ପିଏମଇଣ୍ଡିଆ
ମହାମହିମ ରାଷ୍ଟ୍ରପତି ମହମ୍ମଦ ଅଶରଫ ଘାନି
ମାନନୀୟ ବିଦେଶ ମନ୍ତ୍ରୀ ରବାନୀ
ଓ ମୋର ପ୍ରିୟ ଆଫଗାନ ବନ୍ଧୁ, ଭାଇ ଓ ଭଉଣୀମାନେ
ମୁଁ ପୁଣିଥରେ ଆପଣମାନଙ୍କ ସହ ଥିବାରୁ ଅତ୍ୟନ୍ତ ଖୁସି । ଆଫଗାନିସ୍ତାନ ହେଉଛି ଭାରତର ନିକଟତମ ପଡ଼ୋଶୀ ଓ ଆମର ହୃଦୟ ଓ ମନରେ ରହିଛି । ଭାରତୀୟ ଓ ଆଫଗାନବାସୀ ସର୍ବଦା ଘନିଷ୍ଠ ବନ୍ଧୁ ରହି ଆସିଛନ୍ତି ।
ଆଜି ପୁଣିଥରେ ଆମ ବନ୍ଧୁତ୍ୱର ଆଉ ଏକ ସଫଳତାର ଉତ୍ସବ ପାଳନ ପାଇଁ ଆମେ ଏକାଠି ହୋଇଛେ ଓ ଆମର ସହଯୋଗର ଫଳପ୍ରଦ ଯାତ୍ରା ଦିଗରେ ଆଉ ପାଦେ ଆଗେଇଛେ ।
ମହାମହିମ ଘାନି,
କେତେକ କଥା ବହୁତ ଆନନ୍ଦ ଦେଇଥାଏ । ମିଳିତ ଉଦ୍ୟମରେ ସମ୍ପନ୍ନ ସଫଳତାର ଉତ୍ସବ ଉତ୍ତମ ବନ୍ଧୁଙ୍କ ସହ ମିଶି ଏକାଠି ପାଳନ କରିଛୁ । ଆପଣ ଓ ମୁଁ ଭାଗ୍ୟଶାଳୀ ଯେ, ବିଗତ କିଛି ମାସରେ ଗୁରୁତ୍ୱପୂର୍ଣ୍ଣ ଅବସରରେ ଆମେ ଏଭଳି କରିପାରିଛେ ।
ଗତବର୍ଷ ଡିସେମ୍ବରରେ ଆପଣ ଓ ଆଫଗାନିସ୍ତାନର ଲୋକମାନେ ଆଫଗାନିସ୍ତାନର ସଂସଦ ଭବନ ଉଦ୍ଘାଟନବେଳେ ମୋ’ସହ ରହିଥିଲେ ।
ଏହି ଉଦ୍ଘାଟନ ଆଧୁନିକ ଆଫଗାନିସ୍ତାନର ମୂଳଦୁଆକୁ ସୁଦୃଢ଼ କରିବା ଦିଗରେ ଆମର ମିଳିତ ପ୍ରୟାସର ପ୍ରତୀକ । ଭାରତ-ଆଫଗାନିସ୍ତାନ-ଇରାନ ପରିବହନ କରିଡର ରାଜିନାମାକୁ ଆମେ ଚଳିତବର୍ଷ ମଇ ମାସରେ ସ୍ୱାକ୍ଷର କରିଛୁ ଯାହାକି ଆମ ଭାଗିଦାରୀର ଆଉ ଏକ ମାଇଲଖୁଣ୍ଟ ।
ଆଫଗାନିସ୍ତାନର ଆର୍ଥିକ ପ୍ରଗତି ଓ ସମୃଦ୍ଧି ପାଇଁ ନୂଆ ମାର୍ଗର ନିର୍ମାଣ କରାଯାଉ, ଏହା ଆମର ସ୍ପଷ୍ଟ ଉଦ୍ଦେଶ୍ୟ । ପରିବହନ କରିଡର ରାଜିନାମାର ଠିକ ମାସକ ପରେ ଜୁନ୍ ମାସରେ ଆମେ ହାତ ମିଳାଇଥିଲେ ଓ ଆଫଗାନିସ୍ତାନ-ଭାରତ ମୈତ୍ରୀ ବନ୍ଧ (Dam)କୁ ଉଦ୍ଘାଟନ କରିଥିଲେ ।
ସଲମା ବନ୍ଧ କେବଳ ଆଫଗାନିସ୍ତାନର ମଧ୍ୟଭାଗର ଅର୍ଥବ୍ୟବସ୍ଥା ଓ କୃଷି କ୍ଷେତ୍ରର ପୁନରୁଦ୍ଧାର ତଥା ନବୀକରଣ ନୁହେଁ ବରଂ ଏହା ଆଫଗାନିସ୍ତାନର ସମ୍ପୂର୍ଣ୍ଣ ଅଭିବୃଦ୍ଧି ଓ ବିକାଶ ପାଇଁ ଏକ ସୁଦୃଢ଼ ତଥା ସ୍ଥାୟୀ ସମର୍ଥନର ସେତୁ ଭଳି କାର୍ଯ୍ୟ କରିବ ।
ମହାମହିମ
ଆଜି ସ୍ତୋର ମହଲର ଭିଡିଓ ଉଦ୍ଘାଟନ ଅନେକ ଦୃଷ୍ଟିରୁ ସମ୍ପୂର୍ଣ୍ଣ ଭିନ୍ନ । ଅନେକ ଦୃଷ୍ଟିରୁ ଏହା ଅଧିକ ମୌଳିକ ଓ ଆମର ବ୍ୟସ୍ତତାର ଦିଗର ଏକ ପରିଚୟ ମଧ୍ୟ । ମୁଁ ଏଇଥିପାଇଁ କହୁଛି କି ଏହା ଆଫଗାନିସ୍ତାନର ସାଂସ୍କୃତିକ ଐତିହ୍ୟକୁ ଜୀବନ୍ତ କରିବାର ଏକ ମୂଲ୍ୟବାନ ମାଇଲଖୁଣ୍ଟ ।
ସ୍ତୋର ମହଲ ଅନେକ ଐତିହାସିକ ଘଟଣାଗୁଡ଼ିକର ସାକ୍ଷୀ ରହିଛି । ଯେଉଁମାନେ ଆଫଗାନିସ୍ତାନର ହିଂସାର ଛାଇ ବାହାରେ ଅଧିକ ଦେଖିବାରେ ଅସମର୍ଥ, ସେମାନଙ୍କୁ ପୁନରୁଦ୍ଧାର ହୋଇଥିବା ସ୍ତୋର ମହଲ ଆଫଗାନିସ୍ତାନର ସମୃଦ୍ଧ ପରମ୍ପରାର ସ୍ମରଣ କରାଇବ ।
ଆଉ ମୋର ଆଫଗାନ୍ ଭାଇ ଓ ଭଉଣୀମାନଙ୍କ ପାଇଁ ଏହା ଆଫଗାନ ସମାଜର ଲୁପ୍ତ ସୌନ୍ଦର୍ଯ୍ୟ, ସମୃଦ୍ଧି ଓ ଗୌରବକୁ ପୁନଃସ୍ଥାପିତ କରାଇଛି ।
ଆମର ସମ୍ପର୍କର ମୂଳଦୁଆ ଅନୁରୂପ ଆମର ବର୍ତ୍ତମାନର ବନ୍ଧୁତ୍ୱର ଗାଥା ଆମ ଐତିହାସିକ ବନ୍ଧନକୁ ରେଖାଙ୍କିତ କରୁଛି । ମୁଁ ସମସ୍ତ କଳାକାର, ବିଶେଷଜ୍ଞ ଓ ପରାମର୍ଶଦାତାଙ୍କୁ ପ୍ରଶଂସା କରୁଛି ଯେଉଁମାନେ ଦିନରାତି ଏହି ସମ୍ବେଦନଶୀଳ କାର୍ଯ୍ୟକୁ ପୂରଣ କରିଛନ୍ତି ।
ବନ୍ଧୁଗଣ
ଆଫଗାନିସ୍ତାନ ହେଉଛି ଘନିଷ୍ଠ ବନ୍ଧୁ । ଆମ ସମାଜ ଓ ଲୋକଙ୍କର ଯୁଗଯୁଗ ଧରି ପରସ୍ପର ମଧ୍ୟରେ ସୁଦୃଢ଼ ସମ୍ବନ୍ଧ ରହିଛି ।
ତେଣୁ ଏହା ଦେଖି ଆମକୁ ଦୁଃଖ ଲାଗେ ଯେ ବାହ୍ୟ ଶକ୍ତି ଦ୍ୱାରା ପ୍ରାୟୋଜିତ ହିଂସା ତଥା ଆତଙ୍କ, ଆପଣଙ୍କର ଗୌରବମୟ ରାଷ୍ଟ୍ର ପାଇଁ କ୍ରମାଗତ ଚାଲେଞ୍ଜ ପାଲଟିଛି ।
ମୁଁ ଆଫଗାନିସ୍ତାନର ଲୋକଙ୍କୁ ଆଶ୍ୱସ୍ତ କରିବାକୁ ଚାହୁଁଛି କି ଆମର ସଂକଳ୍ପ :
– ସମୃଦ୍ଧ ଆଫଗାନିସ୍ତାନ ନିର୍ମାଣ ଓ
– ଆପଣ ସମାଜରେ ଶାନ୍ତି, ସୁରକ୍ଷା ଓ ସ୍ଥାୟୀତ୍ୱ ସ୍ଥାପନ କରିବା
ଭାରତର 125 କୋଟି ଲୋକ ସର୍ବଦା ଆପଣଙ୍କ ସହ ରହିବେ ।
ଆମର ଭାଗିଦାରୀ ଓ ସୁଦୃଢ଼ ବନ୍ଧୁତ୍ୱର ସଂକଳ୍ପ ଆଫଗାନିସ୍ତାନ ସହ ଅତୁଟ ରହିବ ।
ଆଜିର ଏହି ସମାରୋହ ଆମର ସଂକଳ୍ପ ଓ ସହଭାଗିତା ପ୍ରୟାସର ପ୍ରତୀକ ।
ଆମେ ଚାହୁଁଛୁ ପ୍ରତ୍ୟେକ ଆଫଗାନ ପ୍ରସ୍ପୁଟିତ ହୁଅନ୍ତ ଓ ଆର୍ଥିକ ବିକାଶର ଲାଭ ଆପଣଙ୍କ ସମାଜକୁ ମିଳୁ ।
ଯେତେବି ବାଧା ଆସୁ, ଆଫଗାନିସ୍ତାନର ଉଜ୍ୱଳ ଭବିଷ୍ୟତ ପାଇଁ ଭାରତ ଆପଣଙ୍କ ସହ କାମ କରୁଥିବ ।
ମହାମହିମ
ଶେଷରେ ଭାରତୀୟ ଦୂତାବାସ ଓ ବାଣିଜ୍ୟ ଦୂତାବାସରେ କାର୍ଯ୍ୟ କରୁଥିବା ଭାରତୀୟ ବିଶେଷଜ୍ଞଙ୍କ ସୁରକ୍ଷା ଓ ନିରାପତ୍ତା ସୁନିଶ୍ଚିତ କରୁଥିବାରୁ ଏହି ଅବସରରେ ମୁଁ ଆପଣଙ୍କୁ ଓ ଆପଣଙ୍କ ସରକାରକୁ ଧନ୍ୟବାଦ ଜଣାଉଛି ।
ଆମର ଆଫଗାନ ଭାଇମାନଙ୍କର ବଳିଦାନକୁ କଦାପି ଭୁଲି ହେବ ନାହିଁ ।
ଆପଣଙ୍କ ଉପସ୍ଥିତି ପାଇଁ ମୁଁ ପୁଣିଥରେ ଆପଣଙ୍କୁ ଧନ୍ୟବାଦ ଜଣାଉଛି ।
ମୁଁ ଆପଣଙ୍କୁ ବ୍ୟକ୍ତିଗତ ଭାବେ ସାକ୍ଷାତ ପାଇଁ ପ୍ରତୀକ୍ଷା କରିଛି ।
ମୁଁ ଆଶା କରୁଛି ଯେ ପୁନରୁଦ୍ଧାର ହୋଇଥିବା ସ୍ତୋର ପ୍ରାସାଦକୁ କୌଣସି ଦିନ ଗସ୍ତ କରିବାର ସୁଯୋଗ ମିଳିବ ।
ଧନ୍ୟବାଦ,
ବହୁତ ବହୁତ ଧନ୍ୟବାଦ ।
Today's video inauguration of Stor palace is an entirely different, yet in many ways more fundamental, dimension of our engagement: PM
— PMO India (@PMOIndia) August 22, 2016
I say this because it brings back to life a valuable landmark of Afghanistan's cultural heritage: PM @narendramodi
— PMO India (@PMOIndia) August 22, 2016
Afghanistan is a close friend. Our societies and people have had age old ties and links: PM @narendramodi https://t.co/6wY2MFrge1
— PMO India (@PMOIndia) August 22, 2016
The pledge of our partnership and strength of our friendship with Afghanistan is unwavering: PM @narendramodi
— PMO India (@PMOIndia) August 22, 2016
