ପିଏମଇଣ୍ଡିଆ
ଚତୁର୍ଥ ଭାରତ-ଜର୍ମାନୀ ଆନ୍ତଃ ସରକାର ପରାମର୍ଶ ଆଲୋଚନା ଲାଗି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସୋମବାର ଦିନ ବର୍ଲିନରେ ପହଂଚିଛନ୍ତି । ଏହା ଜର୍ମାନୀକୁ ପ୍ରଧାନମନ୍ତ୍ରୀଙ୍କ ଦ୍ୱିତୀୟ ଦ୍ୱିପାକ୍ଷିକ ଗସ୍ତ ।
ବର୍ଲିନ ବାହାରେ ସ୍ଲୋଶ ମେସେବର୍ଗଠାରେ ଚାନ୍ସେଲର ଆଞ୍ଜେଲା ମର୍କେଲ ଅଣଆନୁଷ୍ଠାନିକ ଭାବେ ଏକ ରାତ୍ରୀଭୋଜର ଆୟୋଜନ କରିଥିଲେ । ଉଭୟଙ୍କ ମଧ୍ୟରେ ପ୍ରାୟ 3 ଘଂଟା ଧରି ମତ ବିନିମୟ ହୋଇଥିଲା ଏବଂ ଉଭୟ ପକ୍ଷଙ୍କ ପାରସ୍ପରିକ ସ୍ୱାର୍ଥ ସମ୍ବନ୍ଧୀୟ ବିଷୟ ଯଥା ସ୍ମାର୍ଟ ସିଟି, ଦକ୍ଷତା ବିକାଶ, ସ୍ୱଚ୍ଛ ଉର୍ଜା ଇତ୍ୟାଦି ଏହି ଆଲୋଚନାରେ ଅନ୍ତର୍ଭୁକ୍ତ ଥିଲା । ଆଲୋଚନା ବେଳେ ଜିଏସଟି ସମେତ ଭାରତର ଅର୍ଥନୈତିକ ସଂସ୍କାର କାର୍ଯ୍ୟକ୍ରମକୁ ପ୍ରଶଂସା କରାଯାଇଥିଲା ।
ଦୁଇ ଦେଶର ନେତୃବୃନ୍ଦ ଆଂଚଳିକ ଏବଂ ଆନ୍ତର୍ଜାତିକ ପ୍ରସଙ୍ଗଗୁଡିକର ସମୀକ୍ଷା କରିଥିଲେ । ୟୁରୋପୀୟ ସଂଘ ମଧ୍ୟରେ ପାରସ୍ପରିକ ସମ୍ପର୍କର ଗୁରୁତ୍ୱ ଓ ବିଶ୍ୱରେ ସ୍ଥିରତା ବଜାୟ ରଖିବା ପାଇଁ ଏହାର ପ୍ରାସଙ୍ଗିକତା ସମ୍ବନ୍ଧରେ ମୋଦୀ ତାଙ୍କ ମତକୁ ଦୋହରାଇଥିଲେ ।
ଆଫଗାନିସ୍ଥାନରେ ଆଫଗାନଙ୍କ ନେତୃତ୍ୱରେ ପୁନର୍ମିଳନ କାର୍ଯ୍ୟର ଗୁରୁତ୍ୱ ପାଇଁ ଉଭୟ ନେତା ସେମାନଙ୍କ ମନ୍ତବ୍ୟକୁ ଦୋହରାଇ ଥିଲେ । ଉଗ୍ରବାଦ ଓ ସନ୍ତ୍ରାସବାଦ ଏହି ଆଲୋଚନାରେ ଅନ୍ତର୍ଭୁକ୍ତ ଥିଲା । ଚୀନର ଓବିଓଆର (OBOR) କାର୍ଯ୍ୟକ୍ରମ ଓ ଜଳବାୟୁ ପରିବର୍ତ୍ତନ ଏହି ଆଲୋଚନାର ଅଂଶବିଶେଷ ଥିଲା ।
ପୂର୍ବରୁ ସ୍ଲୋଶ ମେସେବର୍ଗଙ୍କ ଆଗମନରେ ପ୍ରଧାନମନ୍ତ୍ରୀ ମୋଦୀ ପରିଦର୍ଶକ ପୁସ୍ତକରେ ଦସ୍ତଖତ କରିଥିଲେ । କଂଟ୍ରି ରେସିଡେନ୍ସୀ ଲନରେ ଉଭୟ ନେତା ମିଳିତ ଭାବେ ଚଲାବୁଲା କରିଥିଲେ ।
**********
In Deutschland angekommen. pic.twitter.com/kcudTH3IGj
— Narendra Modi (@narendramodi) May 29, 2017
Ich bin sicher, dieser Besuch wird zu vorteilhaften Ergebnissen führen und die deutsch-indische Freundschaft vertiefen. pic.twitter.com/jgbL3UOjVe
— Narendra Modi (@narendramodi) May 29, 2017
Reached Germany. I am sure this visit will lead to beneficial outcomes & deepen India-Germany friendship. pic.twitter.com/RdYLWUYeMn
— Narendra Modi (@narendramodi) May 29, 2017
Had a very good interaction with Chancellor Merkel. pic.twitter.com/5SQb5l205M
— Narendra Modi (@narendramodi) May 29, 2017
