ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀସ୍ଥିତ ତାଙ୍କ ବାସଭବନରେ ଆଜି ବାରଣାସୀ ସଂସଦୀୟ କ୍ଷେତ୍ରରୁ ଆସିଥିବା ଗ୍ରାମ ପ୍ରଧାନମାନଙ୍କୁ ସ୍ୱାଗତ ଜଣାଇଥିଲେ ।

ସେମାନଙ୍କ ସହିତ ଆଲୋଚନା ବେଳେ ସଂପୂର୍ଣ୍ଣ ଟୀକାକରଣ, ସ୍କୁଲ ଯାଉନଥିବା ପିଲାଙ୍କ ସଂଖ୍ୟାକୁ ଶୂନ ସ୍ତରରେ ପହଂଚାଇବା ଏବଂ ନିଜ ନିଜ ଗ୍ରାମରେ ସ୍ୱଚ୍ଛତା ରକ୍ଷା ଦିଗରେ ଅଧିକ ଧ୍ୟାନ ଦେବା ପାଇଁ ପ୍ରଧାନମନ୍ତ୍ରୀ ଗ୍ରାମ ପ୍ରଧାନମାନଙ୍କୁ ଉତ୍ସାହିତ କରିଥିଲେ ।

ପ୍ରଧାନମନ୍ତ୍ରୀ ଗ୍ରାମ ପ୍ରଧାନମାନଙ୍କୁ କନ୍ୟା ଏବଂ ପୁତ୍ର ସନ୍ତାନ ମଧ୍ୟରେ କୌଣସି ପ୍ରକାର ଭେଦଭାବ ନ ରଖିବା ପାଇଁ ଅନୁରୋଧ କରିଥିଲେ । ପ୍ରଧାନମାନେ କନ୍ୟା ସନ୍ତାନ ଜନ୍ମ ହେଲେ ସେହି ଖୁସିରେ ବୃକ୍ଷ ରୋପଣ କରି ଉତ୍ସବ ପାଳନ କରିବେ ବୋଲି ଆଗ୍ରହ ପ୍ରକାଶ କରିଥିଲେ ।

ଗ୍ରାମ ପ୍ରଧାନମାନେ ନିଜ ନିଜ ଘରକୁ ଫେରିବା ପରେ ସଂସଦ ଏବଂ ରାଜଧାନୀ ପରିଦର୍ଶନ ବିଷୟରେ ସେମାନଙ୍କର ଅନୁଭୂତି ସମସ୍ତଙ୍କ ସହିତ ବାଣ୍ଟିବା ପାଇଁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ ।