ପିଏମଇଣ୍ଡିଆ
ପେଟ୍ରୋଲିୟମ ଏବଂ ପ୍ରାକୃତିକ ବାଷ୍ପ ମନ୍ତ୍ରଣାଳୟ, ଶକ୍ତି, ନବୀକରଣ ଶକ୍ତି ଏବଂ ଗୃହ ନିର୍ମାଣ ସମେତ ବିଭିନ୍ନ ଗୁରୁତ୍ୱପୂର୍ଣ୍ଣ ଭିତ୍ତିଭୂମି କ୍ଷେତ୍ରରେ ହୋଇଥିବା ଅଗ୍ରଗତି ସମ୍ପର୍କରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସୋମବାର ଦିନ ସମୀକ୍ଷା କରିଥିଲେ । ଗତ ଏପ୍ରିଲ ଶେଷ ସପ୍ତାହରେ ଯୋଗାଯୋଗ ସଂକ୍ରାନ୍ତୀୟ ଭିତ୍ତିଭୂମି କ୍ଷେତ୍ରରେ ଅଗ୍ରଗତି ସମୀକ୍ଷା ପରେ ଏହି ସମୀକ୍ଷା ବୈଠକ ଆୟୋଜନ କରାଯାଇଥିଲା । ଏହା ପ୍ରାୟ 3 ଘଣ୍ଟା ଧରି ଚାଲିଥିଲା । ଏଥିରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ନୀତି ଆୟୋଗ ଏବଂ ଭାରତ ସରକାରଙ୍କ ସମସ୍ତ ଭିତ୍ତିଭୂମି ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।
ନୀତି ଆୟୋଗର ସିଇଓଙ୍କ ଉପସ୍ଥାପନାରୁ ଜଣାପଡ଼ିଥିଲା ଯେ ବିଗତ ଦିନଗୁଡ଼ିକରେ ନବୀକରଣ ଶକ୍ତି ଉତ୍ପାଦନ, ସୁଲଭ ଏବଂ ଗ୍ରାମୀଣ ଗୃହନିର୍ମାଣ, ଏଲଇଡି ବଲ୍ ସଂଯୋଗ ଆଦି ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି ହୋଇଛି ।
ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାରେ 1.98 କୋଟି ବିପିଏଲ ପରିବାର ଉପକୃତ ହୋଇଛନ୍ତି । ସହରାଞ୍ଚଳ ଗ୍ୟାସ ଆବଣ୍ଟନ ନେଟ୍ୱାର୍କରେ 81ଟି ସହରକୁ ସାମିଲ କରାଯାଇଛି ।
ଇଥାନଲ୍ ବ୍ଲେଣ୍ଡିଂ ଏବଂ ମେକାନିଜମ୍ ବିକଶିତ କରିବା ଲାଗି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଯାହାଦ୍ୱାରା କୃଷକମାନେ ସର୍ବାଧିକ ଲାଭ ପାଇପାରିବେ । ସେ ଦ୍ୱିତୀୟ ପିଢ଼ିର ବାୟୋ-ଇଥାନଲ୍ ବିଶୋଧନାଗାର ପ୍ରତିଷ୍ଠା କାର୍ଯ୍ୟକୁ ତ୍ୱରାନ୍ୱିତ କରିବା ଲାଗି ନିର୍ଦ୍ଦେଶ ଦେଇଥିଲେ ଯାହା କୃଷିଜାତ ଅବଶେଷକୁ ବ୍ୟବହାର କରିପାରିବ ।
ଗ୍ରାମାଞ୍ଚଳ ବିଦ୍ୟୁତିକରଣ କାର୍ଯ୍ୟକ୍ରମ ଦ୍ରୁତଗତିରେ ଆଗେଇ ଚାଲିଛି । ମୋଟ 18,452 ଟି ଗ୍ରାମ ମଧ୍ୟରୁ 13,000 ଗ୍ରାମକୁ ବର୍ତ୍ତମାନ ସୁଦ୍ଧା ବିଦ୍ୟୁତ ସଂଯୋଗ ଦିଆଯାଇସାରିଛି । ଏହି କାର୍ଯ୍ୟ 1000 ଦିନ ମଧ୍ୟରେ ଶେଷ କରିବାକୁ ଲକ୍ଷ୍ୟ ରଖାଯାଇଛି । 2016-17 ରେ 22 ଲକ୍ଷ ଗ୍ରାମାଞ୍ଚଳ ବିପିଏଲ ପରିବାରକୁ ବିଦ୍ୟୁତ ସଂଯୋଗ ଦିଆଯାଇଛି ଏବଂ ଏହି ସମୟ ମଧ୍ୟରେ 40 କୋଟି ଏଲଇଡି ବଲ୍ବ୍ ବଣ୍ଟନ କରାଯାଇଛି । ମେ 2014 ଠାରୁ ଏପ୍ରିଲ 2017 ମଧ୍ୟରେ 41 ଜିଗାୱାଟ୍ ପ୍ରସାରଣ କରାଯାଇଛି ।
ସେହିପରି ମୋଟ ନବୀକରଣ ଶକ୍ତି ଉତ୍ପାଦନ କ୍ଷମତା 57 ଜିଗାୱାଟକୁ ବୃଦ୍ଧି ପାଇଛି, ଗତ ଆର୍ଥିକ ବର୍ଷରେ ଏଥିରେ 24.5 % ଅଭିବୃଦ୍ଧି ଦେଖିବାକୁ ମିଳିଛି । 2017 ଆର୍ଥିକ ବର୍ଷରେ ସର୍ବାଧିକ 81 % ପ୍ରତିଶତ ଅଧିକ ସୌରଶକ୍ତି ଉତ୍ପାଦନ କରାଯାଇଛି । ଏହି ଅବସରରେ ପ୍ରଧାନମନ୍ତ୍ରୀ ଆଦର୍ଶ ସୌର ସହର ପ୍ରତିଷ୍ଠା କରିବା ଲାଗି ଆହ୍ୱାନ ଜଣାଇଥିଲେ, ଯେଉଁଠି ଶକ୍ତି ଆବଶ୍ୟକତା ସମ୍ପୂର୍ଣ୍ଣ ଭାବେ ସୌର ଶକ୍ତି ଦ୍ୱାରା ପୂରଣ କରାଯିବ । ସେହିପରି କେତେକ ଅଂଚଳକୁ ସମ୍ପୂର୍ଣ୍ଣ କିରୋସିନ ମୁକ୍ତ କରିବା ଲାଗି ପଦକ୍ଷେପ ନେବା ପାଇଁ ସେ ପରାମର୍ଶ ଦେଇଥିଲେ ।
ପ୍ରଧାନମନ୍ତ୍ରୀ ସୌର ସରଞ୍ଜାମ ନିର୍ମାଣ ଉପରେ ଗୁରୁତ୍ୱ ଦେଇଥିଲେ, ଯାହା ନିଯୁକ୍ତି ସୁଯୋଗ ସୃଷ୍ଟି କରିବା ସହ ନବୀକରଣ ଶକ୍ତି ଉତ୍ପାଦନ ଉଦ୍ୟମକୁ ଲାଭ ପହଞ୍ଚାଇବ ।
ଗ୍ରାମାଞ୍ଚଳରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଉଲ୍ଲେଖନୀୟ ଅଗ୍ରଗତି ହୋଇଛି । ଏହି ଯୋଜନାର ଅଗ୍ରଗତି ଅନୁଧ୍ୟାନ ଲାଗି ଆଇଟି ଏବଂ ମହାକାଶ ଆଧାରିତ ଆପ୍ଲିକେସନ୍ ଅଧିକ ବ୍ୟବହାର କରାଯାଇଛି । 2017 ଆର୍ଥିକ ବର୍ଷରେ 32 ଲକ୍ଷ ଗୃହ ନିର୍ମାଣ କରାଯାଇଛି । ଏହି ଯୋଜନାରେ ସମ୍ପୃକ୍ତ ରହୁଥିବା ଗ୍ରାମାଞ୍ଚଳ ରାଜମିସ୍ତ୍ରୀଙ୍କ ଦକ୍ଷତା ବୃଦ୍ଧି ଏବଂ ତାଲିମ୍ ଲାଗି କିଭଳି ପଦକ୍ଷେପ ନିଆଯାଉଛି, ସେ ସମ୍ପର୍କରେ ପ୍ରଧାନମନ୍ତ୍ରୀ ଅନୁଧ୍ୟାନ କରିଥିଲେ ।
ବିଦ୍ୟୁତିକରଣ, ଆଇଟି ନେଟୱାର୍କ ଏବଂ ହାଉସିଂ ଭଳି ବିଭିନ୍ନ ଯୋଜନାରେ ସମାନୁପାତିକ ଦୃଷ୍ଟିକୋଣ ପୋଷଣ କରିବା ଲାଗି ପ୍ରଧାନମନ୍ତ୍ରୀ ପରାମର୍ଶ ଦେବା ସହିତ ପ୍ରତି କ୍ଷେତ୍ରରେ 100ଟି ଖରାପ ପ୍ରଦର୍ଶନ କରୁଥିବା ଜିଲ୍ଲା ପ୍ରତି ବିଶେଷ ଗରୁତ୍ୱ ଦେବାକୁ ପରାମର୍ଶ ଦେଇଥିଲେ । ସେ ନିର୍ଦ୍ଦେଶ ଦେଇଥିଲେ ଯେ ପରବର୍ତ୍ତୀ ସମୀକ୍ଷା ବୈଠକରେ ଜିଲ୍ଲାସ୍ତରର ସମସ୍ୟାଗୁଡ଼ିକ ସମୀକ୍ଷା କରାଯିବା ଆବଶ୍ୟକ, ଯଦ୍ଵାରା ଦୁର୍ବଳ ପ୍ରଦର୍ଶନ କରୁଥିବା ଜିଲ୍ଲାଗୁଡ଼ିକରେ ଯୋଜନା କାର୍ଯ୍ୟକାରୀତା ଭଲ ଭାବେ ସମୀକ୍ଷା କରାଯାଇପାରିବ ।
******
Reviewed progress of key infra sectors including petroleum and natural gas, power, renewable energy and housing. https://t.co/YM5Rkj0QzK
— Narendra Modi (@narendramodi) May 9, 2017
Progress in sectors including renewable energy, rural housing, LED bulbs is gladdening. Over 2 crore people benefited from Ujjwala Yojana.
— Narendra Modi (@narendramodi) May 9, 2017
Called for greater emphasis on ethanol blending & expediting the setting up of 2nd generation bio ethanol refineries.
— Narendra Modi (@narendramodi) May 9, 2017
You would be happy to know that capacity addition in solar energy in FY17 stands at the highest-ever, at 81%.
— Narendra Modi (@narendramodi) May 9, 2017
Our focus is on boosting solar equipment manufacturing. The energy sector will gain & employment opportunities will also increase.
— Narendra Modi (@narendramodi) May 9, 2017
We also decided that in future review meetings, apart from sectoral progress we will also review district wise progress in key areas.
— Narendra Modi (@narendramodi) May 9, 2017
