ପିଏମଇଣ୍ଡିଆ

ରାଜ୍ୟସଭାରେ ନିଜର କାର୍ଯ୍ୟକାଳ ଶେଷ କରୁଥିବା ବିଦାୟୀ ସଦସ୍ୟମାନଙ୍କର ଯୋଗଦାନକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଶଂସା କରିବା ସହ ସେମାନଙ୍କ ଉନ୍ନତ ଭବିଷ୍ୟତ କାମନା କରିଛନ୍ତି ।

ରାଜ୍ୟସଭାରେ ତାଙ୍କ ବକ୍ତବ୍ୟରେ, ପ୍ରଧାନମନ୍ତ୍ରୀ ବିଶ୍ୱାସ ପ୍ରକଟ କରି କହିଥିଲେ ଯେ ଯେଉଁ ସଦସ୍ୟମାନେ ସଂସଦରୁ ଅବସର ନେଉଛନ୍ତି ସେମାନେ ସମାଜସେବାରେ ଆହୃରି ସୁଦୃଢ଼ ଭୂମିକା ତୁଲାଇବେ । ସେ କହିଥିଲେ ଯେ ସମସ୍ତଙ୍କର ଭିନ୍ନ ଭିନ୍ନ ଗୁରୁତ୍ୱ ରହିଥିଲା ଏବଂ ନିଜସ୍ୱ ମାର୍ଗରେ ସେମାନେ ଯୋଗଦାନ ଦେଇଥିଲେ । ସେ ଆହୁରି ଉଲ୍ଲେଖ କରିଥିଲେ ଯେ ସେମାନେ ନିଜ ଦକ୍ଷତାର ଶ୍ରେଷ୍ଠ ଉପଯୋଗ କରି ଦେଶର ଉଜ୍ଜ୍ୱଳ ଭବିଷ୍ୟତ ପାଇଁ କାର୍ଯ୍ୟ କରିଥିଲେ । ଦେଶ ସେମାନଙ୍କର ଯୋଗଦାନକୁ ଭୁଲିପାରିବ ନାହିଁ ।

ପ୍ରଧାନମନ୍ତ୍ରୀ କହିଥିଲେ ଯେ ବରିଷ୍ଠ ସଦସ୍ୟଙ୍କୁ ନେଇ ଉଚ୍ଚ ସଦନର ବିଶେଷ ଗୁରୁତ୍ୱ ରହିଛି । ଏହା ନୀତି ନିର୍ଦ୍ଧାରଣରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥାଏ ବୋଲି ସେ ଉଲ୍ଲେଖ କରିଥିଲେ ।

କେତେଜଣ ବିଦାୟୀ ସାଂସଦ ଏବଂ ସେମାନଙ୍କ ଯୋଗଦାନ ବିଷୟରେ ପ୍ରଧାନମନ୍ତ୍ରୀ ବିଶେଷ ଭାବେ ଉଲ୍ଲେଖ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ତିନ ତଲାକ ଭଳି ଦୀର୍ଘଦିନରୁ ପଡ଼ିରହିଥିବା ନିଷ୍ପତ୍ତି ନିଆଯିବା ସମୟରେ ଅବସରପ୍ରାପ୍ତ ସାଂସଦମାନେ ସଂସଦରେ ଉପସ୍ଥିତ ନରହିବା ଦୁର୍ଭାଗ୍ୟର ବିଷୟ ।

ସଂସଦ ଏବଂ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଦ୍ୱାର ଅବସରପ୍ରାପ୍ତ ସଦସ୍ୟମାନଙ୍କ ପାଇଁ ସବୁଦିନ ଖୋଲା ରହିବ ବୋଲି ପ୍ରଧାନମନ୍ତ୍ରୀ ସେମାନଙ୍କୁ ପ୍ରତିଶ୍ରୁତି ଦେବା ସହିତ ଆଗାମୀ ଦିନର ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡିକରେ ସେମାନଙ୍କ ବିଚାର ଜାରି ରଖିବା ଲାଗି ଅନୁରୋଧ କରିଥିଲେ ।

***