ପିଏମଇଣ୍ଡିଆ
ଆପଣମାନଙ୍କୁ ସମସ୍ତଙ୍କୁ 2019ର ଅନେକ ଅନେକ ଶୁଭକାମନା । ଆଜି ବଜେଟ ଅଧିବେଶନ ଆରମ୍ଭ ହେଉଛି । କିଛି ସମୟ ପରେ ଆଦରଣୀୟ ରାଷ୍ଟ୍ରପତି ମହୋଦୟ ଉଭୟ ସଦନର ମିଳିତ ଅଧିବେଶନକୁ ସମ୍ବୋଧିତ କରିବେ । ଗତଥର ସଦନର ବ୍ୟବହାର ଆମେ ସମସ୍ତେ ଦେଖିଛେ । ସମ୍ପ୍ରତି ଦେଶରେ ଏକ ସଚେତନତା ରହିଛି, ପ୍ରତି ନାଗରିକ ସଦନର ଗତିବିଧିକୁ ଅତି ତୀକ୍ଷ୍ନ ଦୃଷ୍ଟିରେ ଦେଖୁଛନ୍ତି ଏବଂ ଏବେ ଦେଶର ପ୍ରତ୍ୟେକ ଛୋଟ ମୋଟ ଘଟଣାର ପହଂଚ ବଢ଼ିଛି ତେଣୁ ସାଧାରଣ ମଣିଷ ପାଖେ ସବୁ କଥା ପହଂଚୁଛି । ଏହି କାରଣରୁ ଆଲୋଚନାରେ ଯାହାର ଆଗ୍ରହ ନଥାଏ, ତର୍କରେ ଯାହାର ଆଗ୍ରହ ନଥାଏ, ସେମାନଙ୍କ ପ୍ରତି ସମାଜରେ ସ୍ୱାଭାବିକ ଭାବେ ଅସୂୟା ଭାବ ସୃଷ୍ଟି ହୋଇଥାଏ ।
ମୁଁ ଆଶା କରୁଛି କି ଆମର ସମସ୍ତ ଆଦରଣୀୟ ସାଂସଦ ଏହି ଜନ ଭାବନାକୁ ଧ୍ୟାନରେ ରଖି ଏହି ବଜେଟ ଅଧିବେଶନର ଉପଯୋଗ କରନ୍ତୁ ଏବଂ ଗଭୀରତାର ସହିତ, ବିସ୍ତୃତ ଭାବେ, ସୂଚନାରେ ପରିପୂର୍ଣ୍ଣ ଚର୍ଚ୍ଚାରେ ଭାଗ ନିଅନ୍ତୁ, ନିଜର ବିଚାର ରଖନ୍ତୁ, ସଦନକୁ ଲାଭାନ୍ୱିତ କରନ୍ତୁ, ସରକାରଙ୍କୁ ମଧ୍ୟ ଲାଭାନ୍ୱିତ କରନ୍ତୁ ଏବଂ ଆମ ପାଖରେ ଏହି ଅଧିବେଶନରେ ଯେତେ ବି କାମ ରହିଛି, ଏହାର ସର୍ବାଧିକ ଉପଯୋଗ ଆମର ସମସ୍ତ ଆଦରଣୀୟ ସାଂସଦ କରନ୍ତୁ; ଏହିପରି ଆଶା ମୋର ସେମାନଙ୍କଠାରୁ ରହିଛି ଏବଂ ମୁଁ ଏହା ମଧ୍ୟ ଜାଣିଛି ଯେ ଏବେ ସେମାନଙ୍କୁ ନିଜ ନିଜ କ୍ଷେତ୍ରକୁ ଯିବାର ଅଛି ଓ ସଦନ ସଦୁପଯୋଗର ଲାଭ ମଇଦାନରେ ସଦସ୍ୟମାନଙ୍କ ପ୍ରତି ଜନସାଧାରଣଙ୍କ ବ୍ୟବହାରରେ ନଜର ଆସିଥାଏ ।
ମୋର ବିଶ୍ୱାସ ଯେ ଏହି ଗମ୍ଭୀରତାକୁ ସମସ୍ତେ ସ୍ୱୀକାର କରିବେ । ସବକା ସାଥ-ସବକା ବିକାଶ-ଏହି ମନ୍ତ୍ରକୁ ନେଇ ଆମେ ଚାଲିଛୁ, ଆଗକୁ ମଧ୍ୟ ଏଥିପାଇଁ ଆମେ ପ୍ରତିବଦ୍ଧ ତଥା ସଂକଳ୍ପବଦ୍ଧ । ସଦନରେ ମଧ୍ୟ ସମସ୍ତଙ୍କୁ ସାଥିରେ ନେଇ ଦେଶର ବିକାଶ ପାଇଁ କାମ କରିବାର ନିର୍ଣ୍ଣୟ ସହିତ ଆମେ ଆଗକୁ ବଢ଼ିବାକୁ ଚାହୁଁ । ଆମର ପୁରା ପ୍ରଚେଷ୍ଟା ରହିବ, ପତ୍ୟେକ ବିଷୟ ଉପରେ ଚର୍ଚ୍ଚା କରିବା ପାଇଁ ଆମେ ଉତ୍ସୁକ । ମୁଁ ଖୋଲା ମନରେ ଚର୍ଚ୍ଚାର ସ୍ୱାଗତ କରିବି, ସଦନର କାର୍ଯ୍ୟଧାରା ସଠିକ ଢ଼ଙ୍ଗରେ ଚାଲୁ, ମୁଁ ଏହାର ସ୍ୱାଗତ କରିବି, ମୁଁ ସ୍ୱାଗତ କରିବି କି ଏଠାରେ ସମସ୍ତ ସଦସ୍ୟ ମିଳିତ ଭାବେ ଆଗାମୀ ଭାରତର ନିର୍ମାଣରେ କିଛି ନା କିଛି ଯୋଗଦାନ କରିବାର ଗର୍ବ ପ୍ରାପ୍ତ କରନ୍ତୁ ।
ବହୁତ ବହୁତ ଧନ୍ୟବାଦ ।
**********
‘Sabka Saath, Sabka Vikas’ is our Mantra and this spirit will also be seen in the Parliament. We are looking forward to discussing every issue: PM @narendramodi at the start of the Parliament session in Delhi
— PMO India (@PMOIndia) January 31, 2019
