ପିଏମଇଣ୍ଡିଆ

କେନ୍ଦ୍ର ସରକାର ଏବଂ କେନ୍ଦ୍ର ସରକାରଙ୍କ ସଂସ୍ଥାର ଅଭିଜ୍ଞ ଡାକ୍ତରମାନଙ୍କୁ ଶିକ୍ଷା, କ୍ଲିନିକାଲ, ଜନ ସ୍ୱାସ୍ଥ୍ୟ କାର୍ଯ୍ୟକ୍ରମରେ ସାମିଲ କରାଯିବା ପ୍ରସ୍ତାବକୁ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି ।

କେନ୍ଦ୍ରୀୟ ସ୍ୱାସ୍ଥ୍ୟ ସେବା (ସିଏଚଏସ) ଏବଂ ଅନ୍ୟ ମନ୍ତ୍ରଣାଳୟ/ବିଭାଗ/କେନ୍ଦ୍ର ସରକାରଙ୍କ ସଂସ୍ଥାର ଡାକ୍ତରମାନଙ୍କ ବୟସ  62 ବର୍ଷ ପୂରଣ ହେବା ପରେ ବିଶେଷଜ୍ଞତା କ୍ଷେତ୍ରରେ କାର୍ଯ୍ୟ କରିବା ଲାଗି ସେମାନଙ୍କୁ ସକ୍ଷମ କରିବା ଏହି ଅନୁମୋଦନର ଉଦ୍ଦେଶ୍ୟ । ଏଥିପାଇଁ 15.06.2016ରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ହୋଇଥିବା ନିଷ୍ପତ୍ତିରେ ସଂଶୋଧନ ଆଣିବାକୁ ହେବ । ଯାହାଦ୍ୱାରା ସଦ୍ୟ ନିଷ୍ପତ୍ତିକୁ ପ୍ରଭାବୀ ଢଙ୍ଗରେ ଲାଗୁ କରିବା ନିମନ୍ତେ ସୃଷ୍ଟି ହେଉଥିବା ଜଟିଳତାକୁ ଦୂର କରାଯାଇପାରିବ ।

ପ୍ରମୁଖ ପ୍ରଭାବ : 

ଏହାଦ୍ୱାରା ଚିକିତ୍ସା ଶିକ୍ଷା, କ୍ଲିନିକାଲ/ରୋଗୀ ଯତ୍ନ ସେବା ଏବଂ ଜାତୀୟ ସ୍ୱାସ୍ଥ୍ୟ କାର୍ଯ୍ୟକ୍ରମକୁ ଲାଗୁ କରିବା ନିମନ୍ତେ ଅଧିକ ଅଭିଜ୍ଞ ଡାକ୍ତରମାନଙ୍କ ଉପଲବ୍ଧତା ସୁନିଶ୍ଚିତ ହୋଇପାରିବ । ଏହାଦ୍ୱାରା ଅତିରିକ୍ତ କ୍ଷମତା ସୃଷ୍ଟି ହେବ ଏବଂ କେନ୍ଦ୍ର ସରକାରଙ୍କ ଡାକ୍ତରମାନଙ୍କ ନେତୃତ୍ୱ ବିକଶିତ ହେବ ।

ହିତାଧିକାରୀ :

ଏହି ନିଷ୍ପତ୍ତି ଦ୍ୱାରା ରୋଗୀ/କ୍ଲିନିକାଲ ସେବା, ଚିକିତ୍ସା ପ୍ରଶିକ୍ଷଣ ଏବଂ ଜାତୀୟ ସ୍ୱାସ୍ଥ୍ୟ କାର୍ଯ୍ୟକ୍ରମଗୁଡ଼ିକ କାର୍ଯ୍ୟକାରୀ କରିବାରେ ଯଥେଷ୍ଟ ଅଭିଜ୍ଞ ଡାକ୍ତର ଉପଲବ୍ଧ ହୋଇପାରିବେ । ଯାହାଦ୍ୱାରା ସମାଜକୁ ଲାଭ ମିଳିପାରିବ ।

ଦେଶରେ ଏହି ପ୍ରସ୍ତାବର ଲାଭ ତୃଣମୂଳସ୍ତରରେ ଅନୁଭୂତ ହୋଇପାରିବ ।

**********