ପିଏମଇଣ୍ଡିଆ

ଦୂରସଞ୍ଚାର ସେବା କ୍ଷେତ୍ରରେ ଦେଖାଦେଇଥିବା ଆର୍ଥିକ ସଙ୍କଟକୁ ନିମ୍ନଲିଖିତ ଉପାୟରେ ହ୍ରାସ କରିବା ସଂକ୍ରାନ୍ତ ପ୍ରସ୍ତାବକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି ।

ଦୂରସଞ୍ଚାର ବିଭାଗ ଏହି ଉପାୟ ଅନ୍ତର୍ଗତ ଦୂରସଞ୍ଚାର ସେବା ପ୍ରଦାନକାରୀ (ଟିଏସପି)ମାନଙ୍କୁ 2020-21 ଓ 2021-22 ଆର୍ଥିକ ବର୍ଷ ଲାଗି ସ୍ପେକ୍ଟ୍ରମ ନିଲାମିର ବକେୟା କିସ୍ତି ପରିଶୋଧକୁ ବର୍ଷେ କିମ୍ବା ଦୁଇ ବର୍ଷ ପାଇଁ ସ୍ଥଗିତ କରିବା ଲାଗି ବିକଳ୍ପ ଦିଆଯିବ । ଟିଏସପି ଏହି ସ୍ଥଗିତ ଅର୍ଥ ରାଶିକୁ ପୁରୁଣା ଦେୟ ପଇଠ କରିପାରିବେ । ତେବେ ସମ୍ପୃକ୍ତ ସ୍ପେକ୍ଟ୍ରମ ନିଲାମି କରିବା ସମୟରେ ଯାହା ସୁଧ ହେବ ତାହାର ପରିଶୋଧ କରିବାକୁ ପଡିବ, ଫଳରେ ଏନପିଭିକୁ ସଂରକ୍ଷିତ ରଖାଯାଇପାରିବ ।

ସ୍ପେକ୍ଟ୍ରମ ନିଲାମି ସହ ଜଡିତ କିସ୍ତି ଆଦାୟକୁ ସ୍ଥଗିତ ରଖାଯିବା ଦ୍ଵାରା ସଙ୍କଟଗ୍ରସ୍ତ ଟିଏସପି ନିକଟରେ ନଗଦ ପ୍ରବାହ ଉପଲବ୍ଧ ରହିବ ଏବଂ ସେମାନଙ୍କୁ ବୈଧାନିକ ଦେୟ ସହିତ ବ୍ୟାଙ୍କ ଋଣ ଉପରେ ସୁଧ ପଇଠ କରିବାରେ ମଧ୍ୟ ସୁବିଧା ମିଳିବ । ଏହାଛଡା ଟିଏସପିର ପରିଚାଳନା ଜାରି ରହିବା ଫଳରେ ନିଯୁକ୍ତି ସୁଯୋଗ ସୃଷ୍ଟି ଏବଂ ଆର୍ଥିକ ବିକାଶ ତ୍ୱରାନ୍ୱିତ ହେବ । କେବଳ ସେତିକି ନୁହେଁ, ଟିଏସପିର ଆର୍ଥିକ ସ୍ଥିତି ଉନ୍ନତ ରହିବା ଫଳରେ ଉପଭୋକ୍ତାମାନଙ୍କୁ ଦିଆଯାଉଥିବା ସେବାର ଗୁଣବତ୍ତା ବଜାୟ ରଖିବା ମଧ୍ୟ ସହଜ ହେବ ।

ସ୍ପେକ୍ଟ୍ରମ ନିଲାମିର କିସ୍ତି ଆଦାୟକୁ ଦୁଇ ବର୍ଷ ପର୍ଯ୍ୟନ୍ତ ସ୍ଥଗିତ ରଖାଯିବା ନିଷ୍ପତ୍ତି 15 ଦିନ ମଧ୍ୟରେ ଲାଗୁ କରିଦିଆଯିବ । ଦୂରସଞ୍ଚାର ମନ୍ତ୍ରୀଙ୍କ ମଞ୍ଜୁରି ମିଳିବା ପରେ ଲାଇସେନ୍ସରେ ସଂଶୋଧନକୁ ଅତିଶୀଘ୍ର ଜାରି କରିଦିଆଯିବ ।

******