ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ କୃଷି ଏବଂ ମତ୍ସ୍ୟଚାଷ କ୍ଷେତ୍ରରେ ଭାରତ ଏବଂ କଲମ୍ବିଆ ମଧ୍ୟରେ ଏକ ବୁଝାମଣା ପତ୍ର (ଏମଓୟୁ) ସ୍ୱାକ୍ଷର ପ୍ରସ୍ତାବକୁ ଅନୁମୋଦନ କରାଯାଇଛି ।
ଏହି ଏମଓୟୁଦ୍ୱାରା କୃଷି ଏବଂ ମତ୍ସ୍ୟଚାଷର ନିମ୍ନଲିଖିତ କ୍ଷେତ୍ରରେ ସହଯୋଗ ମିଳିପାରିବ :-
1 – ଆଧୁନିକ କୃଷି ପ୍ରଣାଳୀ/ଦୃଷ୍ଟିକୋଣ
2 – କୃଷି ସମ୍ବନ୍ଧୀୟ ନୂଆ ଯାନ୍ତ୍ରିକୀକରଣ
କୃଷି ବିପଣନର ସଫଳ ମଡେଲ
ଜାତ୍ରୋପା ଓ କରାୟା
ତୈଳବୀଜ ଏବଂ ତେଲ ତାଳ ଗବେଷଣାରେ ସହଯୋଗ
ଏମଓୟୁ ଅନ୍ତର୍ଗଗତ ବିଚାରାଧୀନ ଅବଧି ମଧ୍ୟରେ ପରବର୍ତ୍ତୀ ଦୁଇ ବର୍ଷ ପାଇଁ କାର୍ଯ୍ୟ ଯୋଜନା ପ୍ରସ୍ତୁତ କରିବା/ତା’କୁ ଚୂଡ଼ାନ୍ତ ରୂପ ଦେବା ଲାଗି ଏକ ମିଳିତ କାର୍ଯ୍ୟ ଦଳ ଗଠନ କରାଯିବ । ଏମଓୟୁ ଆରମ୍ଭରୁ ପାଞ୍ଚ ବର୍ଷର ଅବଧି ନିମନ୍ତେ ମାନ୍ୟ ହେବ ଏବଂ ଯେପର୍ଯ୍ୟନ୍ତ କୌଣସି ଗୋଟିଏ ପକ୍ଷ ଦ୍ୱାରା ଏହାକୁ ସମାପ୍ତ କରାଯିବାର ଇଛା/ଉଦ୍ଦେଶ୍ୟ ବ୍ୟକ୍ତ କରାଯାଇନାହିଁ ସେ ପର୍ଯ୍ୟନ୍ତ ପରବର୍ତ୍ତୀ ପାଞ୍ଚ ବର୍ଷର ଅବଧି ନିମନ୍ତେ ଏହା ସ୍ୱତଃ ସମ୍ପ୍ରସାରିତ ହୋଇଯିବ ।
**********
