ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଖଣିଖନନ ଏବଂ ଭୂବିଜ୍ଞାନ କ୍ଷେତ୍ରରେ ଭାରତ ଏବଂ ମରକ୍କୋ ମଧ୍ୟରେ ସ୍ୱାକ୍ଷରିତ ବୁଝାମଣାକୁ ପିଛିଲା ଭାବେ ମଞ୍ଜୁରି ଦେଇଛନ୍ତି । ମରକ୍କୋର ଶକ୍ତି, ଖଣି ଏବଂ ନିରନ୍ତର ବିକାଶ ମନ୍ତ୍ରଣାଳୟ ଏବଂ ଭାରତ ସରକାରଙ୍କ ଖଣି ମନ୍ତ୍ରଣାଳୟ ମଧ୍ୟରେ ଏହି ବୁଝାମଣାପତ୍ର 11 ଏପ୍ରିଲ, 2018ରେ ନୂଆଦିଲ୍ଲୀଠାରେ ସ୍ୱାକ୍ଷରିତ ହୋଇଥିଲା ।

ଉପରୋକ୍ତ ବୁଝାମଣା/ଏମଓୟୁ ଦ୍ୱାରା ଭୂବିଜ୍ଞାନ ଏବଂ ଖଣିଖନନ କ୍ଷେତ୍ରରେ ସହଯୋଗ ଲାଗି ଭାରତ ଏବଂ ମରକ୍କୋ ମଧ୍ୟରେ ଏକ ସଂସ୍ଥାଗତ ବ୍ୟବସ୍ଥା ସୁନିଶ୍ଚିତ ହେବ । ଏହି ସହଯୋଗ ଦୁଇ ଦେଶ ମଧ୍ୟରେ ଆର୍ଥିକ, ସାମାଜିକ ଏବଂ ପରିବେଶ କ୍ଷେତ୍ରରେ ପାରସ୍ପରିକ ଭିତ୍ତିରେ ଲାଭପ୍ରଦ ସାବ୍ୟସ୍ତ ହେବ ।

ଉପରୋକ୍ତ ଏମଓୟୁର ଉଦ୍ଦେଶ୍ୟ ହେଉଛି ଖଣିଖନନ ଏବଂ ଭୂବିଜ୍ଞାନ କ୍ଷେତ୍ରରେ ଭାରତ ଏବଂ ମରକ୍କୋ ମଧ୍ୟରେ ଆପୋସ ସହଯୋଗକୁ ସୁଦୃଢ଼ କରିବ । ସହଯୋଗ ପରିଧି ମଧ୍ୟରେ ସାମିଲ ବିଭିନ୍ନ ଗତିବିଧି ଯେପରିକି ଭୂଗର୍ଭ ମୌଳିକ ଭିତ୍ତିଭୂମି ବିକାଶ, ଖଣିଖନନ ଏବଂ ଭୂବିଜ୍ଞାନକୁ ପ୍ରୋତ୍ସାହନ, ପ୍ରଶିକ୍ଷଣ କାର୍ଯ୍ୟକ୍ରମ ଏବଂ ଭୂବିଜ୍ଞାନ ସମ୍ବନ୍ଧୀୟ ଡାଟା ବ୍ୟାଙ୍କ ନିର୍ମାଣ ଦ୍ୱାରା ନବସୃଜନର ଉଦ୍ଦେଶ୍ୟ ମଧ୍ୟ ପୂରଣ ହେବ ।

****