ପିଏମଇଣ୍ଡିଆ

ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଭାରତରେ ଜଳ ସଂରକ୍ଷଣ ଲାଗି ଏକ ବ୍ୟାପକ ଜାତୀୟ ଅଭିଯାନ ସକାଶେ ଭାରତ ଏବଂ ଇସ୍ରାଏଲ୍ ମଧ୍ୟରେ ବୁଝାମଣାପତ୍ର (ଏମ୍ଓୟୁ)କୁ କେନ୍ଦ୍ର କ୍ୟାବିନେଟର ଅନୁମୋଦନ ମିଳିଛି  ।

ପରବର୍ତ୍ତୀ ପିଢ଼ି ପାଇଁ ଜଳ ସଂରକ୍ଷଣ କରି ରଖିବାରେ ଦେଶ ପାଇଁ ଏହା ସହାୟକ ହେବ  ।

ଭାରତରେ ଏକ ଜାତୀୟ ଜଳ ସଂରକ୍ଷଣ ଅଭିଯାନ ଲାଗି ପେଶାଦାର ଢଙ୍ଗରେ ଜାତୀୟ, ଆଂଚଳିକ ଏବଂ ଅନ୍ତର୍ଜାତୀୟ ସ୍ତରରେ ଯୋଜନା ପ୍ରସ୍ତୁତ କରିବା, କାର୍ଯ୍ୟକାରୀ କରିବା ଏବଂ ତଦାରଖ କରିବା ଲାଗି ଦୁଇ ଦେଶ ପାରସ୍ପରିକ ସହଯୋଗ ବୃଦ୍ଧି କରିବେ  । ଜଳ ସଂରକ୍ଷଣ ଅଭିଯାନରେ ନିମ୍ନୋକ୍ତ ଲକ୍ଷ୍ୟ ହାସଲ ପାଇଁ ଦୁଇ ଦେଶର ମନ୍ତ୍ରଣାଳୟ ମିଳିତ ଭାବେ କାର୍ଯ୍ୟ କରିବା ଲାଗି ସହମତ ହୋଇଛନ୍ତି  ।

କ.     ଭାରତରେ ଜଳ ସଂରକ୍ଷଣକୁ ଜାତୀୟ ଉଦ୍ଦେଶ୍ୟ ଭାବେ ଗ୍ରହଣ କରାଯିବ

ଖ.     ଦୈନନ୍ଦିନ ଜୀବନରେ ଜଳ ସଂଚୟ ଲାଗି ପ୍ରତ୍ୟେକ ନାଗରିକକୁ ଉତ୍ସାହିତ କରାଯିବ  ।

ଗ.     ଜଳ ସଂରକ୍ଷଣ ସମ୍ପର୍କରେ ସଚେତନତା ସୃଷ୍ଟି କରାଯିବ ।

ଘ.     ଜଳର ପୁନଃବ୍ୟବହାର, ବିଶୋଧନ ଏବଂ ପୁନଃସକ୍ରିୟତାକୁ ପ୍ରୋତ୍ସାହନ ଦିଆଯିବ  ।

ଙ.     ଜଳ ସଂରକ୍ଷଣ ବିଷୟରେ ୱେବସାଇଟ୍, ମୋବାଇଲ୍ ଆପ୍ଲିକେସନ୍ ଆଦି ଡିଜିଟାଲ୍ ଟୁଲ୍ ବିକଶିତ କରାଯିବ  ।

**********