ପିଏମଇଣ୍ଡିଆ

ବିଜ୍ଞାନ କ୍ଷେତ୍ରରେ ବଳିଷ୍ଠ ଯୋଗଦାନ ପାଇଁ ସାର୍ ସିଭି ରମଣଙ୍କୁ ସ୍ମରଣ କଲେ ଶ୍ରୀ ନରେନ୍ଦ୍ର ମୋଦୀ

ଜାତୀୟ ବିଜ୍ଞାନ ଦିବସ ଅବସରରେ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦେଶର ବୈଜ୍ଞାନିକମାନଙ୍କୁ ଶୁଭକାମନା ଜଣାଇଛନ୍ତି ।

ଏହି ଅବସରରେ ସେ ବିଜ୍ଞାନ କ୍ଷେତ୍ରକୁ ବଳିଷ୍ଠ ଅବଦାନ ଲାଗି ସାର୍ ସି.ଭି. ରମଣଙ୍କ ସ୍ମୃତିଚାରଣ କରିଥିଲେ ।

ପ୍ରଧାନମନ୍ତ୍ରୀ ତାଙ୍କ ଶୁଭେଚ୍ଛା ବାର୍ତ୍ତାରେ କହିଥିଲେ ଯେ, “ଜାତୀୟ ବିଜ୍ଞାନ ଦିବସ ଉପଲକ୍ଷେ ମୁଁ ଦେଶର ବୈଜ୍ଞାନିକମାନଙ୍କୁ ଅଭିନନ୍ଦନ ଏବଂ ଶୁଭକାମନା ଜଣାଉଛି । ରାଷ୍ଟ୍ର ନିର୍ମାଣ ଏବଂ ବିକାଶ କ୍ଷେତ୍ରରେ ସେମାନଙ୍କ ଯୋଗଦାନ ଅତୁଳନୀୟ ।

ବିଜ୍ଞାନ କ୍ଷେତ୍ରକୁ ସାର ସି.ଭି. ରମଣଙ୍କ ଅତୁଳନୀୟ ଯୋଗଦାନ ପ୍ରତି ଆମେ ଅଭିବାଦନ ଜଣାଉଛୁ । ତାଙ୍କ ଉପଲବ୍ଧୀ ପରବର୍ତ୍ତୀ ପୀଢ଼ିର ବିଜ୍ଞାନପ୍ରେମୀ ଲୋକମାନଙ୍କୁ ଅନୁପ୍ରାଣିତ କରିଆସିଛି”, ବୋଲି ପ୍ରଧାନମନ୍ତ୍ରୀ ତାଙ୍କ ବାର୍ତ୍ତାରେ କହିଛନ୍ତି ।