ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କେବିନେଟ୍ ଏସିଆ ପ୍ରଶାନ୍ତ ବାଣିଜ୍ୟ ଚୁକ୍ତିର ଚତୁର୍ଥ ପର୍ଯ୍ୟାୟ ଆଲୋଚନା ଓ ଏ ସଂକ୍ରାନ୍ତ ସଂଶୋଧନ ଆଧାରରେ ଅଗ୍ରାଧିକାର ଭିତ୍ତିରେ ଶୁଳ୍କ ରିହାତିର ଆଦାନ-ପ୍ରଦାନକୁ ମଞ୍ଜୁରି ଦେଇଛନ୍ତି । ଏସିଆ ପ୍ରଶାନ୍ତ ବାଣିଜ୍ୟ ଚୁକ୍ତି ବା ଏପିଟିଏ (ପୂର୍ବରୁ ବ୍ୟାଙ୍କକ୍ ଚୁକ୍ତି) ହେଉଛି ଏସିଆ ଓ ପ୍ରଶାନ୍ତ ଅଂଚଳ ପାଇଁ ଜାତିସଂଘ ଆର୍ଥିକ ଓ ସାମାଜିକ କମିଶନ(ୟୁଏନ୍-ଇଏସସିଏପି)ର ଏକ ପଦକ୍ଷେପ । ଏହା ମାଧ୍ୟମରେ ଏସିଆ ପ୍ରଶାନ୍ତ ଅଂଚଳର ବିକାଶଶୀଳ ସଦସ୍ୟ ରାଷ୍ଟ୍ର ମଧ୍ୟରେ ଶୁଳ୍କ ରିହାତି ଆଦାନପ୍ରଦାନ ମାଧ୍ୟମରେ ବାଣିଜ୍ୟ ସମ୍ପ୍ରସାରଣ ହୋଇପାରୁଛି । ଏବେ ଏପିଟିଏରେ 6ଟି ରାଷ୍ଟ୍ର ହିଁ ସଦସ୍ୟ ଅଛନ୍ତି । ଏମାନେ ହେଲେ ବାଂଲାଦେଶ, ଚୀନ, ଭାରତ, ଲାଓସ, କୋରିଆ ଓ ଶ୍ରୀଲଙ୍କା ।
