ପିଏମଇଣ୍ଡିଆ

ଦେଶରେ ମାନବିକ ଅଧିକାରର ଉନ୍ନତ ସୁରକ୍ଷା ଏବଂ ପ୍ରୋତ୍ସାହନ ଉଦ୍ଦେଶ୍ୟରେ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ମାନବିକ ଅଧିକାର ସୁରକ୍ଷା (ସଂଶୋଧନ) ବିଲ, 2018 ଅନୁମୋଦନ ଲାଭ କରିଛି ।

(1) ଏହି ବିଲରେ ଆୟୋଗଙ୍କ ମାନ୍ୟତାପ୍ରାପ୍ତ ସଦସ୍ୟ ଭାବେ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗଙ୍କୁ ମଧ୍ୟ ସାମିଲ କରିବାର ପ୍ରସ୍ତାବ ରହିଛି ।

(2) ଆୟୋଗ ଗଠନ ସମୟରେ ଜଣେ ମହିଳା ସଦସ୍ୟଙ୍କୁ ମଧ୍ୟ ସାମିଲ କରିବାର ପ୍ରସ୍ତାବ ଏହି ବିଲରେ ରହିଛି ।

(3) ଜାତୀୟ ମାନବିକ ଅଧିକାର ଆୟୋଗ ଓ ରାଜ୍ୟ ମାନବିକ ଅଧିକାର ଆୟୋଗର ଅଧ୍ୟକ୍ଷଙ୍କ ପଦବୀ ଲାଗି ଯୋଗ୍ୟତା ଏବଂ ଚୟନର ସୀମା ବୃଦ୍ଧି କରିବା ସକାଶେ ମଧ୍ୟ ଏହି ବିଲରେ ପ୍ରସ୍ତାବ ରହିଛି ।

(4) ବିଲରେ କେନ୍ଦ୍ର ଶାସିତ ଅଂଚଳରେ ମାନବିକ ଅଧିକାର ଉଲ୍ଲଙ୍ଘନ ମାମଲାଗୁଡ଼ିକର ଅନୁଧ୍ୟାନ ଲାଗି ଏକ ବ୍ୟବସ୍ଥା ନିର୍ମାଣ କରିବାର ପ୍ରସ୍ତାବ ମଧ୍ୟ ରହିଛି ।

(5) ବିଲରେ ଜାତୀୟ ମାନବିକ ଅଧିକାର ଆୟୋଗ ଏବଂ ରାଜ୍ୟ ମାନବିକ ଅଧିକାର ଆୟୋଗର ଅଧ୍ୟକ୍ଷ ଏବଂ ସଦସ୍ୟମାନଙ୍କ କାର୍ଯ୍ୟକାଳରେ ସଂଶୋଧନ ପାଇଁ ପ୍ରସ୍ତାବ ରହିଛି । ଯାହାଦ୍ୱାରା ଏହାକୁ ଅନ୍ୟ ଆୟୋଗଗୁଡ଼ିକର ଅଧ୍ୟକ୍ଷ ଏବଂ ସଦସ୍ୟଙ୍କ କାର୍ଯ୍ୟକାଳ ଅନୁରୂପ କରାଯାଇପାରିବ ।

ଲାଭ : ଏହି ସଂଶୋଧନ ଦ୍ୱାରା ଭାରତରେ ମାନବିକ ଅଧିକାର ସଂଶୋଧନକୁ ଦୃଢ଼ତା ମିଳିବ ଏବଂ ମାନବିକ ଅଧିକାର ଅନୁଷ୍ଠାନଗୁଡ଼ିକ ନିଜ ଦାୟିତ୍ୱ, ଭୂମିକା ଏବଂ ଉତ୍ତରଦାୟିତ୍ୱକୁ ପ୍ରଭାବୀ ଢଙ୍ଗରେ କାର୍ଯ୍ୟକାରୀ କରିପାରିବେ । କେବଳ ସେତିକି ନୁହେଁ ସଂଶୋଧିତ ଅଧିନିୟମ ଦ୍ୱାରା ମାନବିକ ଅଧିକାର ସଂସ୍ଥାଗୁଡ଼ିକ ଜୀବନ, ସ୍ୱାଧୀନତା, ସମାନତା ଏବଂ ବ୍ୟକ୍ତିର ସମ୍ମାନ ସହ ଜଡ଼ିତ ଅଧିକାରଗୁଡ଼ିକୁ ସୁନିଶ୍ଚିତ କରିବାରେ ସମକକ୍ଷ ବିଶ୍ୱସ୍ତରୀୟ ମାନଦଣ୍ଡର ପାଳନ କରିପାରିବେ ।

**********