ପିଏମଇଣ୍ଡିଆ

ଦେଶର ବିଭିନ୍ନ ସ୍ଥାନରେ ନୂତନ ସାମ୍ବତ୍ସରିକ ବର୍ଷର ଶୁଭାରମ୍ଭ ଏବଂ ଏହା ପାଳନ କରୁଥିବା ଅଞ୍ଚଳର ନାଗରିକମାନଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି । କ୍ରମାଗତ ଟ୍ଵିଟ ଜରିଆରେ ପ୍ରଧାନମନ୍ତ୍ରୀ ଜନତାଙ୍କ ପାଇଁ ନବ ବର୍ଷ ଅନେକ ଖୁସି, ସମୃଦ୍ଧି ଓ ଶାନ୍ତି ଆଣିଦେବ ବୋଲି ଶୁଭ ମନାସିଛନ୍ତି ।

“ଦେଶର ବିଭିନ୍ନ ଭାଗରେ ଜନସାଧାରଣ ନବ ସାମ୍ବତ୍ସରିକ ବର୍ଷର ଆରମ୍ଭକୁ ପାଳନ କରୁଛନ୍ତି । ସମସ୍ତଙ୍କୁ ନବ ବର୍ଷର ଶୁଭକାମନା । ନୂତନ ବର୍ଷ ଶାନ୍ତି, ଖୁସି ଓ ସମୃଦ୍ଧି ଆଣିଦେଉ ।

ନବ ବର୍ଷ ଓ ନବରାତ୍ରି ଅବସରରେ କୋଟି କୋଟି ଅଭିନନ୍ଦନ । ନୂତନ ସମ୍ବତ୍ସର ଆମ ସମସ୍ତଙ୍କ ଜୀବନରେ ସମୃଦ୍ଧି, ସୁଖ ଓ ଉତ୍ତମ ସ୍ୱାସ୍ଥ୍ୟ ଆଣିଦେଉ ।

ମଣିପୁରର ଭାଇ ଓ ଭଉଣୀମାନଙ୍କୁ ମୋର ସାଜିବୁ ଚେରାଅବା । ଏହା ଆନନ୍ଦ ଓ ସମ୍ପ୍ରୀତିର ବର୍ଷ ହେଉ ।

ପବିତ୍ର ନବରେହ ପାଳନ କରୁଥିବା ଲୋକମାନଙ୍କୁ ମୋର ଶୁଭକାମନା । ନୂତନ ବର୍ଷ ସମସ୍ତଙ୍କ ଲାଗି ସମ୍ପୂର୍ଣ୍ଣତା ଓ ଉତ୍ତମ ସ୍ୱାସ୍ଥ୍ୟ ଆଣିଦେଉ ।

ଉଗାଡି ପାଳନ କରୁଥିବା ସବୁ ନାଗରିକଙ୍କୁ ମୋର ଅଭିନନ୍ଦନ । ନୂତନ ବର୍ଷରେ ଆପଣଙ୍କ ସମସ୍ତ ଆଶା ଓ ଆକାଂକ୍ଷା ପୂରଣ ହେଉ ଏବଂ ଚତୁର୍ଦ୍ଦିଗରେ ସୁଖ ବିରାଜମାନ କରୁ ।

ସିନ୍ଧି ସମ୍ପ୍ରଦାୟକୁ ଛେତି ଚାନ୍ଦର ଶୁଭକାମନା । ଭଗବାନ ଝୁଲେଲାଲ ସମସ୍ତଙ୍କ କଲ୍ୟାଣ କରନ୍ତୁ ଏବଂ ଆସୁଥିବା ନୂଆ ବର୍ଷ ଖୁସି ଓ ସ୍ମରଣୀୟ ହେଉ ।

ସ୍ଵତନ୍ତ୍ର ଗୁଡି ପଡୱ ଅବସରରେ ମହାରାଷ୍ଟ୍ରର ଲୋକମାନଙ୍କୁ ମୋର ଶୁଭେଚ୍ଛା ଓ ଅଭିନନ୍ଦନ । ଆଗାମୀ ନବ ସମ୍ବତ୍ସର ସମସ୍ତଙ୍କ ଲାଗି ସୁଖ, ସମୃଦ୍ଧି ଓ ଉତ୍ତମ ସ୍ୱାସ୍ଥ୍ୟ ଆଣିଦେବ,” ବୋଲି ପ୍ରଧାନମନ୍ତ୍ରୀ କହିଛନ୍ତି ।