ପିଏମଇଣ୍ଡିଆ

ନାଗାଲେଣ୍ଡ ଗାଓଁ ବୁରା ମହାସଂଘର ଏକ 15 ଜଣିଆ ପ୍ରତିନିଧି ଦଳ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ନାଗାଲେଣ୍ଡ ଗାଓଁ ବୁରା ମହାସଂଘ ହେଉଛି ନାଗା ଗ୍ରାମ ସମୂହର ଗାଁ ମୁଖିଆମାନଙ୍କର ଏକ ବୃହତ ସଂଗଠନ ।

ପ୍ରତିନିଧିମାନେ କହିଛନ୍ତି ଯେ, ପ୍ରଧାନମନ୍ତ୍ରୀଙ୍କୁ ଭେଟି ସେମାନେ ବହୁତ ଆନନ୍ଦିତ । ନାଗା ଶାନ୍ତି ପ୍ରକ୍ରିୟାରେ ପ୍ରଧାନମନ୍ତ୍ରୀଙ୍କ ପଦକ୍ଷେପକୁ ସେମାନେ ପୂର୍ଣ୍ଣ ସମର୍ଥନ ବ୍ୟକ୍ତ କରିଛନ୍ତି । ସେମାନେ କହିଛନ୍ତି ନାଗା ଶାନ୍ତି ପ୍ରକ୍ରିୟାକୁ ନାଗାଲେଣ୍ଡର ସମସ୍ତ ନାଗରିକ ସମାଜ, ସଂଗଠନ ଓ ଆଦିବାସୀ ସଂପ୍ରଦାୟ ପୂର୍ଣ୍ଣ ସମର୍ଥନ ଜଣାଇବା ସହ ଏହି ଅଞ୍ଚଳରେ ଶାନ୍ତି ପ୍ରତିଷ୍ଠା ଲାଗି ପ୍ରବଳ ଆଗ୍ରହ ପ୍ରକଟ କରିଛନ୍ତି ।

ପ୍ରଧାନମନ୍ତ୍ରୀ ଶ୍ରୀ ମୋଦୀ ଆଲୋଚନା କାଳରେ କହିଛନ୍ତି ଯେ, ଗାଁ ମୁଖିଆମାନଙ୍କ ପ୍ରତିନିଧିଙ୍କୁ ସାକ୍ଷାତ କରି ସେ ବହୁତ ଖୁସି । ସେ ଆହୁରି ମଧ୍ୟ ଆନନ୍ଦିତ ଯେ, ପ୍ରତିନିଧିମାନେ ଶାନ୍ତିର ବାର୍ତ୍ତା ନେଇ ଆସିଛନ୍ତି । ନାଗା ଗାଁ ମୁଖିଆ ମହାସଂଘର ସମର୍ଥନ ଓ ପ୍ରଶଂସା ପାଇଁ ପ୍ରଧାନମନ୍ତ୍ରୀ ଧନ୍ୟବାଦ ଅର୍ପଣ କରିଥିଲେ ।