ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଭାରତରେ ନିବେଶ ଭିତ୍ତିଭୂମି ପାଇଁ ବ୍ୟବସ୍ଥା (ମେକାନିଜମ) ଲାଗି ବୁଝାମଣାପତ୍ରକୁ ଅନୁମୋଦନ କରିଛନ୍ତି ।
ଦେଶରେ ଭିତ୍ତିଭୂମି କ୍ଷେତ୍ରରେ ସମ୍ଭାବ୍ୟ ନିବେଶକୁ ଆକୃଷ୍ଟ କରିବା ଲାଗି ସାଉଦୀ ଆରବର ସଂସ୍ଥାନଗୁଡ଼ିକ ସହିତ ସମ୍ପର୍କ ପ୍ରତିଷ୍ଠା ଦିଗରେ ଏହି ଏମଓୟୁ ଏକ ପଦକ୍ଷେପ । ଏହା ଦ୍ୱାରା ଦେଶରେ ଭିତ୍ତିଭୂମି ବିକାଶକୁ ପ୍ରୋତ୍ସାହନ, ଅଧିକ ନିଯୁକ୍ତି ସୁଯୋଗ ସୃଷ୍ଟି, ଆନୁସଙ୍ଗିକ ଶିଳ୍ପ/କ୍ଷେତ୍ରର ଅଭିବୃଦ୍ଧି ହୋଇପାରିବ ଯାହା ଜିଡିପି ବୃଦ୍ଧି ଏବଂ ସାମଗ୍ରୀକ ଆର୍ଥିକ ସମୃଦ୍ଧି ଦିଗରେ ବାଟ କଢେଇ ନେବ ।
