ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବିଶ୍ୱ ବ୍ୟାଙ୍କର ଅଧ୍ୟକ୍ଷ ମିଃ. ଜିମ ୟଙ୍ଗ କିମଙ୍କଠାରୁ ଏକ ଟେଲିଫୋନ କଲ ପାଇଥିଲେ ।

ବ୍ୟବସାୟିକ ସୁଗମତା ମାନ୍ୟତାରେ ଭାରତର ଐତିହାସିକ ଉତ୍ଥାନ ଲାଗି ମିଃ କିମ୍ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଥିଲେ । ସେ କହିଥିଲେ ଯେ ମାତ୍ର 4 ବର୍ଷ ମଧ୍ୟରେ 125 କୋଟି ଜନସଂଖ୍ୟା ବିଶିଷ୍ଟ ଏକ ରାଷ୍ଟ୍ର 65ଟି ମାନ୍ୟତା ଉପରକୁ ଉଠିବା ଉଲ୍ଲେଖନୀୟ ।

ମିଃ କିମ ଆହୁରି ମଧ୍ୟ କହିଥିଲେ ଯେ ବ୍ୟାପକ ପଦକ୍ଷେପ, ପ୍ରଧାନମନ୍ତ୍ରୀ ମୋଦୀଙ୍କ ନିରନ୍ତର ପ୍ରତିବଦ୍ଧତା ଏବଂ ନେତୃତ୍ୱ ପାଇଁ ଏହା ସମ୍ଭବ ହୋଇପାରିଛି । ସେ ଏହାକୁ ଐତିହାସିକ ଏବଂ ଅଭୂତପୂର୍ବ ଉପଲବ୍ଧୀ ବୋଲି ବର୍ଣ୍ଣନା କରିଥିଲେ ।

ୟୁଏନଇପି ଚାମ୍ପିଅନ୍ସ ଅଫ ଦି ଏର୍ଥ ପୁରସ୍କାର ଏବଂ ସିଓଲ ଶାନ୍ତି ପୁରସ୍କାର ସମ୍ମାନରେ ପ୍ରଧାନମନ୍ତ୍ରୀଙ୍କୁ ସମ୍ମାନିତ କରାଯିବା ବିଷୟରେ ଉଲ୍ଲେଖ କରି ମିଃ କିମ୍ ତାଙ୍କୁ ଅଭିନନ୍ଦନ ଜ୍ଞାପନ କରିଥିଲେ ।

ବ୍ୟବସାୟିକ ସୁଗମତା ଲାଗି ଭାରତର ପ୍ରୟାସରେ ବିଶ୍ୱ ବ୍ୟାଙ୍କର ବାଧାମୁକ୍ତ ଏବଂ ନିରନ୍ତର ସମର୍ଥନ ପାଇଁ ମିଃ. କିମ ପ୍ରତିଶ୍ରୁତି ଦେଇଥିଲେ ।
ବ୍ୟବସାୟିକ ସୁଗମତାରେ ଉନ୍ନତି ଆଣିବା ଲାଗି ଭାରତର ପ୍ରୟାସକୁ ନିରନ୍ତର ସମର୍ଥନ ଏବଂ ମାର୍ଗଦର୍ଶନ ଯୋଗାଇ ଦେଇଥିବାରୁ ପ୍ରଧାନମନ୍ତ୍ରୀ ବିଶ୍ୱ ବ୍ୟାଙ୍କ ଅଧ୍ୟକ୍ଷଙ୍କୁ ଧନ୍ୟବାଦ ଜଣାଇଥିଲେ । ସେ ଉଲ୍ଲେଖ କରିଥିଲେ ଯେ ବ୍ୟବସାୟିକ ସୁଗମତାରେ ଉନ୍ନତି ଆଣିବାରେ ବିଶ୍ୱ ବ୍ୟାଙ୍କ ମାନ୍ୟତାଗୁଡ଼ିକ ଭାରତ ଏବଂ ଏକ ପ୍ରେରଣାର ସ୍ରୋତ ।

***