ପିଏମଇଣ୍ଡିଆ

ବିହାର ଚମ୍ପାରଣ ସତ୍ୟାଗ୍ରହର ଶତ ବାର୍ଷିକୀ ସମାରୋହ ଆସନ୍ତାକାଲି ଉଦ୍ଯାପିତ ହେଉଛି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହ ସାରା ରାଷ୍ଟ୍ର ଏହି ଐତିହାସିକ କାର୍ଯ୍ୟକ୍ରମରେ ଅଂଶ ଗ୍ରହଣ କରିବେ ।

ଏହି ଅବସରରେ ବିହାରର ମୋତିହାରୀଠାରେ ସ୍ୱଚ୍ଛତା ଅଭିଯାନର ଦୂତ ବା ସ୍ୱେଚ୍ଛାଗ୍ରହୀ ଭାବେ ପରିଚିତ 20 ହଜାର କର୍ମୀ ଅଂଶଗ୍ରହଣ କରୁଛନ୍ତି ଯାହାକୁ ପ୍ରଧାନମନ୍ତ୍ରୀ ସମ୍ବୋଧିତ କରିବେ । ଏହି ସ୍ୱେଚ୍ଛାଗ୍ରହୀମାନେ ସ୍ୱଚ୍ଛତା ଅଭିଯାନର ପଦାତିକ ବାହିନୀ ରୂପେ ପରିଚିତ । ଗୋଷ୍ଠିଭିତ୍ତିକ ପରିମଳ କାର୍ଯ୍ୟକ୍ରମ ଆଭିମୁଖ୍ୟକୁ ଫଳପ୍ରଦ ଢଙ୍ଗରେ ଗ୍ରାମ୍ୟ ସ୍ତରରୁ କାର୍ଯ୍ୟକାରୀ କରିବା ଲାଗି ଏହି ସ୍ୱେଚ୍ଛାସେବୀମାନେ ଗ୍ରାମବାସୀମାନଙ୍କୁ ପ୍ରବର୍ତ୍ତାଉଛନ୍ତି । ଗାଁ ଗହଳରେ ସ୍ୱଚ୍ଛତା ରକ୍ଷା ସହ ଏହିସବୁ ଅଂଚଳକୁ ଖୋଲା ମଳମୁକ୍ତ କରିବା ଦିଗରେ ସ୍ୱେଚ୍ଛାଗ୍ରହୀମାନେ ବଡ଼ ଭୂମିକା ଗ୍ରହଣ କରିଛନ୍ତି ।

ଜାତିର ଜନକ ମହାତ୍ମା ଗାନ୍ଧୀ, ଚାଷୀମାନଙ୍କ ଅଧିକାରର ସୁରକ୍ଷା ଲାଗି ଇଂରେଜମାନଙ୍କ ବିରୁଦ୍ଧରେ ପ୍ରଚଣ୍ଡ ସ୍ୱର ଉତ୍ତୋଳନ ସ୍ୱରୂପ 10 ଏପ୍ରିଲ 1917 ରେ ଚମ୍ପାରଣ ସତ୍ୟାଗ୍ରହ ଆରମ୍ଭ କରିଥିଲେ । ଇଂରେଜମାନେ ସେତେବେଳେ ଭାରତର ଚାଷୀମାନଙ୍କୁ ନୀଳ ଗଛ ଚାଷ କରିବା ଲାଗି ବାଧ୍ୟ କରିବାରୁ ତା ବିରୁଦ୍ଧରେ ଚମ୍ପାରଣ ସତ୍ୟାଗ୍ରହ ଆରମ୍ଭ ହୋଇଥିଲା । 2017 ଏପ୍ରିଲ 10 ତାରିଖରୁ ଆରମ୍ଭ ହୋଇଥିବା ବର୍ଷବ୍ୟାପୀ ଏହି ଶତବାର୍ଷିକୀ ସମାରୋହ ଆସନ୍ତାକାଲି ଉଦ୍ଯାପିତ ହେଉଛି । ଏହି କାର୍ଯ୍ୟକ୍ରମକୁ ସତ୍ୟାଗ୍ରହରୁ ସ୍ୱେଚ୍ଛାଗ୍ରହ ଅଭିଯାନ ରୂପେ ନାମିତ କରାଯାଇଛି ।

ପ୍ରଧାନମନ୍ତ୍ରୀ ଏହି ଅବସରରେ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରିବାର କାର୍ଯ୍ୟକ୍ରମ ମଧ୍ୟ ରହିଛି ।

***