ପିଏମଇଣ୍ଡିଆ
ନିଶା ଔଷଧ ଏବଂ ମାନସିକ ସ୍ୱାସ୍ଥ୍ୟ ଉତ୍ପାଦ ଏବଂ ପୂରୋଗାମୀ ରସାୟନ ତଥା ତତସମ୍ବନ୍ଧୀୟ ମାମଲାରେ ବେଆଇନ ଔଷଧ କାରବାର ନିଷେଧ ଏବଂ ଚୋରା କାରବାର ରୋକିବା ଲାଗି ଭାରତ ଏବଂ ନେପାଳ ମଧ୍ୟରେ ବୁଝାମଣାପତ୍ର (ଏମ୍ଓୟୁ) ସ୍ଵାକ୍ଷରିତ ହେବ । ପ୍ରସ୍ତାବିତ ବୁଝାମଣା ପତ୍ରକୁ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା କେନ୍ଦ୍ର କ୍ୟାବିନେଟ୍ ବୈଠକରେ ଅନୁମୋଦନ ମିଳିଛି ।
ଏହି ଏମ୍ଓୟୁ ଦ୍ୱାରା ଦୁଇ ଦେଶ ମଧ୍ୟରେ ଔଷଧ ସଂକ୍ରାନ୍ତ ପ୍ରସଙ୍ଗରେ ସହଯୋଗ ବୃଦ୍ଧି ପାଇବ । ଏହା ମଧ୍ୟ ସୂଚନା ଆଦାନ ପ୍ରଦାନ ବ୍ୟବସ୍ଥାକୁ ବିକଶିତ କରିବ । ଏମ୍ଓୟୁ କାର୍ଯ୍ୟକାରୀ କରିବା ଲାଗି ଦୁଇ ଦେଶର ଅଧିକୃତ କର୍ତ୍ତୃପକ୍ଷଙ୍କ ମଧ୍ୟରେ ସୂଚନା ଆଦାନ ପ୍ରଦାନ ମଧ୍ୟ ସମ୍ଭବ ହୋଇପାରିବ ।
ବୁଝାମଣା ଦ୍ଵାରା ନିଶା ଔଷଧ, ମାନସିକ ସ୍ୱାସ୍ଥ୍ୟ ଉତ୍ପାଦ ଏବଂ ପୂରୋଗାମୀ ରସାୟନ ଆଦିର ବେଆଇନ କାରବାର ରୋକିବା କ୍ଷେତ୍ରରେ ଦୁଇ ଦେଶ ପରସ୍ପରର ସହଯୋଗ କରିପାରିବେ ।
**********
