ପିଏମଇଣ୍ଡିଆ

ଭାରତର ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦଙ୍କ ଦ୍ୱାରା ସଂସଦର କେନ୍ଦ୍ରୀୟ ହଲରେ ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ଅଟଳ ବିହାରୀ ବାଜପାୟୀଙ୍କର ଏକ ତୈଳଚିତ୍ର ଉନ୍ମୋଚନ କରାଯାଇଛି ।

ଏହି ଅବସରରେ ଉପରାଷ୍ଟ୍ରପତି ଶ୍ରୀ ଏମ ଭେଙ୍କେୟା ନାଇଡୁ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ, ଲୋକସଭା ବାଚସ୍ପତି ଶ୍ରୀମତି ସୁମିତ୍ରା ମହାଜନ ଓ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

ପ୍ରଧାନମନ୍ତ୍ରୀ ଏହି ସମ୍ମେଳନକୁ ସମ୍ବୋଧିତ କରିଥିଲେ । କ୍ରମାଗତ ଟ୍ୱିଟ୍ଟ ଜରିଆରେ ପ୍ରଧାନମନ୍ତ୍ରୀ ପ୍ରକାଶ କରିଥିଲେ ଯେ:
“ଏବେଠାରୁ ଅଟଳ ଜୀ ସବୁଦିନ ପାଇଁ ସଂସଦର କେନ୍ଦ୍ରୀୟ ହଲରେ ସବୁବେଳ ପାଇଁ ରହି ଆମକୁ ଅନୁପ୍ରାଣିତ କରିବେ ଏବଂ ଆଶୀର୍ବାଦ କରିବେ ।

ଅଟଳ ଜୀଙ୍କ ଭଲ କଥା କହିଲେ ଘଂଟା ଘଂଟା ଲାଗିଯିବ ।

ଅଟଳଜୀଙ୍କ ଏକ ଦୀର୍ଘ ରାଜନୈତିକ ଜୀବନ ଥିଲା ଏବଂ ଏହାର ଅଧିକାଂଶ ଭାଗ ବିରୋଧି ପକ୍ଷରେ ରହି କଟିଥିଲା ।
ତଥାପି ସେ ଜନସାଧାରଣଙ୍କ ସ୍ୱାର୍ଥ ନିହିତ ଥିବା ସ୍ୱର ଉଠାଇବା ଜାରି ରଖିଥିଲେ ଏବଂ ତାଙ୍କ ଆଦର୍ଶବାଦରୁ କେବେ ହେଲେ ମଧ୍ୟ ବିଚ୍ୟୁତ ହୋଇନଥିଲେ ।

ଅଟଳ ଜୀଙ୍କ ବକ୍ତବ୍ୟରେ ଶକ୍ତି ଥିଲା ଏବଂ ଅଟଳ ଜୀଙ୍କ ନୀରବତାରେ ମଧ୍ୟ ସମ ପରିମାଣର ଶକ୍ତି ଥିଲା ।

ଲୋକଙ୍କ ସହିତ ତାଙ୍କ ଯୋଗାଯୋଗ ଦକ୍ଷତା ଥିଲା ଅଦ୍ଭୁତ । ତାଙ୍କ ମଜା କରିବାର ଅନ୍ଦାଜ ମଧ୍ୟ ଚମତ୍କାର ଥିଲା ।”