗ ଓ ବୟସ୍କ ତୀର୍ଥଯାତ୍ରୀମାନେ ଅନେକ ସୁବିଧା ପାଇବାକୁ ଯାଉଛନ୍ତି। ଆମ ସରକାର ମଧ୍ୟ କେଦାରଖଣ୍ଡ ସହିତ ମାନସଖଣ୍ଡକୁ ନୂଆ ଉଚ୍ଚତାରେ ପହଞ୍ଚାଇବାକୁ ଚେଷ୍ଟା କରୁଛନ୍ତି ଏବଂ ସେଥିପାଇଁ ମୁଁ ଆଜି ଏଠାକୁ ଆସିଛି । କେଦାରଖଣ୍ଡ ଏବଂ ମନଖଣ୍ଡର ଯୋଗାଯୋଗ ଉପରେ ମଧ୍ୟ ଆମେ ବହୁତ ଗୁରୁତ୍ୱ ଦେଉଛୁ। କେଦାରନାଥ ଓ ବଦ୍ରିନାଥ ଧାମକୁ ଆସୁଥିବା ଲୋକମାନେ ଯେପରି ସହଜରେ ଜାଗେଶ୍ୱର ଧାମ, ଆଦି କୈଳାସ ଓ ଓମ୍ ପର୍ବତ ଦର୍ଶନ କରିପାରିବେ ସେଥିପାଇଁ ପ୍ରୟାସ କରାଯାଉଛି। ଆଜି ଯେଉଁ ମାନସଖଣ୍ଡ ମନ୍ଦିର ମାଳ ମିଶନ ଯୋଗୁଁ କୁମାଉଁର ଅନେକ ମନ୍ଦିରରେ ପହଞ୍ଚିବା ବହୁତ ସହଜ ହେବ ।

ମୋ ଅଭିଜ୍ଞତା ଅନୁଯାୟୀ ବଦ୍ରିନାଥ ଓ କେଦାରନାଥକୁ ଆସୁଥିବା ଲୋକମାନେ ଭବିଷ୍ୟତରେ ନିଶ୍ଚିତ ଭାବେ ଏହି ଅଞ୍ଚଳ ପରିଦର୍ଶନ କରିବେ। ସେମାନେ ଏହି କ୍ଷେତ୍ର ବିଷୟରେ ଅବଗତ ନୁହଁନ୍ତି । ଆଉ ଆଜି ଯେତେବେଳେ ଲୋକମାନେ ଟିଭିରେ ମୋଦୀ ଏହି ସ୍ଥାନକୁ ଆସୁଥିବାର ଭିଡିଓ ଦେଖିବେ, ସେମାନେ ଭାବୁଥିବେ ‘ସେହି ସ୍ଥାନରେ କିଛି ବିଶେଷ ରହିଛି ଏବଂ ଆପଣ ପ୍ରସ୍ତୁତ ରହିବା ଦରକାର, ଦର୍ଶକଙ୍କ ସଂଖ୍ୟା ବହୁଗୁଣିତ ହେବାକୁ ଯାଉଛି । ମାନସଖଣ୍ଡରେ ଲୋକଙ୍କ ଭିଡ଼ ଜମିବାକୁଯାଉଛି।

ସାଥୀମାନେ,

ଉତ୍ତରାଖଣ୍ଡର ବଢୁଥିବା ଯୋଗାଯୋଗ ଏଠିକାର ବିକାଶକୁ ନୂଆ ଶିଖରକୁ ନେବାକୁ ଯାଉଛି । ଚାରି ଧାମ ମହା ପରିଯୋଜନା ଏବଂ ସର୍ବକାଳୀନ ରାସ୍ତାରୁ ଆପଣ ବହୁତ ଉପକୃତ ହୋଇଛନ୍ତି । ଋଷିକେଶ-କର୍ଣ୍ଣପ୍ରୟାଗ ରେଳ ପ୍ରକଳ୍ପ ସମ୍ପୂର୍ଣ୍ଣ ହେବା ପରେ ସମଗ୍ର ଅଞ୍ଚଳର ପୁନରୁଦ୍ଧାର କରାଯିବ। ଉଡାନ ଯୋଜନା ଅଧୀନରେ ଏହି ସମଗ୍ର ଅଞ୍ଚଳରେ ସୁଲଭ ବିମାନ ସେବାକୁ ମଧ୍ୟ ସମ୍ପ୍ରସାରିତ କରାଯାଉଛି । ଆଜି ହିଁ ବାଗେଶ୍ୱରରୁ କାନାଲିଚିନ୍ନା, ଗଙ୍ଗୋଲିହାଟରୁ ଆଲମୋଡ଼ା ଏବଂ ଟନକପୁର ଘାଟରୁ ପିଥୋରାଗଡ଼ ପର୍ଯ୍ୟନ୍ତ ରାସ୍ତା କାମ ଆରମ୍ଭ ହୋଇଛି। ଏହା ଦ୍ୱାରା କେବଳ ସାଧାରଣ ଲୋକଙ୍କୁ ସୁବିଧା ମିଳିବ ନାହିଁ ବରଂ ପର୍ଯ୍ୟଟନ ଜରିଆରେ ରୋଜଗାର ର ସୁଯୋଗ ମଧ୍ୟ ବୃଦ୍ଧି ପାଇବ । ମୁଁ ଖୁସି ଯେ ଏଠାକାର ସରକାର ହୋମଷ୍ଟେକୁ ପ୍ରୋତ୍ସାହନ ଦେଉଛନ୍ତି । ପର୍ଯ୍ୟଟନ ହେଉଛି ଏପରି ଏକ କ୍ଷେତ୍ର ଯେଉଁଠାରେ ସର୍ବାଧିକ ନିଯୁକ୍ତି ଏବଂ ସର୍ବନିମ୍ନ ପୁଞ୍ଜି ର ଆବଶ୍ୟକତା ରହିଛି । ଆଗାମୀ ଦିନରେ ପର୍ଯ୍ୟଟନ କ୍ଷେତ୍ର ବହୁତ ବିସ୍ତାର ହେବାକୁ ଯାଉଛି କାରଣ ସମଗ୍ର ବିଶ୍ୱ ଆଜି ଭାରତ ଆସିବାକୁ ଚାହୁଁଛନ୍ତି, ଭାରତକୁ ଅନୁସନ୍ଧାନ କରିବାକୁ ଏବଂ ଭାରତକୁ ଜାଣିବାକୁ ଚାହୁଁଛନ୍ତି। ଆଉ ଯେଉଁମାନେ ଭାରତ ବୁଲିବାକୁ ଚାହୁଁଛନ୍ତି, ଉତ୍ତରାଖଣ୍ଡ ନ’ ଆସି ସେମାନଙ୍କ ଯାତ୍ରା ସମ୍ପୂର୍ଣ୍ଣ ହୋଇପାରୁନାହିଁ ।

ମୋ ପରିବାର ସଦସ୍ୟଗଣ,

ଅତୀତରେ ଉତ୍ତରାଖଣ୍ଡ କିପରି ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହୋଇଛି ସେ ବିଷୟରେ ମୁଁ ଭଲ ଭାବରେ ଜାଣିଛି । ଆମେ ଆମର ଅନେକ ପ୍ରିୟଜନଙ୍କୁ ହରାଇଛୁ । ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ଆମକୁ ଆମର ପ୍ରସ୍ତୁତିରେ ଉନ୍ନତି ଆଣିବାକୁ ହେବ ଏବଂ ଆମେ ଏହା ଜାରି ରଖିବୁ । ଏଥିପାଇଁ ଆଗାମୀ ୪-୫ ବର୍ଷ ମଧ୍ୟରେ ଉତ୍ତରାଖଣ୍ଡରେ ୪୦୦୦ କୋଟି ଟଙ୍କା ଖର୍ଚ୍ଚ ହେବ। ଉତ୍ତରାଖଣ୍ଡରେ ଏଭଳି ସୁବିଧା ର ବିକାଶ କରାଯିବ, ଯାହାଦ୍ୱାରା ବିପର୍ଯ୍ୟୟ ସମୟରେ ରିଲିଫ ଓ ଉଦ୍ଧାର କାର୍ଯ୍ୟ ଶୀଘ୍ର ହୋଇପାରିବ ।

ମୋ ପରିବାର ସଦସ୍ୟଗଣ,

ଏହା ହେଉଛି ଭାରତର ‘ଅମୃତକାଳ’। ଏହି ଅମୃତକାଳ ହେଉଛି ଦେଶର ପ୍ରତ୍ୟେକ ଅଞ୍ଚଳ ଏବଂ ପ୍ରତ୍ୟେକ ବର୍ଗକୁ ସୁବିଧା, ସମ୍ମାନ ଏବଂ ସମୃଦ୍ଧି ସହିତ ଯୋଡ଼ିବାର ସମୟ । ମୋର ବିଶ୍ୱାସ ଯେ ବାବା କେଦାର ଏବଂ ବଦ୍ରି ବିଶାଲଙ୍କ ଆଶୀର୍ବାଦ ରେ, ଆଦି କୈଳାସଙ୍କ ଆଶୀର୍ବାଦ ରେ ଆମେ ଆମର ସଂକଳ୍ପଶୀଘ୍ର ପୂରଣ କରିବାରେ ସକ୍ଷମ ହୋଇପାରିବୁ । ମୋତେ ଏତେ ଭଲ ପାଇବା ଦେଇଥିବାରୁ ପୁଣି ଥରେ ଧନ୍ୟବାଦ ! ପ୍ରକୃତରେ, ମୁଁ କିପରି ଅନୁଭବ କରୁଛି ତାହା ବର୍ଣ୍ଣନା କରିବାକୁ ମୋ ପାଖରେ ଶବ୍ଦ ନାହିଁ । ମୁଁ ହେଲିକପ୍ଟରରୁ ଓହ୍ଲାଇ ଏଠାକୁ ଆସିବା ପାଇଁ ୭ କିଲୋମିଟର ଯାତ୍ରା କରିଥିଲି, ସେହି ୭ କିଲୋମିଟର ଯାତ୍ରା ସମୟରେ ଉଭୟ ପାର୍ଶ୍ୱରେ କୌଣସି ମାନବ ଶୃଙ୍ଖଳା ନଥିଲା ବରଂ ମାନବ କାନ୍ଥ ନଥିବାରୁ ମୋତେ ବିଳମ୍ବ ହୋଇଥିଲା । ପରିବାରରେ ଯେମିତି କୌଣସି ପର୍ବପର୍ବାଣୀ ଥିଲା, ସେମିତି ଭିଡ଼ ଜମିଥିଲା। ସମସ୍ତେ ଉତ୍ସବର ପୋଷାକ ପିନ୍ଧିଥିଲେ ଏବଂ ଏହା ଏକ ଶୁଭ ଉତ୍ସବର ବାତାବରଣ ପରି ଦେଖାଯାଉଥିଲା । ମା’ ମାନେ ହାତରେ ପୁଷ୍ପଗୁଚ୍ଛ ଧରି ଆଶୀର୍ବାଦ ଦେବାକୁ ପ୍ରସ୍ତୁତ ଥିଲେ। ଏହା ମୋ ପାଇଁ ଅତ୍ୟନ୍ତ ଭାବପ୍ରବଣ ମୁହୂର୍ତ୍ତ ଥିଲା । ଆଜି ମୋ ମାନଖଣ୍ଡ ମୋତେ ସେହି ଭଲପାଇବା ଓ ଉତ୍ସାହ ଦେଖାଇଛି। ତେଣୁ ମୁଁ ପିଥୋରାଗଡ଼ ଏବଂ ପିଥୋରାଗଡ଼ ଜିଲ୍ଲାର ସମସ୍ତ ଜନସାଧାରଣଙ୍କୁ ଏବଂ ଏହି ସମଗ୍ର ଅଞ୍ଚଳକୁ ପ୍ରଣାମ କରିବା ସହ ହୃଦୟରୁ କୃତଜ୍ଞତା ଜଣାଉଛି।

ପୁଣି ଥରେ ଆପଣ ସମସ୍ତଙ୍କୁ ମୋର ଶୁଭେଚ୍ଛା ! ମୋ ସହିତ ଉଚ୍ଚ ସ୍ୱରରେ କୁହନ୍ତୁ ଆପଣଙ୍କର ଦୁଇ ହାତ ଉଠାନ୍ତୁ ଏବଂ ଆପଣ ସମସ୍ତେ ଜୋରରେ କୁହନ୍ତୁ –

ଭାରତ ମାତା କି ଜୟ!

ଭାରତ ମାତା କି ଜୟ!

ଭାରତ ମାତା କି ଜୟ!

ଆପଣଙ୍କୁ ବହୁତ ଧନ୍ୟବାଦ!

ଅସ୍ୱୀକାର: ଏହା ହେଉଛି ପ୍ରଧାନମନ୍ତ୍ରୀଙ୍କ ଭାଷଣର ଆନୁମାନିକ ଅନୁବାଦ । ମୂଳ ଭାଷଣ ହିନ୍ଦୀରେ ଦିଆଯାଇଥିଲା।

********

NS/MB