ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ମାନବ ଚାଲାଣ (ନିରାକରଣ, ସୁରକ୍ଷା ଏବଂ ଥଇଥାନ) ଆଇନ, 2018 ସଂସଦରେ ଉପସ୍ଥାପନ ପ୍ରସ୍ତାବକୁ ଅନୁମୋଦନ କରାଯାଇଛି ।

ଏହି ଆଇନରେ ନିମ୍ନୋକ୍ତ ବୈଶିଷ୍ଟ୍ୟ ରହିଛି:-

1. 1. ନିରାକରଣ, ଉଦ୍ଧାର ଏବଂ ଥଇଥାନ ଉଦ୍ଦେଶ୍ୟରେ ମାନବ ଚାଲାଣ ସମସ୍ୟାର ସମାଧାନ ।
2. 2. ମାନବ ଚାଲାଣର ପରିବର୍ଦ୍ଧିତ ସ୍ୱରୂପ, ଯେପରିକି ଶ୍ରମିକ, ଭିକ୍ଷାବୃତ୍ତି, ନିର୍ଦ୍ଧାରିତ ସମୟ ପୂର୍ବରୁ ଯୌନ ପରିପକ୍ୱତା ହାସଲ କରିବା ଲାଗି ରାସାୟନିକ ପଦାର୍ଥ କିମ୍ବା ହରମୋନ୍ ଉପଯୋଗ କରିବା, ଜୋରଜବରଦସ୍ତ ବିବାହ ଉଦ୍ଦେଶ୍ୟରେ ବିବାହ ପୂର୍ବରୁ କିମ୍ବା ବିବାହ ପରେ ମହିଳା ଏବଂ ଝିଅ ପିଲାଙ୍କ ଚାଲାଣ ଭଳି ମାନବ ଚାଲାଣକୁ ପ୍ରତିହତ କରିବା ।
3. 3. ମାନବ ଚାଲାଣକୁ ପ୍ରୋତ୍ସାହନ ଏବଂ ସହଯୋଗ କରିବା ଲାଗି ଦଣ୍ଡବିଧାନ । ଜାରି ହୋଇନଥିବା, ଜାଲ୍ ଏବଂ ନକଲି ପ୍ରମାଣପତ୍ର ପ୍ରସ୍ତୁତ କରିବା, ଛାପିବା, ବାଂଟିବା, ପଞ୍ଜିକରଣ କରିବା କିମ୍ବା ସରକାରୀ ଆବଶ୍ୟକତା ଅନୁପାଳନର ପ୍ରମାଣ ରୂପରେ ଷ୍ଟିକର ଏବଂ ସରକାରୀ ଏଜେନ୍ସିରୁ ମଞ୍ଜୁରି ଏବଂ ଆବଶ୍ୟକ କାଗଜପତ୍ର ପ୍ରାପ୍ତ କରିବା ଲାଗି ଜାଲିଆତି କରୁଥିବା ବ୍ୟକ୍ତିଙ୍କ ପାଇଁ ଦଣ୍ଡବିଧାନର ବ୍ୟବସ୍ଥା ରହିଛି ।
4. 4. ପୀଡ଼ିତ / ସାକ୍ଷୀ ଏବଂ ଅଭିଯୋଗକାରୀଙ୍କ ପରିଚୟ ପ୍ରକଟ କରାନଯାଇ ଗୋପନୀୟତା ରକ୍ଷା କରିବା । ପୀଡ଼ିତଙ୍କ ଗୋପନୀୟତା ଏବଂ ତାଙ୍କର ବୟାନ ଭିଡ଼ିଓ କନଫରେନ୍ସିଂ ଜରିଆରେ ରୁଜ୍ଜୁ କରାଯାଇ ବଜାୟ ରଖାଯିବ । (ଏହାଦ୍ୱାରା ସୀମାପାର ଏବଂ ଆନ୍ତଃରାଜ୍ୟ ଅପରାଧ ମୁକାବିଲାରେ ସହାୟତା ମିଳିପାରିବ)
5. 5. ସମୟବଦ୍ଧ ପ୍ରକ୍ରିୟାରେ ଆଇନଗତ ଶୁଣାଣି ଏବଂ ପୀଡ଼ିତଙ୍କୁ ଫେରାଇଦେବା-ଅଭିଯୋଗ ହେବାର ତାରିଖ ଠାରୁ ଗୋଟିଏ ବର୍ଷ ମଧ୍ୟରେ ।
6. 6. ଉଦ୍ଧାର କରାଯାଇଥିବା ଲୋକମାନଙ୍କୁ ତ୍ୱରିତ ସୁରକ୍ଷା ଏବଂ ସେମାନଙ୍କର ଥଇଥାନ । ପୀଡ଼ିତଙ୍କୁ ଶାରୀରିକ, ମାନସିକ ଆଘାତର ମୁକାବିଲା ଲାଗି ପୀଡ଼ିତଙ୍କୁ 30 ଦିନ ମଧ୍ୟରେ ଅନ୍ତରୀଣ ସହାୟତା ଲାଗି ଯୋଗ୍ୟ ଅଟନ୍ତି ଏବଂ ଅଭିଯୋଗପତ୍ର ଦାଖଲ ହେବାର ତାରିଖ ଠାରୁ 60 ଦିନ ମଧ୍ୟରେ ।
7. 7. ପୀଡ଼ିତଙ୍କ ଥଇଥାନ ଅଭିଯୁକ୍ତ ବିରୋଧରେ ଅପରାଧିକ କାର୍ଯ୍ୟାନୁଷ୍ଠାନ ଆରମ୍ଭ ହେବା କିମ୍ବା ମାମଲାର ରାୟ ଉପରେ ନିର୍ଭର କରିନଥାଏ ।
8. 8. ପ୍ରଥମ ଥର ଲାଗି ଥଇଥାନ ପାଣ୍ଠି ନିର୍ମାଣ କରାଯାଇଛି । ଏହାର ଉପଯୋଗ ପୀଡ଼ିତଙ୍କ ଶାରୀରିକ, ମନୋବୈଜ୍ଞାନିକ ଏବଂ ସାମାଜିକ ଯତ୍ନ ଲାଗି ହେବ । ଏଥିରେ ତାଙ୍କର ଶିକ୍ଷା, ଦକ୍ଷତା ବିକାଶ, ସ୍ୱାସ୍ଥ୍ୟ ଯତ୍ନ, ମନୋବୈଜ୍ଞାନିକ ସମର୍ଥନ, ଆଇନଗତ ସହାୟତା ଏବଂ ସୁରକ୍ଷିତ ନିବାସ ଆଦି ସାମିଲ ରହିଛି ।
9. 9. ମାମଲାର ଦ୍ରୁତ ଶୁଣାଣି ଲାଗି ପ୍ରତ୍ୟେକ ଜିଲ୍ଲାରେ ସ୍ୱତନ୍ତ୍ର ଅଦାଲତ ।
10. 10. ଏହି ଆଇନ ଜିଲ୍ଲା, ରାଜ୍ୟ ଏବଂ କେନ୍ଦ୍ରୀୟ ସ୍ତରରେ ସମର୍ପିତ ସଂସ୍ଥାଗତ ଢାଂଚା ନିର୍ମାଣ କରୁଛି । ଏହା ମାନବ ଚାଲାଣର ନିରାକରଣ, ସୁରକ୍ଷା ଯାଂଚ ଏବଂ ଥଇଥାନ କାର୍ଯ୍ୟ ଲାଗି ଉତ୍ତରଦାୟୀ ରହିବ । ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ଗୃହ ମନ୍ତ୍ରଣାଳୟ ଅଧୀନ ଜାତୀୟ ସ୍ତରରେ ମାନବ ଚାଲାଣ ନିରୋଧୀ ବ୍ୟୁରୋର କାର୍ଯ୍ୟ କରିବ ।
11. 11. ଦଣ୍ଡ ସର୍ବନିମ୍ନ 10ବର୍ଷ ସଶ୍ରମ କାରାଦଣ୍ଡରୁ ଆଜୀବନ କାରଦଣ୍ଡ କରାଯାଇଛି ଏବଂ ଏକ ଲକ୍ଷ ଟଙ୍କାରୁ କମ୍ ଜୋରିମାନା ଦଣ୍ଡର ବ୍ୟବସ୍ଥା ନାହିଁ ।
12. 12. ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ସଂଗଠିତ ଅପରାଧ ଗୋଷ୍ଠୀକୁ ଭାଙ୍ଗିବା ଲାଗି ସମ୍ପତ୍ତି ଜବତ ଏବଂ ଅପରାଧରୁ ମିଳୁଥିବା ଅର୍ଥ ଜବତ କରିବାର ବ୍ୟବସ୍ଥା ।
13. 13. ଏହି ଆଇନ ଅପରାଧର ଅନ୍ତର୍ଜାତୀୟ ସ୍ୱଭାବରୁ ବ୍ୟାପ ଭାବେ ମୁକାବିଲା କରୁଛି । ଜାତୀୟ ମାନବ ଚାଲାଣ ନିରୋଧୀ ବ୍ୟୁରୋ ବିଦେଶୀ ରାଷ୍ଟ୍ର ଏବଂ ଅନ୍ତଃରାଷ୍ଟ୍ରୀୟ ସଂଗଠନର ଅଧିକାରୀମାନଙ୍କ ସହିତ ଅନ୍ତର୍ଜାତୀୟ ସ୍ତରରେ ତାଳମେଳ ପ୍ରତିଷ୍ଠା କରିବ, ତଦନ୍ତରେ ଅନ୍ତର୍ଜାତୀୟ ସହାୟତା ପ୍ରଦାନ କରିବ, ପ୍ରମାଣ ଏବଂ ସାମଗ୍ରୀ, ସାକ୍ଷୀଙ୍କ ଆନ୍ତଃରାଜ୍ୟ, ସୀମାପାର ସ୍ଥାନାନ୍ତରଣରେ ସହାୟତା କରିବ ଏବଂ ନ୍ୟାୟିକ କାର୍ଯ୍ୟାନୁଷ୍ଠାନରେ ଆନ୍ତରାଜ୍ୟ ଏବଂ ଅନ୍ତର୍ଜାତୀୟ ଭିଡିଓ କନଫରେନ୍ସିଙ୍ଗରେ ସହାୟତା କରିବ ।

ଏଠାରେ ସୂଚନାଯୋଗ୍ୟ ମାନବ ଚାଲାଣ ନାଗରିକଙ୍କ ମୌଳିକ ଅଧିକାରକୁ କ୍ଷୂର୍ଣ୍ଣ କରୁଥିବା ସବୁଠୁ ବଡ଼ ସଂଗଠିତ ଅପରାଧ । ଏହି ଅପରାଧର ମୁକାବିଲା କରିବା ଲାଗି ବର୍ତ୍ତମାନ ସୁଦ୍ଧା କୌଣସି ସ୍ୱତନ୍ତ୍ର ଆଇନ ନାହିଁ । ଏହାକୁ ଦୃଷ୍ଟିରେ ରଖି ମାନବ ଚାଲାଣ (ନିରାକରଣ, ସୁରକ୍ଷା ଏବଂ ପୁନର୍ବାସ) ଆଇନ, 2018 ପ୍ରସ୍ତୁତ କରାଯାଇଛି  ।

***********