ପିଏମଇଣ୍ଡିଆ

ମହାମାନ୍ୟଗଣ,

ଆପଣମାନଙ୍କ ବଚନବଦ୍ଧତା ପାଇଁ ମୁଁ ପ୍ରତେକଙ୍କୁ ଧନ୍ୟବାଦ ଜଣାଇବାକୁ ଚାହୁଁଛି ।

ଆପଣମାନଙ୍କ ଚିନ୍ତାଧାରା ଆଜିର ଉପଗ୍ରହ ପ୍ରକ୍ଷେପଣ ଅବସରରେ ଭାବନା ଆକାରରେ ଗୁଞ୍ଜରିତ ହେଉଛି ।

ଦକ୍ଷିଣ ଏସୀୟ ଉପଗ୍ରହ ଆମକୁ ଏହି ବାର୍ତ୍ତା ଦେଉଛି ଯେ ସମଭାବାପନ୍ନ ରାଷ୍ଟ୍ରଗୁଡିକ ମଧ୍ୟରେ ଆଞ୍ଚଳିକ ସହଯୋଗ ଆକାଶ ଭଳି ଅସିମୀତ ହେବା ଉଚିତ ।
“ସବକା ସାଥ ସବକା ବିକାଶ”, ଦକ୍ଷିଣ ଏସିଆରେ କାର୍ଯ୍ୟ ଏବଂ ସହଯୋଗ ବୃଦ୍ଧି କରିବାରେ ମାର୍ଗଦର୍ଶନ କରିବ ।

ଏବଂ ଆମ ଲୋକମାନଙ୍କ ଅର୍ଥନୈତିକ ସମୃଦ୍ଧି ହାସଲ କରିବା ଲାଗି ଆମର ପ୍ରମୁଖ ଲକ୍ଷ୍ୟ ସାଧିତ ହୋଇପାରିବ । ଏବଂ ଏହା ଭିତରେ ଆପଣମାନେ ଏକ ସୁଦୃଢ ତଥା ସମର୍ପିତ୍ତ ସହଯୋଗୀ ଭାବେ ଭାରତକୁ ପାଇପାରିବେ ଯାହା ବାସ୍ତବରେ ସେହି ସଂକଳ୍ପ ଓ ସିଦ୍ଧାନ୍ତରେ ବିଶ୍ଵାସ କରିଥାଏ ।

ଆଜି ଦକ୍ଷିଣ ଏସୀୟ ଉପଗ୍ରହ ପ୍ରକ୍ଷେପଣ ସମାରୋହକୁ ଉପଭୋଗ କରିବା ଲାଗି ମୋ ସହିତ ଉପସ୍ଥିତ ରହିଥିବାରୁ ମୁଁ ପୁଣିଥରେ ଆପଣମାନଙ୍କୁ ଧନ୍ୟବାଦ ଦେବାକୁ ଚାହୁଁଛି ।

ଆପଣମାନଙ୍କ ସୁଦୃଢ ଏବଂ ନିରନ୍ତର ସହଯୋଗ କାରଣରୁ ଏହି ପରିକଳ୍ପନା ବାସ୍ତବ ରୂପ ନେଇପାରିଛି ।

ଆଞ୍ଚଳିକ ଅଭିବୃଦ୍ଧି ଏବଂ ସମୃଦ୍ଧି ଲାଗି ଆମ ସମସ୍ତଙ୍କ ସାଧାରଣ ଏବଂ ସାମୁହିକ ଉଦ୍ୟମର ଆନନ୍ଦ ଉପଭୋଗ କରିବା ଲାଗି ବାରମ୍ବାର ଏପରି ଅବସର ମିଳୁ ବୋଲି ଶେଷରେ ମୁଁ ଆଶା କରୁଛି ।

ଧନ୍ୟବାଦ । ବହୁତ ବହୁତ ଧନ୍ୟବାଦ ।