ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଡିସେମ୍ବର 31 ଏବଂ ଜାନୁୟାରୀ ପହିଲାରେ ଦୁଇଟି ଗୁରୁତ୍ଵପୂର୍ଣ୍ଣ ଭିଡିଓ କନଫେରେନ୍ସରେ ଉଦ୍ବୋଧନ ଦେବେ ।

ପ୍ରଧାନମନ୍ତ୍ରୀ ଡିସେମ୍ବର 31 ରେ କେରଳର ୱାରକାଲଠାରେ ଅବସ୍ଥିତ ପ୍ରସିଦ୍ଧ ଶିବଗିରି ମଠରେ ଆୟୋଜିତ ହେଉଥିବା 85ତମ ଶିବଗିରି ତୀର୍ଥାଟନ ମହୋତ୍ସବର ଉଦ୍ଘାଟନୀ ସମାରୋହକୁ ଭିଡିଓ କନଫେରେନ୍ସ ଯୋଗେ ସମ୍ବୋଧିତ କରିବେ । ଭାରତର ମହାନ ସନ୍ଥ ଓ ସମାଜ ସଂସ୍କାରକ ଶ୍ରୀ ନାରାୟଣ ଗୁରୁଙ୍କ ପବିତ୍ର ପୀଠ ଭାବେ ଶିବଗିରି ବେଶ ଜଣାଶୁଣା ।

ଜାନୁୟାରୀ ପହିଲାରେ କୋଲକାତାଠାରେ ଅନୁଷ୍ଠିତ ହେବାକୁ ଥିବା ପ୍ରଫେସର ସତ୍ୟେନ୍ଦ୍ର ନାଥ ବୋଷଙ୍କ 125ତମ ଜନ୍ମ ବାର୍ଷିକୀ ଆଦ୍ୟ ସମାରୋହକୁ ପ୍ରଧାନମନ୍ତ୍ରୀ ଭିଡିଓ କନଫେରେନ୍ସ ମାଧ୍ୟମରେ ଉଦ୍ବୋଧନ ଦେବେ । ପ୍ରଫେସର ସତ୍ୟେନ୍ଦ୍ର ନାଥ ବୋଷ କ୍ଵାଣ୍ଟାମ ପଦାର୍ଥ ବିଜ୍ଞାନରେ ଜଣେ ସୂନାମଧନ୍ୟ ଭାରତୀୟ ବୈଜ୍ଞାନିକ । ବୋଷ-ଆଇନିଷ୍ଟାଇନ ପରିସଂଖ୍ୟାନର ଭିତ୍ତି ପ୍ରତିଷ୍ଠାରେ ତାଙ୍କର କ୍ଵାଣ୍ଟାମ ମେକାନିକ୍ସ ବେଶ ଉପଯୋଗୀ ହୋଇପାରିଛି । ପ୍ରଫେସର ବୋଷଙ୍କ ନାମ ଅନୁସାରେ ବୋଷ-ଆଇନିଷ୍ଟାଇନ ପରିସଂଖ୍ୟାନ ନୀତି ଅନୁସରଣ କରୁଥିବା ସୂକ୍ଷ୍ମାତିସୂକ୍ଷ୍ମ କଣିକାକୁ “ବୋଷୋନ” ବୋଲି ବିଜ୍ଞାନରେ କୁହାଯାଇଥାଏ ।