ପିଏମଇଣ୍ଡିଆ

ଜୈବ ଇନ୍ଧନ ଦିବସ ଅବସରରେ 2018 ଅଗଷ୍ଟ 10ରେ ନୂଆଦିଲ୍ଲୀର ବିଜ୍ଞାନ ଭବନରେ ଆୟୋଜିତ ଏକ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗଦେବେ ।

ସେ କୃଷକ, ବୈଜ୍ଞାନିକ, ଉଦ୍ୟୋଗୀ, ଛାତ୍ର, ସରକାରୀ ପଦାଧିକାରୀ ଏବଂ ବିଧାୟକମାନଙ୍କର ଏକ ସମ୍ମିଳନୀକୁ ସମ୍ବୋଧିତ କରିବେ ।

ଅଶୋଧିତ ତୈଳ ଉପରୁ ନିର୍ଭରଶୀଳତା ହ୍ରାସ କରିବାରେ ଜୈବ ଇନ୍ଧନ ବିଶେଷ ଭାବେ ସହାୟକ ହେବ । ଏହା ସ୍ୱଚ୍ଛ ପରିବେଶ, କୃଷକମାନଙ୍କ ଆୟବୃଦ୍ଧି, ଗ୍ରାମାଂଚଳରେ ରୋଜଗାର ବୃଦ୍ଧି ଆଦି କ୍ଷେତ୍ରରେ ମଧ୍ୟ ଯୋଗଦାନ କରିପାରିବ । ଏଥିପାଇଁ ସରକାରୀ ପଦକ୍ଷେପମାନ ଗ୍ରହଣ କରାଯାଉଛି ।

କେନ୍ଦ୍ର ସରକାରଙ୍କ ପଦକ୍ଷେପ ଫଳରେ ପେଟ୍ରୋଲ ସହ ଇଥାନଲର ମିଶ୍ରଣ ଓ ବ୍ୟବହାର ବୃଦ୍ଧି ପାଇଛି । 2013-14ରେ ଇଥାନଲ ଯୋଗଦାନ 38 କୋଟି ଲିଟର ଥିଲାବେଳେ 2017-18ରେ ଏହା ବୃଦ୍ଧି ପାଇ ପାଖାପାଖି 141 କୋଟି ଲିଟରରେ ପହଂଚିଛି । ସରକାର ମଧ୍ୟ 2018 ଜୁନରେ ଜୈବ ଇନ୍ଧନର ଜାତୀୟ ନୀତିକୁ ମଞ୍ଜୁରି ପ୍ରଦାନ କରିଛନ୍ତି ।

*****