ପିଏମଇଣ୍ଡିଆ

3911 କୋଟି ଟଙ୍କାର ଆନୁମାନିକ ବ୍ୟୟବରାଦରେ ମେଘାଳୟରେ ଉତ୍ତର ପୂର୍ବାଂଚଳ ଲାଗି ବିସ୍ତୃତ ଦୂରସଂଚାର ବିକାଶ ଯୋଜନା (ସିଟିଡିପି) ଲାଗୁ କରିବା ଏବଂ ଉତ୍ତର-ପୂର୍ବାଂଚଳର ସିଟିଡିପି ପ୍ରକଳ୍ପ ଲାଗି ବର୍ଦ୍ଧିତ 8120.81 କୋଟି ଟଙ୍କାର ଅର୍ଥରାଶିକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ମଞ୍ଜୁରି ଦେଇଛନ୍ତି । ପୂର୍ବରୁ 10.09.2014ରେ କ୍ୟାବିନେଟ 5336.18 କୋଟି ଟଙ୍କା ଅନୁମୋଦନ କରିଥିଲେ । ଏଥିପାଇଁ ଆବଶ୍ୟକ ଅର୍ଥ ସାମଗ୍ରୀକ ସେବା ଉତ୍ତରଦାୟିତ୍ୱ ପାଣ୍ଠି (ୟୁଏଓଏଫ)ଦ୍ୱାର ଦିଆଯିବ ।

ପ୍ରମୁଖ ବିଶେଷତ୍ୱ :

ଯୋଜନା ବିଷୟରେ

-ମେଘାଳୟ ରାଜ୍ୟରେ ଚିହ୍ନଟ କରାଯାଇଥିବା ମୋବାଇଲ ସେବା ନଥିବା ଅଂଚଳରେ ଟୁଜି+4ଜି ମୋବାଇଲ କଭରେଜ ବ୍ୟବସ୍ଥା

-ମେଘାଳୟରେ ଜାତୀୟ ରାଜପଥରେ ଟୁଜି+4ଜି ମୋବାଇଲ କଭରେଜ ବ୍ୟବସ୍ଥା

ଲାଭ

1. ଦୂରସଂଚାର ନେଟୱାର୍କକୁ ସୁଦୃଢ଼ କରିବା ଦ୍ୱାରା ମେଘାଳୟରେ ମୋବାଇଲ ଯୋଗାଯୋଗର ପ୍ରସାର ବଢ଼ିବ । ଫଳସ୍ୱରୂପ ଲୋକମାନଙ୍କ ପାଇଁ ସଂଚାର, ସୂଚନା ଏବଂ ପରିଚାଳନା ପ୍ରଣାଳୀ ଶସ୍ତା ଏବଂ ସମାନ ଢଙ୍ଗରେ ଉପଲବ୍ଧ ହୋଇପାରିବ ।
2. ମେଘାଳୟରେ ସାଧାରଣ ମୋବାଇଲ ନେଟୱାର୍କ ନଥିବା କ୍ଷେତ୍ରରେ ନେଟୱାର୍କ ପହଁଚାଇବା ଦ୍ୱାରା ସାଧାରଣ ଜନତାଙ୍କୁ ସାମାଜିକ-ଆର୍ଥିକ ବିକାଶକୁ ପ୍ରୋତ୍ସାହନ ଦେବାରେ ସୂଚନା ପ୍ରଯୁକ୍ତି ସହାୟକ ହୋଇପାରିବ ।
3. ଯେଉଁ ଇଲାକାରେ ମୋବାଇଲ ନେଟୱାର୍କ ନାହିଁ ସେଠାରେ ଏହାକୁ ବ୍ରଡବ୍ୟାଣ୍ଡ ଏବଂ ଇଂଟରନେଟ ଜରିଆରେ ପ୍ରୋତ୍ସାହନ ଦିଆଯିବ ।

**********