ପିଏମଇଣ୍ଡିଆ

ଭିଏତନାମ ଜାତୀୟ ସଂସଦର ସଭାପତି ମହାମାନ୍ୟ ଶ୍ରୀମତୀ ଏନଗୁଏନ ଥୀ କିମ ଏନଗାଁ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।

ପ୍ରଧାନମନ୍ତ୍ରୀ ସାକ୍ଷାତ ଆଲୋଚନା ବେଳେ ତାଙ୍କର ଗତ ସେପ୍ଟେମ୍ବରରେ ଭିଏତନାମ ଗସ୍ତ କାଳରେ ହାନୋଇଠାରେ ଏନଗାଁଙ୍କ ସହିତ ହୋଇଥିବା କଥାବାର୍ତ୍ତାକୁ ସ୍ମରଣ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ, ଭିଏତନାମର ଜାତୀୟ ସଂସଦର ମୁଖ୍ୟ ଭାବେ ଅବସ୍ଥାପିତ ହେବାରେ ଏନଗାଁ ହେଉଛନ୍ତି ପ୍ରଥମ ମହିଳା ଏବଂ ସେ ବିଶ୍ଵର ମହିଳାମାନଙ୍କ ପାଇଁ ପ୍ରେରଣାର ଏକ ଉତ୍ସ ।

ପ୍ରଧାନମନ୍ତ୍ରୀ ଏହି ଅବସରରେ ଭାରତ ଓ ଭିଏତନାମ ମଧ୍ୟରେ ସଂସଦୀୟ ମତ ବିନିମୟକୁ ସ୍ଵାଗତ କରିଥିଲେ । ଦୁଇ ଦେଶର ଯୁବ ସାଂସଦମାନଙ୍କ ମଧ୍ୟରେ ମତ ବିନିମୟ କାର୍ଯ୍ୟକ୍ରମ ଆନୁଷ୍ଠାନିକ ଭାବେ ଆରମ୍ଭ କରିବା ଉପରେ ପ୍ରଧାନମନ୍ତ୍ରୀ ଗୁରୁତ୍ଵାରୋପ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ, ଆଜି ଭାରତ-ଭିଏତନାମ ମଧ୍ୟରେ ପରମାଣୁ ଶକ୍ତିର ଶାନ୍ତିପୂର୍ଣ୍ଣ ଉପଯୋଗ ସଂକ୍ରାନ୍ତ ସହଯୋଗ ରାଜିନାମା ଦସ୍ତଖତ ହେଉଛି ଯାହାକି ଦୁଇ ଦେଶ ମଧ୍ୟରେ ସୁପରିକଳ୍ପିତ ରଣନୀତିକ ଭାଗୀଦାରିତାକୁ ଆହୁରି ମଜବୁତ କରିବ ।