ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଭାରତ ଏବଂ ମରୋକ୍କୋ ମଧ୍ୟରେ ପ୍ରତ୍ୟର୍ପଣ ରାଜିନାମାରେ ସ୍ୱାକ୍ଷର ଏବଂ ଅନୁମୋଦନକୁ ମଞ୍ଜୁରି ଦେଇଛନ୍ତି । 11-18 ନଭେମ୍ବର, 2018 ସମୟରେ ମରୋକ୍କୋର ଅତି ବିଶିଷ୍ଟ ବ୍ୟକ୍ତିଙ୍କ ପ୍ରସ୍ତାବିତ ଗସ୍ତ ସମୟରେ ଏହି ଚୁକ୍ତି ସ୍ୱାକ୍ଷର ହେବ ।

ଲାଭ :

ଏହି ବୁଝାମଣା ଦ୍ୱାରା ଆର୍ଥିକ ଅପରାଧ, ଆତଙ୍କବାଦ ଏବଂ ଅନ୍ୟ ଗୁରୁତର ଅପରାଧର ଅଭିଯୁକ୍ତ/ପଳାତକମାନଙ୍କୁ ଉଭୟ ଦେଶ ମଧ୍ୟରେ ପ୍ରତ୍ୟର୍ପଣ କରିବାର ଏକ ଦୃଢ଼ ଆଇନଗତ ବ୍ୟବସ୍ଥା/ଆଧାର ମିଳିବ । ଏହି ଚୁକ୍ତି ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବ ଯ’ଦ୍ଦ୍ୱାରା ଭାରତ ଏବଂ ଉଭୟ ଦେଶର ରାଷ୍ଟ୍ରୀୟ ସ୍ୱାର୍ଥ ବିରୋଧରେ କାମ କରୁଥିବା ଅପରାଧିକ ତତ୍ତ୍ଵ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ।

**********