ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ କେନ୍ଦ୍ର କେବିନେଟ ବୈଠକରେ ବେନାମୀ କାରବାର (ନିରୋଧ) ସଂଶୋଧନ ବିଲ୍ 2015 କୁ ମଞ୍ଜୁରି ମିଳିଛି । ପ୍ରସ୍ତାବିତ ସଂଶୋଧନ ଦ୍ୱାରା ବିଲଟି ଅଧିକ ମଜଭୁତ ହେବ ଏବଂ ବୈଧାନିକ ଓ ପ୍ରଶାସନିକ ଦୃଷ୍ଟିରୁ ଏହା ସୁଦୃଢ଼ ହୋଇପାରିବ । ତା’ହେଲେ ଯେତେବେଳେ ବିଲଟି ଗୃହୀତ ହୋଇ ଆଇନରେ ପରିଣତ ହେବ, ସେତେବେଳେ ଏଥିରେ ଥିବା ବ୍ୟବସ୍ଥାକୁ କାର୍ଯ୍ୟକାରୀ କରିବା ଦିଗରେ ଅନେକ ବାସ୍ତବ ସମସ୍ୟା ଦୂର ହୋଇପାରିବ । ଏହି ବିଧେୟକରେ ବେନାମୀ କାରବାର ରୋକିବା ନିମନ୍ତେ ବ୍ୟାପକ ବ୍ୟବସ୍ଥା ରହିଛି । ତେଣୁ ଏହା ଅନ୍ୟାୟ ଉପାୟରେ ହେଉଥିବା ବେନାମୀ କାରବାର ପ୍ରସାରକୁ ରୋକିବା ଦିଗରେ ଏକ ବଳିଷ୍ଠ ପଦକ୍ଷେପ ହେବ । ପ୍ରବର୍ତ୍ତିତ ବିଧି ବ୍ୟବସ୍ଥା ଅନୁସାରେ ବେନାମୀ ସମ୍ପତ୍ତିକୁ ବାଜ୍ୟାପ୍ତ କରିବା ପାଇଁ କ୍ଷମତାପ୍ରାପ୍ତ । ତେଣୁ ଏଥିରେ ସମସ୍ତ ନାଗରିକଙ୍କ ପାଇଁ ସମାନ ବ୍ୟବସ୍ଥା ରହିଛି । ତେବେ, ଯେଉଁମାନେ ସେମାନଙ୍କ ବେନାମୀ ସମ୍ପତ୍ତିକୁ ଉପାର୍ଜନ ଘୋଷଣା ଯୋଜନାରେ ପ୍ରକାଶ କରନ୍ତି ସେମାନେ ବେନାମୀ ଆଇନର ବ୍ୟବସ୍ଥା ଅନୁସାରେ ଛାଡ ପାଇବେ ।