ପିଏମଇଣ୍ଡିଆ

ପବିତ୍ର ଗଙ୍ଗା ନଦୀର ସ୍ୱଚ୍ଛତା ଉପରେ ସଚେତନତା ସୃଷ୍ଟି ପାଇଁ ମିଶନ ଗଙ୍ଗା ଅଭିଯାନରେ ବାହାରିଥିବା 40 ସଦସ୍ୟବିଶିଷ୍ଟ ପର୍ବତାରୋହୀ ଦଳ ଆଜି (ଗୁରୁବାର) ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହ ସାକ୍ଷାତ କରିଥିଲେ । ବିଶ୍ୱର ସବୁଠାରୁ ଉଚ୍ଚତମ ପର୍ବତ ଶୃଙ୍ଗ ମାଉଣ୍ଟ ଏଭରେଷ୍ଟରେ ପହଂଚିପାରିଥିବା ପ୍ରଥମ ଭାରତୀୟ ମହିଳା ବାଛେନ୍ଦ୍ରୀ ପାଲ ଏହାର ନେତୃତ୍ୱ ନେଇଛନ୍ତି । ଏହି ଅଭିଯାନର ସଦସ୍ୟମାନଙ୍କ ମଧ୍ୟରେ 8ଜଣ ମାଉଣ୍ଟ ଏଭରେଷ୍ଟ ଆରୋହଣକାରୀ ମଧ୍ୟ ସାମିଲ ହୋଇଛନ୍ତି ।

ଭାରତ ସରକାରଙ୍କ ନମାମି ଗଙ୍ଗେ ମିଶନରେ ଅନୁପ୍ରେରିତ ଓ ଉତ୍ସାହିତ ହୋଇ ଏହି ଅଭିଯାନକୁ ମିଶନ ଗଙ୍ଗା ନାମକରଣ କରାଯାଇଛି । ଏକ ମାସ ପର୍ଯ୍ୟନ୍ତ ଚାଲିବାକୁ ଥିବା ଏହି ଅଭିଯାନରେ ହରିଦ୍ୱାରରୁ ପାଟନା ପର୍ଯ୍ୟନ୍ତ ଦୂରତ୍ୱ ରିଭର ରାଫ୍ଟିଗ(River Rafting) ଜରିଆରେ ନିର୍ଦ୍ଧାରୀତ କରାଯିବ । ଏହି ସମୟ ମଧ୍ୟରେ ଅଭିଯାନ ଦଳ ବିଜନୋର, ନାରୋରା, ଫାରୁଖାବାଦ, କାନପୁର, ଏହ୍ଲାବାଦ, ବାରଣାସୀ ଏବଂ ବକ୍ସରରେ ରହିବେ । ଏହି ସବୁ ସ୍ଥାନମାନଙ୍କରେ ଅଭିଯାତ୍ରୀ ଦଳ ଲୋକମାନଙ୍କୁ ପବିତ୍ର ଗଙ୍ଗା ନଦୀ ସଫେଇ ପ୍ରତି ସଚେତନତା କରିବ ଏବଂ ସ୍ୱଚ୍ଛତା ଗତିବିଧିଗୁଡିକ ଜାରି ରହିବ ।

ପ୍ରଧାନମନ୍ତ୍ରୀ ଅଭିଯାତ୍ରୀ ଦଳର ସଦସ୍ୟମାନଙ୍କ ସହ ମତ ବିନିମୟ କରି ସେମାନଙ୍କ ଦ୍ୱାରା ନିଆଯାଉଥିବା ପଦକ୍ଷେପର ଭୂରି ଭୂରି ପ୍ରଶଂସା କରିଥିଲେ ଏବଂ ଗଙ୍ଗା ନଦୀର ସ୍ୱଚ୍ଛତା ଗୁରୁତ୍ୱ ଉପରେ ବର୍ଣ୍ଣନା କରିଥିଲେ । ସେ ଦଳର ସଦସ୍ୟମାନଙ୍କୁ ଅନୁରୋଧ କରିଥିଲେ ଯେ ସେମାନେ ସଚେତନତାର ବାର୍ତ୍ତା ନେଇ ଯେଉଁ ସହରଗୁଡିକ ଦେଇ ଯାତ୍ରା କରିବେ ସେଠାରେ ଖାସକରି ସ୍କୁଲ ପିଲାମାନଙ୍କ ସହ ନିଶ୍ଚିତ ଭାବେ ସାକ୍ଷାତ କରିବେ ।

**********