ପିଏମଇଣ୍ଡିଆ
ମହାମହିମ ପ୍ରଧାନମନ୍ତ୍ରୀ,
ଉଭୟ ଦେଶର ପ୍ରତିନିଧିଗଣ,
ଗଣମାଧ୍ୟମର ବନ୍ଧୁଗଣ,
ନମସ୍କାର !
ବେଲଜିୟମର ପ୍ରଧାନମନ୍ତ୍ରୀଙ୍କୁ ତାଙ୍କର ପ୍ରଥମ ଭାରତ ଗସ୍ତରେ ସ୍ୱାଗତ କରି ମୁଁ ଆନନ୍ଦିତ।
ଏହା ନିଶ୍ଚିତ ଭାବରେ ତାଙ୍କର ପ୍ରଥମ ଭାରତ ଗସ୍ତ, କିନ୍ତୁ ଭାରତ ସହିତ ତାଙ୍କର ଏକ ଦୀର୍ଘଦିନର ସମ୍ପର୍କ ରହିଛି। ସେ ବହୁ ବର୍ଷ ଧରି ଆଣ୍ଟୱର୍ପର ମେୟର ଭାବରେ କାର୍ଯ୍ୟ କରିଥିଲେ ଏବଂ ଆଣ୍ଟୱର୍ପରେ ରହୁଥିବା ବିଶାଳ ଭାରତୀୟ ସମ୍ପ୍ରଦାୟ ତଥା ଭାରତ-ବେଲଜିୟମ୍ ହୀରା ବ୍ୟବସାୟକୁ ସଦାସର୍ବଦା ସମର୍ଥନ କରିଆସିଛନ୍ତି।
ବନ୍ଧୁଗଣ,
ଭାରତ – ବେଲଜିୟମ୍ ସମ୍ପର୍କର ଗଭୀର ଐତିହାସିକ ଆଧାର ରହିଛି। ପ୍ରଥମ ବିଶ୍ୱଯୁଦ୍ଧ ସମୟରେ ବେଲଜିୟମରେ ହଜାର ହଜାର ଭାରତୀୟ ସୈନିକଙ୍କ ସାହସ ଏବଂ ବଳିଦାନ ଆମର ସହଭାଗୀ ସ୍ମୃତିର ଏକ ଗୁରୁତ୍ୱପୂର୍ଣ୍ଣ ଅଂଶ।
ଆଜି, ଗଣତାନ୍ତ୍ରିକ ମୂଲ୍ୟବୋଧ, ବଜାର ଅର୍ଥନୀତି ଏବଂ ଗଭୀର ଲୋକ ସମ୍ପର୍କ ଆମକୁ ସ୍ୱାଭାବିକ ଅଂଶୀଦାର କରିଛି।
ବନ୍ଧୁଗଣ,
ଦଶ ବର୍ଷ ପୂର୍ବେ, ମୋତେ ବେଲଜିୟମ୍ ଗସ୍ତ କରିବାର ସୁଯୋଗ ମିଳିଥିଲା। ଏବଂ ମୁଁ ବହୁତ ଖୁସି ଯେ ଗତ ଦଶନ୍ଧିରେ ଆମର ସହଭାଗୀତା ଉଲ୍ଲେଖନୀୟ ପ୍ରଗତି କରିଛି।
ଆଜି, ଆମର ସହଯୋଗର ପରିସର ପାରମ୍ପରିକ କ୍ଷେତ୍ର ବାହାରେ ପ୍ରତିରକ୍ଷା ଏବଂ ସ୍ୱଚ୍ଛ ଶକ୍ତି ଭଳି ରଣନୈତିକ କ୍ଷେତ୍ରକୁ ବିସ୍ତାର କରିଛି। ଆମେ ଜୋରାୱାର ଟ୍ୟାଙ୍କ ଭଳି ଉନ୍ନତ ପ୍ରତିରକ୍ଷା ଉପକରଣ ଉପରେ ଏକାଠି କାମ କରୁଛୁ। ଆନ୍ଧ୍ରପ୍ରଦେଶର କାକିନାଡାରେ, ଆମେ ବିଶ୍ୱର ସର୍ବବୃହତ ସବୁଜ ଆମୋନିଆ ପ୍ରକଳ୍ପ ମଧ୍ୟରୁ ଗୋଟିଏ ବିକଶିତ କରୁଛୁ।
ବନ୍ଧୁଗଣ,
ଆଜି, ବିଶ୍ୱ ଘଡିସନ୍ଧି ସମୟ ଦେଇ ଗତି କରୁଛି। ବିଶ୍ୱର ଅନେକ ସ୍ଥାନରେ ଦ୍ୱନ୍ଦ୍ୱ ଜାରି ରହିଛି। ଖାଦ୍ୟ, ଇନ୍ଧନ କିମ୍ବା ଯୋଗାଣ ଶୃଙ୍ଖଳ ହେଉ, ପ୍ରତ୍ୟେକ କ୍ଷେତ୍ର ଅନିଶ୍ଚିତତା ଦ୍ୱାରା ପ୍ରଭାବିତ ହେଉଛି।
ଏହି ଆହ୍ଵାନମୂଳକ ପରିବେଶରେ, ଭାରତର ଅର୍ଥନୀତି ଏହାର ଗତି ବଜାୟ ରଖିଛି। ଗତ ତ୍ରୈମାସିକରେ ଆମେ ୭.୮% ଅଭିବୃଦ୍ଧି ରେକର୍ଡ କରିଛୁ। ଆଜି, ଭାରତର ଅଭିବୃଦ୍ଧି କାହାଣୀ ବିଶ୍ୱ ପାଇଁ ବିଶ୍ୱାସ ଏବଂ ନୂତନ ସୁଯୋଗର ଉତ୍ସ ପାଲଟିଛି।
ବନ୍ଧୁଗଣ,
ଏହି ବର୍ଷ ଆରମ୍ଭରେ, ଆମେ ଐତିହାସିକ ଭାରତ – ୟୁରୋପୀୟ ସଂଘ ମୁକ୍ତ ବାଣିଜ୍ୟ ଚୁକ୍ତିନାମା ସମ୍ପୂର୍ଣ୍ଣ କରିଛୁ। ବିଶ୍ୱର ଦୁଇଟି ସର୍ବବୃହତ ଗଣତାନ୍ତ୍ରିକ ଶକ୍ତି ମଧ୍ୟରେ ଏହି ଅଭୂତପୂର୍ବ ସହଯୋଗ ବିଶ୍ୱ ସ୍ଥିରତା, ବିକାଶ ଏବଂ ସହଭାଗୀ ସମୃଦ୍ଧିକୁ ନୂତନ ପ୍ରେରଣା ଦେବ।
ଭାରତର ନିରନ୍ତର ଆର୍ଥିକ ପ୍ରଗତି ଏବଂ ଏହି ଚୁକ୍ତିନାମା ଆମର ଆର୍ଥିକ ସମ୍ପର୍କ ପାଇଁ ନୂତନ ମାର୍ଗ ଖୋଲିଛି। ଆଜି, ଆମେ ଏହି ସମ୍ଭାବନାଗୁଡ଼ିକୁ ଠୋସ୍ ଫଳାଫଳରେ ପରିଣତ କରିବା ପାଇଁ ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛୁ।
ବନ୍ଧୁଗଣ,
ବେଲଜିୟମ କମ୍ପାନୀଗୁଡ଼ିକ ପାଇଁ, ଆମେ ଭାରତରେ ଏକ ନିବେଶ ଫାଷ୍ଟ-ଟ୍ରାକ୍ ମେକାନିଜିମ୍ ପ୍ରତିଷ୍ଠା କରିଛୁ। ଆମେ ଭାରତ – ବେଲଜିୟମ୍ ବ୍ୟବସାୟ ଫୋରମକୁ ଏକ ନିୟମିତ ବ୍ୟବସ୍ଥା ଭାବରେ ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛୁ। ଆମେ ଉଭୟ ଦେଶର ଆର୍ଥିକ, ଫିନଟେକ୍ ଏବଂ ନିୟାମକ ପ୍ରତିଷ୍ଠାନ ମଧ୍ୟରେ ସମନ୍ୱୟକୁ ମଜବୁତ କରିବୁ।
ଏହି ସମସ୍ତ ପଦକ୍ଷେପ ମାଧ୍ୟମରେ, ଆମେ ଆଗାମୀ ପାଞ୍ଚ ବର୍ଷ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟକୁ ଦ୍ୱିଗୁଣିତ କରିବାର ଆମର ଲକ୍ଷ୍ୟକୁ ସାକାର କରିବୁ।
ବନ୍ଧୁଗଣ,
ପ୍ରତିରକ୍ଷା ଏବଂ ସୁରକ୍ଷା ସହଯୋଗ ଆମ ସମ୍ପର୍କରେ ଏକ ପ୍ରମୁଖ ସ୍ତମ୍ଭ। ଆଜି, ଆମେ ଦୁଇ ଦେଶ ମଧ୍ୟରେ ସାମରିକ ଆଦାନପ୍ରଦାନ ଏବଂ ତାଲିମ ସହଯୋଗକୁ ବୃଦ୍ଧି କରିବାକୁ ସହମତି ପ୍ରକାଶ କରିଛୁ।
ଆମ ସରକାର ଏବଂ ପ୍ରତିରକ୍ଷା ଶିଳ୍ପ ମଧ୍ୟରେ ଚୁକ୍ତିନାମା ପ୍ରତିରକ୍ଷା ସହ – ବିକାଶ ଏବଂ ସହ – ଉତ୍ପାଦନ ପାଇଁ ନୂତନ ସୁଯୋଗ ଖୋଲିବ। ଆମେ ଅପରାଧ ମୁକାବିଲାରେ ଆମର ଏଜେନ୍ସିଗୁଡ଼ିକ ମଧ୍ୟରେ ଗୁପ୍ତଚର ଆଦାନପ୍ରଦାନ ଏବଂ ସହଯୋଗକୁ ଆହୁରି ମଜବୁତ କରିବୁ।
ବନ୍ଧୁଗଣ,
ଏକ ସ୍ୱଚ୍ଛ ଶକ୍ତି ଭବିଷ୍ୟତ ଏବଂ ନିର୍ଭରଯୋଗ୍ୟ ଯୋଗାଣ ଶୃଙ୍ଖଳ ଆମର ସହଭାଗୀ ପ୍ରାଥମିକତା। ଆଜି ସ୍ୱାକ୍ଷରିତ ନବୀକରଣ ଶକ୍ତି ଉପରେ ବୁଝାମଣାପତ୍ର ଆମର ନିରନ୍ତର ସହଯୋଗକୁ ନୂତନ ଗତି ଦେବ। ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ କ୍ଷେତ୍ରରେ, ଆମେ ପ୍ରକ୍ରିୟାକରଣ ଏବଂ ପୁନଃଚକ୍ରଣରେ ସହଯୋଗ ବୃଦ୍ଧି କରିବାକୁ ନିଷ୍ପତ୍ତି ନେଇଛୁ।
ସେମିକଣ୍ଡକ୍ଟରରେ ବେଲଜିୟମର ବିଶେଷଜ୍ଞତା ଏବଂ ଭାରତର ପରିମାଣ ପରସ୍ପରର ପରିପୂରକ। ଏହି ଦିଗରେ, ଆମେ ବେଲଜିୟମର ଆଇଏମଇସି ପ୍ରତିଷ୍ଠାନକୁ ଭାରତର ସେମିକଣ୍ଡକ୍ଟର ପାରିବେଶିକ ବ୍ୟବସ୍ଥା ସହିତ ସଂଯୋଗ କରିବା ପାଇଁ ଏକାଠି କାମ କରିବୁ।
ବନ୍ଧୁଗଣ,
ଲୋକମାନଙ୍କ ମଧ୍ୟରେ ସମ୍ପର୍କ ଆମ ସମ୍ପର୍କର ସବୁଠାରୁ ବଡ଼ ଶକ୍ତି। ଆଜି, ଆମେ ଆମର ଷ୍ଟାର୍ଟ – ଅପ୍ ମଧ୍ୟରେ ସଂଯୋଗକୁ ମଜବୁତ କରିବା ଏବଂ ସାମୁଦ୍ରିକ କ୍ଷେତ୍ରରେ କ୍ଷମତା ନିର୍ମାଣ ବୃଦ୍ଧି କରିବାକୁ ସହମତ ହୋଇଛୁ।
ଆମେ ବିଶ୍ୱବିଦ୍ୟାଳୟ ଏବଂ ଗବେଷଣା ସହଯୋଗକୁ ମଧ୍ୟ ମଜବୁତ କରିବୁ। ପ୍ରତିଭା ଗତିଶୀଳତାକୁ ସହଜ କରିବା ପାଇଁ, ଆମେ ଶୀଘ୍ର ଏକ “ପ୍ରବାସନ ଏବଂ ଗତିଶୀଳତା ସହଭାଗୀତା ଚୁକ୍ତିନାମା” ସମ୍ପୂର୍ଣ୍ଣ କରିବୁ।
ବନ୍ଧୁଗଣ,
ଆଜି, ଆମେ ଆଞ୍ଚଳିକ ସ୍ତରରେ ଏବଂ ବିଶ୍ୱର ବିକାଶ ଉପରେ ବିସ୍ତୃତ ଆଲୋଚନା ମଧ୍ୟ କରିଛୁ। ଭାରତ ଏବଂ ବେଲଜିୟମ୍ ଉଭୟ ଆଇନର ଶାସନ, ଆଲୋଚନା ଏବଂ କୂଟନୀତିରେ ବିଶ୍ୱାସ କରନ୍ତି।
ୟୁକ୍ରେନ୍ ହେଉ କିମ୍ବା ପଶ୍ଚିମ ଏସିଆ, ଆମେ ସଂଘର୍ଷର ଶୀଘ୍ର ସମାପ୍ତି ଏବଂ ଶାନ୍ତି ପୁନଃସ୍ଥାପନ ପାଇଁ ଲକ୍ଷ୍ୟ ରଖିଥିବା ସମସ୍ତ ପ୍ରୟାସକୁ ସମର୍ଥନ କରୁ। ଏବଂ ସମସ୍ତ ପ୍ରକାର ଆତଙ୍କବାଦକୁ ଦୂର କରିବା ହେଉଛି ଆମର ମିଳିତ ପ୍ରତିବଦ୍ଧତା।
ମହାମହିମ,
ଗତ ମାସରେ, ବେଲଜିୟମ୍ ଏବଂ ନେଦରଲ୍ୟାଣ୍ଡ ମିଳିତ ଭାବରେ ହକି ବିଶ୍ୱକପ୍ ଆୟୋଜନ କରିଥିଲେ। ଏହି ମହାନ ବିଶ୍ୱକପ୍ ସଫଳ ଆୟୋଜନ ପାଇଁ ମୁଁ ଆପଣଙ୍କୁ ଅଭିନନ୍ଦନ ଜଣାଉଛି। ଆମର ଖେଳାଳିମାନଙ୍କୁ ସେମାନଙ୍କର କଠିନ ପରିଶ୍ରମ ଏବଂ ପ୍ରଦର୍ଶନ ପାଇଁ ମଧ୍ୟ ମୁଁ ପ୍ରଶଂସା କରୁଛି।
ହୀରା ଦୀର୍ଘ ଦିନ ଧରି ଭାରତ ଏବଂ ବେଲଜିୟମ ମଧ୍ୟରେ ଏକ ସଂଯୋଗ ହୋଇ ରହିଛି। ଆଜି, ଆମେ ଏହି ଐତିହାସିକ ସଂଯୋଗକୁ ଏକ ନୂତନ ଏବଂ ଅଧିକ ବ୍ୟାପକ ସମ୍ପର୍କରେ ପରିଣତ କରୁଛୁ।
ମୁଁ ନିଶ୍ଚିତ ଯେ ଆଜିର ଆଲୋଚନା ଆମର ଦ୍ୱିପାକ୍ଷିକ ସମ୍ପର୍କରେ ଏକ ନୂତନ ଅଧ୍ୟାୟର ଆରମ୍ଭ। ପୁଣିଥରେ, ମୁଁ ଆପଣଙ୍କୁ ଏବଂ ଆପଣଙ୍କ ପ୍ରତିନିଧିମଣ୍ଡଳକୁ ଭାରତରେ ସ୍ୱାଗତ କରୁଛି।
ଆପଣଙ୍କୁ ବହୁତ ବହୁତ ଧନ୍ୟବାଦ।
****
SSP
Sharing my remarks during the joint press meet with PM Bart De Wever of Belgium.@Bart_DeWever
— Narendra Modi (@narendramodi) September 3, 2026
https://t.co/5cSS2AR6oD
भारत और बेल्जियम के संबंधों की जड़ें इतिहास में गहरी हैं।
— PMO India (@PMOIndia) September 3, 2026
पहले विश्व युद्ध में बेल्जियम में हजारों भारतीय सैनिकों का साहस और बलिदान, हमारी साझा स्मृति का अहम हिस्सा है: PM @narendramodi
दस वर्ष पहले मुझे बेल्जियम की यात्रा करने का अवसर मिला था और मुझे बहुत खुशी है कि पिछले एक दशक में हमारी साझेदारी ने उल्लेखनीय प्रगति की है।
— PMO India (@PMOIndia) September 3, 2026
आज हमारे सहयोग का दायरा traditional sectors से आगे बढ़कर defence और clean energy जैसे strategic क्षेत्रों तक पहुँच चुका है।
हम ज़ोरावर…
आज विश्व एक बड़े उथल-पुथल के दौर से गुजर रहा है।
— PMO India (@PMOIndia) September 3, 2026
दुनिया के कई हिस्सों में संघर्ष की स्थिति बनी हुई है।
Food, fuel या supply chains, हर क्षेत्र में अनिश्चितता का प्रभाव पड़ रहा है।
इस चुनौतीपूर्ण माहौल में भी भारत की economy ने अपनी गति बनाए रखी है।
पिछले quarter में हमने 7.8…
एक clean energy future और reliable supply chain हमारी साझी प्रथमिकताएँ है।
— PMO India (@PMOIndia) September 3, 2026
Renewable Energy पर आज हुआ MOU हमारे sustainability सहयोग को नई गति देगा।
Critical minerals में हमने processing और recycling में सहयोग बढ़ाने का निर्णय लिया है।
Semiconductors में Belgium की expertise…
भारत और बेल्जियम, दोनों ही rule of law, dialogue और diplomacy में विश्वास रखते हैं।
— PMO India (@PMOIndia) September 3, 2026
यूक्रेन हो या वेस्ट एशिया, हम संघर्ष की शीघ्र समाप्ति और शांति के सभी प्रयासों का समर्थन करते हैं।
और आतंकवाद के हर रूप को जड़ से समाप्त करना हमारी साझी प्रतिबद्धता है: PM @narendramodi
